މީ ނުދައްކާ ވާހަކައެވެ. ނުވަތަ ދައްކަން ބޭނުންނުވާ މީހާގެ ވާހަކައެވެ. އަދި ސިޔާސީ މީހުން ދައްކަން އެންމެ ޖެހިލުންވާ މީހާގެ ވާހަކައެވެ. ސަބަބުތަކެއް ނެތީމައެއް ނޫނެވެ. އެމީހެއްގެ ވާހަކަ ޕޮޒިޓިވްކޮށް ކަމުގައިވިޔަސް އަދި ނެގެޓިވްކޮށް ކަމުގައި ވިޔަސް ދައްކައިފިނަމަ ޤައުމުގައި އެވާހަކައެއް އެންމެ ފަސޭހައިން ވައި ހިއްޕާލެވޭނެ މީހާގެ ވާހަކައެވެ. އޭނާގެ ނަން ބޭނުންކޮށްގެން ސިޔާސީ މައިދާނަށް އަލަށް ނިކުންނަ "ކިރުބޯ ޅަކުއްޖާ" ވެސް ބަހެއް ބުނެފިނަމަ "ބޮޑެތި މީޑިއާ" ތަކުގެ ފަލަ ސުރުޚީން ޖާގަ ލިބޭ މީހާގެ ވާހަކައެވެ. ގިނަފަހަރަށް ސިޔާސީ މީހުން އެމީހާގެ ވާހަކަ ޕޮޒިޓިވްކޮށް ރައްޔިތުންގެ ކަންފަތްތަކަށް އިވުނަކަ ނުދޭނެއެވެ. އެއީ އެމީހެއްގެ ސަބަބުން މިކިޔާ "ހިތުން ސިޔާސީ" މީހުންގެ ވިދުން ފަނޑުކޮށްލާތީއެވެ. އެމީހާގެ މަންޒަރު ހުތުރުކުރަން ވާހަކަ ދައްކާ ސަބަބަކީ އެއީއެވެ. އާދޭހެވެ. މިހެންގޮސް ކިތަންމެ ވަރަކަށްވެސް ހާސަރު ދިގު ކުރެވިދާނެއެވެ. އެހެންކަމުން ކުރުކޮށްލީއެވެ. މި ދައްކަނީ ދެވަނަ މީހެއްގެ ވާހަކައެއް ނޫނެވެ. ރައީސް ނަޝީދުގެ ވާހަކައެވެ.
ދިވެހި ޖުމްހޫރިއްޔާގެ 04 ވަނަ ރައީސް، އަދި ދެވަނަ ޖުމްހޫރިއްޔާގެ 03 ވަނަ ރައީސް، ރައީސް މުޙައްމަދު ނަޝީދަކީ އެތައް ގޮތަކުން ފާހަގަ ކޮށްލެވޭ ކުޅަދާނަ ފަހުލަވާނެކެވެ. އެމަނިކުފާނަކީ ރާއްޖޭގެ ސިޔާސީ މަސްރަޙުގައި އެހެން ބޭފުޅުން ކުޅުއްވަން ޖެހިލުންވެ ވަޑައިގެންނެވި އެތައް ކުޅިއެއް ޖެހިލުމެއްނެތި ކުޅުއްވާ ޖެހިލުންކުޑަ ލީޑަރެކެވެ. ޖުމްހޫރީ މައިދާން މެދުން 04 މީހުންނާއެކު ކުރެއްވި މުޒާހަރާއާއި، ނައިފަރުން އެމަނިކުފާނުގެ ހަށިކޮޅަށް ޖެހި ޗަކަ އާއި، ރައީސް މައުމޫންގެ ވެރިކަމުގައި ޖަލުގައި ދެވުނު އަނިޔާއާއި، އިންތިޚާބުވާ މަޤާމުތަކުން އެއްގޮތް ނެތިއްޔާ އަނެއްގޮތަކުން ބޭރުކޮށްލުމުންވެސް، ޢަޒުމާއެކު ކުރިއަށް ގޮސް ކުޅިފަސް ހޯއްދަވާ "ސްމާޓް" ލީޑަރެކެވެ. ދިވެހި ރާއްޖޭގެ ރައީސުލް ޖުމްހޫރިއްޔާ ކަމާއި، ރައްޔިތުންގެ މަޖިލީހުގެ ރައީސްކަން ކުރެއްވުމުގައި ރައީސް ނަޝީދުގެ ޢަމަލު ފުޅުތައް ދިރާސާކޮށްލުމުން އެކަމަށް ހެކި ދެއެވެ. ދެން އަސްލު މަޢުޟޫޢު އަށް ޖެހިލާނަމެވެ.
