ސައުދީގެ ރަސްގެފާނުގެ ހިލޭ އެހީގެ ދަށުން މާލޭގައި ބިނާކުރި ކިންގް ސަލްމާން މިސްކިތުގެ ނުނިމި ހުރި މަސައްކަތްތައް ނިންމަން ސައުދީ ސަރުކާރުން ފައިސާގެ އެހީ ހަމަޖައްސައިދީފިއެވެ.
ކުރީގެ ރައީސް ޔާމީންގެ ވެރިކަމުގައި ބިނާކުރަންފެށި ކިންގ ސަލްމާން މިސްކިތުގެ މަސައްކަތްތައް ނިމުނުތާ ގާތްގަނޑަކަށް 2 އަހަރު ވަނީ ވެފައެވެ. މިދިޔަ 2 ރޯދައަށްވެސް އެ މިސްކިތް ހުޅުވުމަށް ސަރުކާރުން މަސައްކަތްކުރި ނަމަވެސް، މިސްކިތަށް ބޭނުންވާ ބައެއް ފަރުނީޗަރު ހޯދުމަށް ބަޖެޓް ނެތިގެން މިސްކިތް އޮތީ ނުހުޅިފައެވެ.
އަނެއްކާވެސް އަންނަ ރޯދައަށް މީސްކިތް ހުޅުވުމުގެ ވާހަކަތައް ދައްކަމުންދާއިރު، އެކަމާއި ގުޅޭގޮތުން މަޝްވަރާކުރުމަށް ސައުދީ އަރަބިއްޔާގެ ވަފްދެއްވެސް ވަނީ މީގެކުރިން ރާއްޖެ ޒިޔާރަތްކޮށްފައެވެ.
މައުލޫމާތު ލިބިފައިވާ ގޮތުގައި ސަލްމާން މިސްކިތް ހުޅުވުމަށް ބޭނުންވާ ތަކެތި ހޯދުމަށް ގާތްގަނޑަކަށް 1.6 މިލިއަން ޑޮލަރު ބޭނުންވެއެވެ. އަދި އެތަކެތި ހޯދަން ބޭނުންވާ ފައިސާ ސައުދީ ސަރުކާރުން ހަމަޖައްސައިދޭނެކަން މިހާރު ވަނީ އަންގާފައެވެ. އެގޮތުން އެކަމަށް 2 މިލިއަން ޑޮލަރު ނުވަތަ ގާތްގަނޑަކަށް 30 މިލިއަން ރުފިޔާ ސައުދީ ސަރުކާރަށް ހަމަޖައްސައިދޭނެކަމަށް ދިވެހި ސަރުކާރަށް ވަނީ އަންގާފައެވެ.
ސައުދީ ސަރުކާރުން އެ ފައިސާ ދޭނެކަމަށް ބުނުމުން، ދައުލަތުގެ ބަޖެޓުން މިވަގުތު ހަރަދުކޮށްގެން މިސްކިތް ހުޅުވުމަށް މަސައްކަތް ފެށުމަށް އެދި އިސްލާމިކް މިނިސްޓްރީން މިހާރު ވަނީ ރައީސް އޮފީހުގައި ދަންނަވާފައެވެ. އެއީ މަސައްކަތް ފެށުން ލަސްވެއްޖެނަމަ އަންނަ ރޯދައަށްވެސް މިސްކިތް ނުހުޅުވިދާނެތީކަމަށް މިނިސްޓްރީން މަޢުލޫމާތުދެއެވެ.
ސައޫދީ އަރަބިއްޔާގެ ރަސްގެފާނު ސަލްމާން އަބްދުލްއަޒީޒްގެ ހިލޭ އެހީގައި އިމާރާތް ކޮށްފައިވާ މިސްކިތް ހުޅުވައި ބޭނުންކުރުން ލަސްވަމުންދާތީ އާއްމުންގެ ގިނަ ބަޔަކު އަންނަނީ އެކަން ފާހަގަކުރަމުންނެވެ.
ކިންގް ސަލްމާން މިސްކިތް ހަދަން ތުރުކީގެ ޓާމެކްސް ކުންފުންޏާ ހަވާލުކުރީ ގާތްގަނޑަކަށް 24 މިލިއަން ޑޮލަރު (370 މިލިއަން ރުފިޔާ) ގެ ބަޖެޓަކާ އެކުއެވެ.
