ފުވައްމުލައް ސިޓީގެ ފެނުގެ ޚިދުމަތް އިތުރަށް ހަރުދަނާކޮށް، ރައްޔިތުންނަށް މެދުކެނޑުމެއްނެތި ތާޒާ ފެން ފޯރުކޮށްދިނުމުގެ ގޮތުން ދުވާލަކު 350 ޓަނުގެ ފެން އުފެއްދުމުގެ ގާބިލުކަން ލިބިގެންވާ އިތުރު އާރުއޯ ޕްލާންޓެއް އެ ސިޓީއަށް ގެންގޮސްފިއެވެ.

މާލޭ ވޯޓަރ އެންޑް ސެވަރޭޖް ކޮމްޕެނީ (އެމްޑަބްލިއުއެސްސީ) އިން މަޢުލޫމާތު ދެއްވާ ގޮތުގައި، މި ޕްލާންޓް ފުވައްމުލަކަށް ބޭލުމުގެ މަސައްކަތް މިހާރު އަންނަނީ ކުރަމުންނެވެ.

An additional 350T per day RO plant is being unloaded in Fuvahmulah right now. Once operational, it will increase water production capacity by approximately 90%, strengthening supply reliability and supporting our commitment to safe water for the community.

MWSC took over water… pic.twitter.com/g79ioim6Cw

— Hussain Fahmy (@HussainFahmy09) October 3, 2026

އެމްޑަބްލިއުއެސްސީގެ މެނޭޖިން ޑިރެކްޓަރ ޙުސައިން ފަހުމީ ވިދާޅުވީ، މި އާ ޕްލާންޓް އިންސްޓޯލްކޮށް އޮޕަރޭޝަނަށް ގެނައުމާއެކު ފުވައްމުލަކުގައި ފެން އުފެއްދޭ މިންވަރު ގާތްގަނޑަކަށް 90 އިންސައްތައަށް އިތުރުވެގެންދާނެ ކަމަށެވެ.

މީގެ ސަބަބުން ރައްކާތެރި ފެން ފޯރުކޮށްދިނުމަށް ކުރެވޭ މަސައްކަތަށް ބޮޑު ކުރިއެރުމެއް ލިބި، ސިޓީގެ ފެނުގެ ކަންކަމަށް ބޮޑު ލުޔެއް ލިބިގެންދާނެއެވެ.

އިތުރު އާރްއޯ ޕްލާން އިންސްޓޯލް ކުރުމުގެ މަސައްކަތް ފެށިފައިވަނީ އައްޑޫ ސިޓީ (ހުޅުދޫ އާއި މީދޫ ހިމެނޭހެން) އާއި ފުވައްމުލައް ސިޓީގެ ފެނާއި ނަރުދަމާގެ ޚިދުމަތް ފެނަކަ ކޯޕަރޭޝަނުން އެމްޑަބްލިއުއެސްސީއާ ރަސްމީކޮށް ހަވާލުކުރުމާ ގުޅިގެންނެވެ.

މި ބަދަލާއެކު، ރައްޔިތުންނަށް ދެވޭ ޚިދުމަތްތައް އެއްވެސް މެދުކެނޑުމެއްނެތި، އޮމާންކަމާއެކު ކުރިއަށްގެންދިއުމަށް އެމްޑަބްލިއުއެސްސީން ވަނީ އިސްކަންދީފައެވެ.