ރައީސް ނަޝީދުގެ ސިޔާސީ ވާދަވެރިންނަކީ ސަރުކާރުގެ އެތެރޭގައާއި ބޭރުގައިވެސް ތިބި ބައެކެވެ. ގިނަ ފަހަރަށް ގިނިކަންޏާ ކުޅުއްވަނީ އެމަނިކުފާން އެކަންޏެވެ. އެހެން ލީޑަރުން އެމަނިކުފާނާއި އެއް އޮޑިއަކަށް އަރަނީ އެނޫން ގޮތެއް ނެތި އަމިއްލަ ގަޔަށް ހޫނު ފެން އެޅުމުންނެވެ. އެހެން ނަމަވެސް ކައިރީގައި ތިބެވެސް އެފަރާތްތަކުން ބަލަނީ ރައީސް ނަޝީދު ކޮށްޕާ އޮޑިން ބޭރުކުރެވޭތޯއެވެ. އެ ބީދައިން މިހާރު އެންމެ ޢާއްމުކޮށް ދައްކާ ވާހަކައަކީ އެމަނިކުފާނު ގެ ލީޑަރޝިޕްގެ ދަށުގައި އޮތް އެމްޑީޕީގެ 40 އިންސައްތަ ޙިއްސާވާ މި ސަރުކާރު ބަލިކަށި ކުރުމަށް ރައީސް ނަޝީދު މަސައްކަތް ކުރަށްވާ ވާހަކައެވެ. ރައީސް އިބްރާހިމް މުޙައްމަދު ޞާލިޙަށް ފިއްތުންތައް ކުރިމަތިކޮށް ވެރިކަން ނިމުމަކަށް ގެނައުމަށް ރައީސް ނަޝީދު މަސައްކަތް ކުރައްވާ ވާހަކަ އެވެ. ހުސް ވާހަކައެވެ. ފްލޯކެވެ.
ކުރިންވެސް ދެންނެވި ފަދައިން ރައީސް ނަޝީދުގެ ސިޔާސީ ވާދަވެރިން ތިބީ އެތެރެއާއި ބޭރުގައެވެ. ނޫކުލައިން ރީނދޫ ކުލައަށް ބަދަލުވެ ގިރިޓީ ކޮށްލައިގެން އުޅޭ ބަޔަކާއި، ސަރުކާރު ކޯލިޝަންގެ 60 އިންސައްތަ އަކީވެސް އެމަނިކުފާނުގެ ސިޔާސީ ހަތުރުންނެވެ. އެހެންކަމުން އެފަރާތްތަކުގެ މަޤްސަދަކަށް ވެފައިއޮތީ އެމަނިކުފާނުގެ އޮފް ކަނޑުވާލުމެވެ. ފުރަތަމަ ބުނެ އުޅުނީ "ގަންޖާބޯ" މީހެއް ކަމަށެވެ. ރައްޔިތުން އެކަން ޤަބޫލު ކުރާކަށް ބޭނުމެއް ނުވިއެވެ. ދެން ބުނަންފެށީ "ލާދީނީ" މީހެއް ކަމަށެވެ. އެ ކާޑު ވެސް ރައްޔިތުންގެ ކުރިމަތީ ވިއްކޭ ގޮތެއް ނުވިއެވެ. ދެން މިހާރު ކުޅޭ ކުޅިއަކީ ބޯވަހެދި ކުލަ ބަދަލުކޮށް ސަރުކާރުގެ ތެރެއިން 60 އިންސައްތަ މެޖޯރިޓީ އާއި، ޕާލިމެންޓަރީ ގްރޫޕްގެ ވިޕުންގެ ގޮތުގައާއި، ޕާޓީގެ އިސް މަޤާމުތަކުގައި ތިބެ އެމަނިކުފާނު ބަލިކޮށްލުމަށް ކުރެވޭ މަސައްކަތެވެ.