6 ފަންގިފިލާއަށް ބިނާ ކޮށްފައިވާ ސަލްމާން މިސްކިތުގެ މައި އިމާރާތުގެ އުސްމިނުގައި 33.5 މީޓަރު ހުންނައިރު، މިސްކިތުގެ ވަށައިގެން ބިނާކުރާ 5 މުންނާރުގެ އުސްމިނުގައި 44 މީޓަރު ހުންނާނެއެވެ. އަދި ނަމާދުކުރުމަށް ޚާއްސަކޮށްފައިވާ ސަރަޙައްދުތަކާއި، މިސްކިތުގެ ގޯތިތެރެ ހިމެނޭހެން، 9000 މީހުންނަށް އެއްފަހަރާ ބޮޑު ޖަމާޢަތުގައި ނަމާދުކުރެވޭނެއެވެ.
އަނެއްކާވެސް އަންނަ ރޯދައަށް މީސްކިތް ހުޅުވުމުގެ ވާހަކަތައް ދައްކަމުންދާއިރު، އެކަމާއި ގުޅޭގޮތުން މަޝްވަރާކުރުމަށް ސައުދީ އަރަބިއްޔާގެ ވަފްދެއްވެސް ވަނީ މީގެކުރިން ރާއްޖެ ޒިޔާރަތްކޮށްފައެވެ.
މައުލޫމާތު ލިބިފައިވާ ގޮތުގައި ސަލްމާން މިސްކިތް ހުޅުވުމަށް ބޭނުންވާ ތަކެތި ހޯދުމަށް ގާތްގަނޑަކަށް 1.6 މިލިއަން ޑޮލަރު ބޭނުންވެއެވެ. އަދި އެތަކެތި ހޯދަން ބޭނުންވާ ފައިސާ ސައުދީ ސަރުކާރުން ހަމަޖައްސައިދޭނެކަން މިހާރު ވަނީ އަންގާފައެވެ. އެގޮތުން އެކަމަށް 2 މިލިއަން ޑޮލަރު ނުވަތަ ގާތްގަނޑަކަށް 30 މިލިއަން ރުފިޔާ ސައުދީ ސަރުކާރަށް ހަމަޖައްސައިދޭނެކަމަށް ދިވެހި ސަރުކާރަށް ވަނީ އަންގާފައެވެ.
ސައުދީ ސަރުކާރުން އެ ފައިސާ ދޭނެކަމަށް ބުނުމުން، ދައުލަތުގެ ބަޖެޓުން މިވަގުތު ހަރަދުކޮށްގެން މިސްކިތް ހުޅުވުމަށް މަސައްކަތް ފެށުމަށް އެދި އިސްލާމިކް މިނިސްޓްރީން މިހާރު ވަނީ ރައީސް އޮފީހުގައި ދަންނަވާފައެވެ. އެއީ މަސައްކަތް ފެށުން ލަސްވެއްޖެނަމަ އަންނަ ރޯދައަށްވެސް މިސްކިތް ނުހުޅުވިދާނެތީކަމަށް މިނިސްޓްރީން މަޢުލޫމާތުދެއެވެ.
ސައޫދީ އަރަބިއްޔާގެ ރަސްގެފާނު ސަލްމާން އަބްދުލްއަޒީޒްގެ ހިލޭ އެހީގައި އިމާރާތް ކޮށްފައިވާ މިސްކިތް ހުޅުވައި ބޭނުންކުރުން ލަސްވަމުންދާތީ އާއްމުންގެ ގިނަ ބަޔަކު އަންނަނީ އެކަން ފާހަގަކުރަމުންނެވެ.
6 ފަންގިފިލާއަށް ބިނާ ކޮށްފައިވާ ސަލްމާން މިސްކިތުގެ މައި އިމާރާތުގެ އުސްމިނުގައި 33.5 މީޓަރު ހުންނައިރު، މިސްކިތުގެ ވަށައިގެން ބިނާކުރާ 5 މުންނާރުގެ އުސްމިނުގައި 44 މީޓަރު ހުންނާނެއެވެ. އަދި ނަމާދުކުރުމަށް ޚާއްސަކޮށްފައިވާ ސަރަޙައްދުތަކާއި، މިސްކިތުގެ ގޯތިތެރެ ހިމެނޭހެން، 9000 މީހުންނަށް އެއްފަހަރާ ބޮޑު ޖަމާޢަތުގައި ނަމާދުކުރެވޭނެއެވެ.
ކިޔުންތެރިންގެ ހިޔާލު