ލޯކަލް ކައުންސިލްތަކުގެ ބެލެހެއްޓުމުގެ ދަށުގައި ހުންނަ ބިންތަކާއި ވަސީލަތްތައް އެކި ސިޔާސީ ޕާޓީތަކުގެ ހަރަކާތްތަކަށް ބޭނުންކުރުން ވަގުތުން ހުއްޓާލުމަށް ލޯކަލް ގަވަރމަންޓް އޮތޯރިޓީ (އެލްޖީއޭ) އިން ރާއްޖޭގެ ހުރިހާ ކައުންސިލްތަކަށް އަންގައިފިއެވެ.
އެލްޖީއޭއިން މިފަދަ އެންގުމެއް އަންގާފައި މިވަނީ، ރާއްޖޭގެ މައި އިދިކޮޅު ޕާޓީ ކަމަށްވާ މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ގައުމީ މަޖިލީހުގެ ކޮންގްރެސް މާލެ ސިޓީ ކައުންސިލްގެ ހޯލުގައި ފަށާފައިވާ ދަނޑިވަޅެއްގައެވެ. މިކަމާ ގުޅިގެން އެމްޑީޕީން ހާމަކޮށްފައިވާ ގޮތުގައި، ކޮންގްރެސް ބޭއްވުމަށް ސަރުކާރުގެ އިމާރާތެއް ހަމަޖައްސައިދިނުމަށް އެދުމުންވެސް އެ ފުރުސަތު ސަރުކާރުން އެ ޕާޓީއަށް ފަހިކޮށްދީފައެއް ނުވެއެވެ.
ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނާއި ކަމާބެހޭ ގަވާއިދުތަކަށް ރިއާޔަތްކޮށް އެލްޖީއޭއިން ނެރުނު ބަޔާނުގައި ބުނެފައިވަނީ، ކައުންސިލްތަކުގެ އިހްތިސާސްގައި ހިމެނޭ ބިންތަކާއި އިމާރާތްތަކަކީ އާންމު ރައްޔިތުންނަށް ހިދުމަތް ދިނުމަށާއި މުޖުތަމައުގެ އިޖުތިމާއީ މަންފާއަށް ހާއްސަކުރެވިފައިވާ ތަންތަން ކަމަށެވެ. އެހެންކަމުން، ވަކި ސިޔާސީ ފިކުރަކަށް ނުވަތަ ޕާޓީއަކަށް މަންފާވާނޭހެން އެފަދަ ތަންތަނުގައި އެއްވުންތަކާއި ސިޔާސީ ހަރަކާތްތައް ހިންގުމަށް ހުއްދަ ދިނުމަކީ ގާނޫނީ ގޮތުން ކައުންސިލްތަކަށް ލިބިގެންވާ ބާރެއް ނޫން ކަމަށްވެސް އެ ބަޔާނުގައި ފާހަގަކޮށްފައިވެއެވެ.
މީގެއިތުރުން، ބައެއް ރަށްރަށުގެ ކައުންސިލްތަކުން ޕާޓީތަކުގެ ކެމްޕޭން ހަރަކާތްތަކަށާއި ޖަލްސާތަކަށް ކައުންސިލްގެ ބިންތަކާއި މައިޒާންތައް ދޫކުރަމުންދާ ކަމުގެ ޝަކުވާތައް މީޑިއާތަކުގެ އިތުރުން އެ އޮތޯރިޓީއަށްވެސް ލިބެމުންދާ ކަމަށް އެލްޖީއޭއިން ބުނެއެވެ. އެލްޖީއޭއިން ބުނި ގޮތުގައި މި އެންގުމުގެ މައިގަނޑު ބޭނުމަކީ ކައުންސިލްތަކުން އާންމު މަސްލަހަތު އިސްކޮށް، ވަކި ފަރާތަކަށް ނުޖެހި، ހުރިހާ ރައްޔިތުންނަށް ހަމަހަމަކަމާއެކު ހިދުމަތް ފޯރުކޮށްދިނުމުގެ އުސޫލު ދެމެހެއްޓުމެވެ.
އެލްޖީއޭގެ މި ނިންމުމާ އެކު، ދެން އެއްވެސް ކައުންސިލަކުން ސިޔާސީ ހަރަކާތްތައް ހިންގުމަށް ކައުންސިލްގެ ބިންތަކާއި ތަންތަން ދޫކުރުން މަނާވާނެއެވެ. އަދި ސިޔާސީ ޕާޓީތަކުން ހަރަކާތްތައް ބާއްވަންވާނީ އަމިއްލަ ފަރާތްތަކުގެ މިލްކިއްޔާތުގައިވާ ތަންތަނުގައްޔާއި، ޕާޓީތަކުގެ އަމިއްލަ ޖަގަހަތަކުގައި ނުވަތަ ގާނޫނީ ގޮތުން ހުއްދަ އޮންނަ ވަސީލަތްތައް ބޭނުންކޮށްގެން ކަމަށް އެލްޖީއޭއިން ވަނީ ހަނދާންކޮށްދީފައެވެ.
ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނާއި ކަމާބެހޭ ގަވާއިދުތަކަށް ރިއާޔަތްކޮށް އެލްޖީއޭއިން ނެރުނު ބަޔާނުގައި ބުނެފައިވަނީ، ކައުންސިލްތަކުގެ އިހްތިސާސްގައި ހިމެނޭ ބިންތަކާއި އިމާރާތްތަކަކީ އާންމު ރައްޔިތުންނަށް ހިދުމަތް ދިނުމަށާއި މުޖުތަމައުގެ އިޖުތިމާއީ މަންފާއަށް ހާއްސަކުރެވިފައިވާ ތަންތަން ކަމަށެވެ. އެހެންކަމުން، ވަކި ސިޔާސީ ފިކުރަކަށް ނުވަތަ ޕާޓީއަކަށް މަންފާވާނޭހެން އެފަދަ ތަންތަނުގައި އެއްވުންތަކާއި ސިޔާސީ ހަރަކާތްތައް ހިންގުމަށް ހުއްދަ ދިނުމަކީ ގާނޫނީ ގޮތުން ކައުންސިލްތަކަށް ލިބިގެންވާ ބާރެއް ނޫން ކަމަށްވެސް އެ ބަޔާނުގައި ފާހަގަކޮށްފައިވެއެވެ.
އެލްޖީއޭގެ މި ނިންމުމާ އެކު، ދެން އެއްވެސް ކައުންސިލަކުން ސިޔާސީ ހަރަކާތްތައް ހިންގުމަށް ކައުންސިލްގެ ބިންތަކާއި ތަންތަން ދޫކުރުން މަނާވާނެއެވެ. އަދި ސިޔާސީ ޕާޓީތަކުން ހަރަކާތްތައް ބާއްވަންވާނީ އަމިއްލަ ފަރާތްތަކުގެ މިލްކިއްޔާތުގައިވާ ތަންތަނުގައްޔާއި، ޕާޓީތަކުގެ އަމިއްލަ ޖަގަހަތަކުގައި ނުވަތަ ގާނޫނީ ގޮތުން ހުއްދަ އޮންނަ ވަސީލަތްތައް ބޭނުންކޮށްގެން ކަމަށް އެލްޖީއޭއިން ވަނީ ހަނދާންކޮށްދީފައެވެ.
ކިޔުންތެރިންގެ ހިޔާލު