ރައީސް ނަޝީދު އަބަދުވެސް ވިދާޅުވާ ވާހަކަފުޅެއް އޮވެއެވެ. ދާންވާނީ ކުރިއަށެވެ. ފަހަތް ބަލާނެކަމެއް ނެތެވެ. އަދި ކުރިއަށް ދާންވާނީވެސް ފިސާރި ބާރަށެވެ. އެމަނިކުފާނުގެ އެ ސްޕީޑްގައި، އެކުގައި ތިބޭ ފަހަތު ފަޔަށް ބުރަ މީހުންނަށް ނުހިނގޭނަމަ އެމަނިކުފާނު އެވާހަކަ ދައްކަވާނެއެވެ. ރައްޔިތުން ސަރުކާރެއް ޙަވާލުކޮށް ޒިންމާ އާއި މަތިކުރުމުން ސަރުކާރަކަށް ދެއްކޭނެ ޙުއްޖަތެއް ނޯންނާނެއެވެ. އަވަސް ތަރައްޤީ ހަލުވި ކަމާއެކު އަންނަކަމުގެ އިޙްސާސް ރައްޔިތުންނަށް ވާން ޖެހޭނެއެވެ. ރައީސް ނަޝީދު ކަންބޮޑުވެ ވަޑައިގަންނަވަނީ އެ އިޙްސާސް ރައްޔިތުންނަށް ނުވެ ރައްޔިތުން އުދާސް ވެފައި ވާތީއެވެ. ރައްޔިތުން ޝަކުވާ ބަންޑެލި ހިފައިގެން މީސް މީޑިއާގައި އުޅެން ޖެހިފައިވާތީއެވެ. އެ މައްސަލަތައް ޙައްލު ކުރުމުގައި ސަރުކާރަށް އެދެވޭ ނަތީޖާއެއް ނުނެރެވޭތީއެވެ. ކޯލިޝަންގެ 60 އިންސައްތަ ޕާޓްނަރަށް ބައްލަވަން ހައްދަވައިގެން ރައްޔިތުންގެ 60 އިންސައްތަ ތާޢީދު ސަރުކާރަށް ގެއްލޭތީއެވެ. އެހެންކަމުން އެމަނިކުފާނު އެވާހަކަ ދައްކާނެއެވެ. އެއީ ރައްޔިތުންގެ މީހާއެވެ. ރައްޔިތުން އެކަން ޤަބޫލުކުރެއެވެ.
ދެން ބުނާނެއެވެ. މަޖިލީސް އޮތީ އެމްޑީޕީގެ އަތުގައި ނޫންހެއްޔެވެ. އާދޭހެވެ. މަޖިލީސް އެބައޮތެވެ. ސުޕަރ މެޖޯރިޓީވެސް އެބައޮތެވެ. ނަމަވެސް ސަރުކާރުގެ ސްޕީޑް ލަސްވުމުން ވަޒީރުން މަޖިލީހަށް ޙާޟިރުކޮށްފިނަމަ އެކަން ވަނީ ރައީސް ނަޝީދު ސަރުކާރަށް ޖެއްސުން ކުރާ ކަމަށެވެ. ވަޒީރުން ނުރަނގަޅަށް ކުރަށްވާ ކަންކަން ފާހަގަ ކުރުމުންވެސް ގޯސް ވަނީ އެމަނިކުފާނެވެ. ނަމަވެސް އާޚިރުގައި އެއިން ކޮންމެ ކަމެއް ސާފުވެ ނިމޭއިރު މަޖިލީހުން ދައްކާ ވާހަކަ އޮންނަނީ ދިމާވެފައެވެ. ވެންޓިލޭޓަރުތަކަށް ވީގޮތް ހަނދާން ނެތޭހާ ދުވަހެއް އަދި ނުވެއެވެ. ގޯތި ނުދީގެން މާލޭ ރައްޔިތުން ރަތަށް އަރައިފިއެވެ. ސަރުކާރަށް ކުރެވުނު ކަމެއް ނެތެވެ. މަލީހެއް ޙިމާޔަތްކުރަން ސަރުކާރުން ކުރާ މަސައްކަތުން ރައްޔިތުންގެ ސިކުނޑީގެ ސްޕީޑްވެސް ފަސްވާން ފަށައިފިއެވެ. އިންޓަރނެޓްގެ ސްޕީޑް އަވަސްވާ ގޮތެއް ނުވިއެވެ. ޒަހާއެއްގެ ޙިމާޔަތުގައި ސަރުކާރު އޮށްވައި މަސްވެރިން ރުޅިއައިސް އެތިވަރުތައް ގޮވައި ނިންމައިފިއެވެ. އައްޑޫ ފްލައިން ސްކޫލްވެސް ދެވަޒީރެއްގެ ކޯލިޝަން ބޯޅައަކަށްވެ ރައްޔިތުން ތިބީ ތުންފިއްތައިގެންނެވެ. މިހެން ގޮސް ކިތަންމެ ކަމެކެވެ.
