ރާއްޖެއިން ކޯވިޑް-19 އަށް ފައްސިވި އިތުރު 18 މީހަކު ބަލިން ރަނގަޅުވެ، ރާއްޖެއިން ބަލި ޖެހުނު މީހުންގެ ތެރެއިން ބަލިން ރަނގަޅުވި މީހުންގެ ޖުމްލަ 127 އަށް އަރައިފި އެވެ.

ބަލިޖެހިފައިވާ އިތުރު 18 މީހުން ބަލިން ފަސޭހަވެފައިވާއިރު މިއަދު 39 މީހަކު ވަނީ ބައްޔަށް ޕޮޒިޓިވްވެފަައެވެ.

ހެލްތް ޕްރޮޓްކެޝަން އެޖެންސީ (އެޗްޕީއޭ) އިން ބުނެފައިވަނީ ޕޮޒިޓިވްވި މީހުންގެ ތެރޭގައި ހިމެނެނީ 16 ދިވެހިންނާއި ބަންގްލަދޭޝްގެ 15 މީހުންނާއި، އިންޑިއާގެ ހަތް މީހުންގެ އިތުރުން ލަންކާގެ މީހަކު ކަމަށެވެ.

މި އަދަދުތަކާއި އެކު ރާއްޖެއިން ބައްޔަށް ޕޮޒިޓިވްވި މީހުންގެ އަދަދު ވަނީ 1313 އަށް އަރާފަ އެވެ.