ރައީސް ނަޝީދު ގެ ހިތްހަމަނުޖެހުމަކީ އެއީއެވެ. އެމަނިކުފާނު ސަރުކާރާ ދެކޮޅެއް ނޫނެވެ. މަޖިލީހުގެ ތެރެއިން ވަޒީރުން ޒިންމާދާރުކުރުވަން އެމަނިކުފާނު ކުރަށްވާ މަސައްކަތުގެ ގޯސް ތަސައްވަރެއް ރައްޔިތުންނަށް ދައްކަނީ އެހެން ބަޔަކު މުޅިން އެހެން މަޤްސަދެއްގައެވެ. އެމަނިކުފާންގެ އޮފްކަން ކަނޑުވާލުމަށެވެ. ކުރަށްވާ މަސައްކަތާއި މިވާގޮތް ވިސްނަން ރައްޔިތުންނަށް ފުރުސަތު ލިބުނަ ނުދިނުމަށެވެ. ރައްޔިތުންގެ މަޖިލީހަށް އެމްޑީޕީ ވަކިން ނިކުތީވެސް ސަބަބުތަކެއް އޮތީމައެވެ. އެމްޑީޕީގެ ޤައުމީ މަޖިލީހަށް ރައީސް ނަޝީދު އެ ހުށައެޅުން ހުށައެޅުއްވުމުން އެކަމާ ދެކޮޅަށްވެސް ސަރުކާރުގެ އެ ކޯލިޝަން ނިކުތެވެ. ވާދަ ކުރަން ނުކެރޭތީއެވެ. އެދުވަހު ރައީސް ނަޝީދު ގޮތް ދޫކުރެއްވިނަމަ މަޖިލީހުންވެސް ގިނަވެގެން އެމްޑީޕީއަށް ލިބޭނީ 30 ގޮނޑިއެވެ. ރައްޔިތުން، ރައްޔިތުންގެ މަޖިލީސް ދިނީ އެމްޑީޕީއަށެވެ. ރައްޔިތުންގެ މަޖިލީހުގެ މެމްބަރުން ހަނދާނުގައި ބަހައްޓަންވީ ކަމަކީ އެއީއެވެ.
އެންމެންވެސް ބުނެއެވެ. ރައީސް ނަޝީދަކީ ތަފާތު ބޭފުޅެކެވެ. އެ މަނިކުފާން ޖައްސަވާ ހިސާބު އެހެން ބޭފުޅުންނަށް ޖައްސަވަން އެނގޭ ކަމަކަށް ނުވެއެވެ. ހަމަގައިމުވެސް އެމަނިކުފާނު ނުކުރަށްވާނެ ކަމެއް އޮންނާނެކަން ރައްޔިތުން ޤަބޫލުކުރެއެވެ. އެއީ ވައްކަން ކުރުމެވެ. ރައްޔިތުންގެ ފައިސާއަށް ޚިޔާނާތްތެރިވާނަމަ ވަޒީރަކަސް އަމީރަކަސް ރައީސް ނަޝީދު އެވާހަކަ ދައްކަވާނެއެވެ. އެއީ ސަރުކާރާ ދެކޮޅުވެގެންނެއް ނޫނެވެ. އެއީ ސަރުކާރާ އެއްކޮޅުވީމައެވެ. ސަރުކާރަކީ ރައްޔިތުންނެވެ. އެ ރައްޔިތުންނަށް ގެއްލުމެއް ލިބޭކަށް ރައީސް ނަޝީދު ބޭނުންފުޅެއް ނުވެއެވެ. އެހެންވީމާ ސުޕަރމެޖޯރިޓީގައިވެސް ޖީބު ފުރުމުގެ ވިސްނުން ހުންނަނަމަ، މާލޭ ރައްޔިތުންނަށް ގޯތި ނުދެވޭނަމަ، ފްލައިން ސްކޫލް ދަރިވަރުންގެ އުދާސްތަކަށް ލުޔެއް ނުލިބޭނަމަ، މަސްވެރިން ބިކަކުރާނަމަ، އިންޓަނެޓްގެ އަގު އާސްމާނުގައި ހުންނަނަމަ، ބްރޯ ހެދި އެހެންމީހުންނަށް ނޭނގޭހާ "ސްމާޓް" ކަޓުތައް ޖައްސާނަމަ އެވާހަކަ ދައްކަވާނީ ރައީސް ނަޝީދެެވެ.
ފްލެޓް ނޭޅެންޏާ ފްލެޓް ދޮންބެ ރުޅި އަންނާނެއެވެ. ފްލެޓް އަޅައިދޭން ޕްރަޕޯސަލް ހިފައިގެން އައީމާ ކަޓް ނުލިބޭތީ ނޫނެކޭ ބުނެ އެކަމަށް ހުރަސްއަޅާ ވަޒީރު އިސްތިއުފާ ދެއްވަން ވިދާޅުވާނެއެވެ. ރިޝްވަތު ނަގައި ވައްކަން ކުރާ މީހުންނާ ވަރަށް ގަޔާ ނުވާނެއެވެ. އެމީހުންނާ ދެކޮޅަށް ފާޅުގާ “އެމީހާ” ނުކުންނަވާނެއެވެ.
ރައީސް ނަޝީދުގެ ފާޑުކިއުންތަކުން ރެކިގަތުމަށް ސަރުކާރަށް ކުރެވެން އޮތީ އެންމެ ކަމެކެވެ. ސަރުކާރުންވެސް ސްޕީޑް ބާރު ކުރަންވީއެވެ. ރައްޔިތުން އެދޭ ތަރައްޤީ ބާރު ސްޕީޑްގައި ރައްޔިތުންނަށް ގެނެސްދޭންވީއެވެ. ނަތީޖާ ނުނެރެވޭ "ބޯތައް" ބޭރުކޮށް ރައްޔިތުން ހެއްވާލަންވީއެވެ. އޭރުން ރައީސް ނަޝީދުވެސް ސަރުކާރަށް ކިޔާނެ ފާޑެއް ނުއޮންނާނެއެވެ.
ރައީސް ނަޝީދުގެ ސިޔާސީ ވާދަވެރިންނަކީ ސަރުކާރުގެ އެތެރޭގައާއި ބޭރުގައިވެސް ތިބި ބައެކެވެ. ގިނަ ފަހަރަށް ގިނިކަންޏާ ކުޅުއްވަނީ އެމަނިކުފާން އެކަންޏެވެ. އެހެން ލީޑަރުން އެމަނިކުފާނާއި އެއް އޮޑިއަކަށް އަރަނީ އެނޫން ގޮތެއް ނެތި އަމިއްލަ ގަޔަށް ހޫނު ފެން އެޅުމުންނެވެ. އެހެން ނަމަވެސް ކައިރީގައި ތިބެވެސް އެފަރާތްތަކުން ބަލަނީ ރައީސް ނަޝީދު ކޮށްޕާ އޮޑިން ބޭރުކުރެވޭތޯއެވެ. އެ ބީދައިން މިހާރު އެންމެ ޢާއްމުކޮށް ދައްކާ ވާހަކައަކީ އެމަނިކުފާނު ގެ ލީޑަރޝިޕްގެ ދަށުގައި އޮތް އެމްޑީޕީގެ 40 އިންސައްތަ ޙިއްސާވާ މި ސަރުކާރު ބަލިކަށި ކުރުމަށް ރައީސް ނަޝީދު މަސައްކަތް ކުރަށްވާ ވާހަކައެވެ. ރައީސް އިބްރާހިމް މުޙައްމަދު ޞާލިޙަށް ފިއްތުންތައް ކުރިމަތިކޮށް ވެރިކަން ނިމުމަކަށް ގެނައުމަށް ރައީސް ނަޝީދު މަސައްކަތް ކުރައްވާ ވާހަކަ އެވެ. ހުސް ވާހަކައެވެ. ފްލޯކެވެ.
ކުރިންވެސް ދެންނެވި ފަދައިން ރައީސް ނަޝީދުގެ ސިޔާސީ ވާދަވެރިން ތިބީ އެތެރެއާއި ބޭރުގައެވެ. ނޫކުލައިން ރީނދޫ ކުލައަށް ބަދަލުވެ ގިރިޓީ ކޮށްލައިގެން އުޅޭ ބަޔަކާއި، ސަރުކާރު ކޯލިޝަންގެ 60 އިންސައްތަ އަކީވެސް އެމަނިކުފާނުގެ ސިޔާސީ ހަތުރުންނެވެ. އެހެންކަމުން އެފަރާތްތަކުގެ މަޤްސަދަކަށް ވެފައިއޮތީ އެމަނިކުފާނުގެ އޮފް ކަނޑުވާލުމެވެ. ފުރަތަމަ ބުނެ އުޅުނީ "ގަންޖާބޯ" މީހެއް ކަމަށެވެ. ރައްޔިތުން އެކަން ޤަބޫލު ކުރާކަށް ބޭނުމެއް ނުވިއެވެ. ދެން ބުނަންފެށީ "ލާދީނީ" މީހެއް ކަމަށެވެ. އެ ކާޑު ވެސް ރައްޔިތުންގެ ކުރިމަތީ ވިއްކޭ ގޮތެއް ނުވިއެވެ. ދެން މިހާރު ކުޅޭ ކުޅިއަކީ ބޯވަހެދި ކުލަ ބަދަލުކޮށް ސަރުކާރުގެ ތެރެއިން 60 އިންސައްތަ މެޖޯރިޓީ އާއި، ޕާލިމެންޓަރީ ގްރޫޕްގެ ވިޕުންގެ ގޮތުގައާއި، ޕާޓީގެ އިސް މަޤާމުތަކުގައި ތިބެ އެމަނިކުފާނު ބަލިކޮށްލުމަށް ކުރެވޭ މަސައްކަތެވެ.
ދެން ބުނާނެއެވެ. މަޖިލީސް އޮތީ އެމްޑީޕީގެ އަތުގައި ނޫންހެއްޔެވެ. އާދޭހެވެ. މަޖިލީސް އެބައޮތެވެ. ސުޕަރ މެޖޯރިޓީވެސް އެބައޮތެވެ. ނަމަވެސް ސަރުކާރުގެ ސްޕީޑް ލަސްވުމުން ވަޒީރުން މަޖިލީހަށް ޙާޟިރުކޮށްފިނަމަ އެކަން ވަނީ ރައީސް ނަޝީދު ސަރުކާރަށް ޖެއްސުން ކުރާ ކަމަށެވެ. ވަޒީރުން ނުރަނގަޅަށް ކުރަށްވާ ކަންކަން ފާހަގަ ކުރުމުންވެސް ގޯސް ވަނީ އެމަނިކުފާނެވެ. ނަމަވެސް އާޚިރުގައި އެއިން ކޮންމެ ކަމެއް ސާފުވެ ނިމޭއިރު މަޖިލީހުން ދައްކާ ވާހަކަ އޮންނަނީ ދިމާވެފައެވެ. ވެންޓިލޭޓަރުތަކަށް ވީގޮތް ހަނދާން ނެތޭހާ ދުވަހެއް އަދި ނުވެއެވެ. ގޯތި ނުދީގެން މާލޭ ރައްޔިތުން ރަތަށް އަރައިފިއެވެ. ސަރުކާރަށް ކުރެވުނު ކަމެއް ނެތެވެ. މަލީހެއް ޙިމާޔަތްކުރަން ސަރުކާރުން ކުރާ މަސައްކަތުން ރައްޔިތުންގެ ސިކުނޑީގެ ސްޕީޑްވެސް ފަސްވާން ފަށައިފިއެވެ. އިންޓަރނެޓްގެ ސްޕީޑް އަވަސްވާ ގޮތެއް ނުވިއެވެ. ޒަހާއެއްގެ ޙިމާޔަތުގައި ސަރުކާރު އޮށްވައި މަސްވެރިން ރުޅިއައިސް އެތިވަރުތައް ގޮވައި ނިންމައިފިއެވެ. އައްޑޫ ފްލައިން ސްކޫލްވެސް ދެވަޒީރެއްގެ ކޯލިޝަން ބޯޅައަކަށްވެ ރައްޔިތުން ތިބީ ތުންފިއްތައިގެންނެވެ. މިހެން ގޮސް ކިތަންމެ ކަމެކެވެ.
ރައީސް ނަޝީދު ގެ ހިތްހަމަނުޖެހުމަކީ އެއީއެވެ. އެމަނިކުފާނު ސަރުކާރާ ދެކޮޅެއް ނޫނެވެ. މަޖިލީހުގެ ތެރެއިން ވަޒީރުން ޒިންމާދާރުކުރުވަން އެމަނިކުފާނު ކުރަށްވާ މަސައްކަތުގެ ގޯސް ތަސައްވަރެއް ރައްޔިތުންނަށް ދައްކަނީ އެހެން ބަޔަކު މުޅިން އެހެން މަޤްސަދެއްގައެވެ. އެމަނިކުފާންގެ އޮފްކަން ކަނޑުވާލުމަށެވެ. ކުރަށްވާ މަސައްކަތާއި މިވާގޮތް ވިސްނަން ރައްޔިތުންނަށް ފުރުސަތު ލިބުނަ ނުދިނުމަށެވެ. ރައްޔިތުންގެ މަޖިލީހަށް އެމްޑީޕީ ވަކިން ނިކުތީވެސް ސަބަބުތަކެއް އޮތީމައެވެ. އެމްޑީޕީގެ ޤައުމީ މަޖިލީހަށް ރައީސް ނަޝީދު އެ ހުށައެޅުން ހުށައެޅުއްވުމުން އެކަމާ ދެކޮޅަށްވެސް ސަރުކާރުގެ އެ ކޯލިޝަން ނިކުތެވެ. ވާދަ ކުރަން ނުކެރޭތީއެވެ. އެދުވަހު ރައީސް ނަޝީދު ގޮތް ދޫކުރެއްވިނަމަ މަޖިލީހުންވެސް ގިނަވެގެން އެމްޑީޕީއަށް ލިބޭނީ 30 ގޮނޑިއެވެ. ރައްޔިތުން، ރައްޔިތުންގެ މަޖިލީސް ދިނީ އެމްޑީޕީއަށެވެ. ރައްޔިތުންގެ މަޖިލީހުގެ މެމްބަރުން ހަނދާނުގައި ބަހައްޓަންވީ ކަމަކީ އެއީއެވެ.
ފްލެޓް ނޭޅެންޏާ ފްލެޓް ދޮންބެ ރުޅި އަންނާނެއެވެ. ފްލެޓް އަޅައިދޭން ޕްރަޕޯސަލް ހިފައިގެން އައީމާ ކަޓް ނުލިބޭތީ ނޫނެކޭ ބުނެ އެކަމަށް ހުރަސްއަޅާ ވަޒީރު އިސްތިއުފާ ދެއްވަން ވިދާޅުވާނެއެވެ. ރިޝްވަތު ނަގައި ވައްކަން ކުރާ މީހުންނާ ވަރަށް ގަޔާ ނުވާނެއެވެ. އެމީހުންނާ ދެކޮޅަށް ފާޅުގާ “އެމީހާ” ނުކުންނަވާނެއެވެ.
ރައީސް ނަޝީދުގެ ފާޑުކިއުންތަކުން ރެކިގަތުމަށް ސަރުކާރަށް ކުރެވެން އޮތީ އެންމެ ކަމެކެވެ. ސަރުކާރުންވެސް ސްޕީޑް ބާރު ކުރަންވީއެވެ. ރައްޔިތުން އެދޭ ތަރައްޤީ ބާރު ސްޕީޑްގައި ރައްޔިތުންނަށް ގެނެސްދޭންވީއެވެ. ނަތީޖާ ނުނެރެވޭ "ބޯތައް" ބޭރުކޮށް ރައްޔިތުން ހެއްވާލަންވީއެވެ. އޭރުން ރައީސް ނަޝީދުވެސް ސަރުކާރަށް ކިޔާނެ ފާޑެއް ނުއޮންނާނެއެވެ.
ކިޔުންތެރިންގެ ހިޔާލު