ރޯދައަކީ ނަފްސު އިޞްލާޙުކޮށް އަދި ނަފްސް ތަރުބިއްޔަތު ކުރުމަށް ލިބިފައިވާ ރަނުގެ ފުރުޞަތެއްކަމަށް މިނިސްޓަރ އޮފް އިސްލާމިކް އެފެއާޒް ޑރ. އަޙްމަދު ޒާހިރު ޢަލީ ވިދާޅުވެއްޖެއެވެ.
މިނިސްޓަރ މިހެން ވިދާޅުވީ މިނިސްޓްރީ އޮފް އިސްލާމިކް އެފެއާޒުން ކޮންމެ ރަމަޟާންމަހެއްގައި ބާއްވާ އިޙްޔާ ފޯރަމްތަކުގެ ތެރެއިން، ރޭ ބޭއްވި ފޯރަމްގައި ވާހަކަފުޅު ދައްކަވަމުންނެވެ.
އިސްލާމީ މަރުކަޒުގެ ހޯލުގައި ބޭއްވި ފޯރަމްގައި "ރޯދައިން ލިބޭ އަޚްލާޤާއި ސުލޫކުގެ ފިލާވަޅުތައް" މި މަޢުޟޫއަށް ވާހަކަފުޅު ދައްކަވަމުން މިނިސްޓަރ ވިދާޅުވީ މި ހިނގަމުންދާ ބަރަކާތްތެރިމަހަކީ ރޯދަމަހާއި އަދި ރޯދައިގެ ފަހުންވެސް ރިވެތި އަޚްލާޤުގެ ސިފަތަކުގެ މަތީ ދެމިހުރުމަށް ނަފްސު ހޭނުމަށް ލިބޭ ރަނުގެ ފުރުޞަތެއްކަމަށެވެ. ހަމައެއާއެކު ރޯދައަކީ އިންސާނާގެ ކިބައިގައި ރިވެތި އަޚްލާޤުގެ ވަރަށް ގިނަ ސިފަތަކެއްވެސް އަށަގަންނުވާ އަޅުކަމެއްކަމަށް މިނިސްޓަރ ވިދާޅުވިއެވެ.
ރޯދައިގެ ސަބަބުން ލިބުނު އެއްޗަކަށް ރުހި ޤަބޫލުވުމުގެ ސިފައާއި ޒުހުދުވެރިކަމުގެ ސިފައާއި، ޢިއްފަތްތެރިވުމުގެ ސިފައާއި، ރުހި ޤަބޫލުވުމުގެ ސިފަ އިންސާނާގެ ހަށިގަނޑުގައި އަށަގަންނާނެ ކަމަށާއި އަދި ރޯދައަކީ މާއްދިއްޔަތަށްވުރެ ރޫހާނީ ގޮތުން ވަރުގަދަ ކުރުވާ އަޅުކަމެއްކަމަށްވެސް މިނިސްޓަރ ވިދާޅުވިއެވެ.
ރޯދައިން އިންސާނާގެ ކިބައިގައި އަށަގަންނުވާ އެއްސިފައަކީ އިޚްލާސްތެރިކަމުގެ ސިފަކަމަށާއި އަޅުކަމުގެ އެންމެ މުހިންމު އެއްކަމަކީ އިޚްލާސްތެރިކަންކަމަށް ވިދާޅުވިއެވެ. އެހެންކަމުން ރަމަޟާންމަހަށްފަހުވެސް މި އިޚްލާސްތެރިކަން ދެމެހެއްޓުމަކީ ވަރަށް މުހިންމުކަމެއްކަމަށް ވިދާޅުވިއެވެ.
ރޯދައަކީ އިރާދައާއި ޢަޒުމްވަރުގަދަކުރުވާ އަޅުކަމެއްކަމަށާއި ފަޖުރުއްޞާދިޤުގެ އަލިކަން ފާޅުވީއްސުރެ އިރު އޮއްސިއްޖައުމަށްދާންދެން ނަފްސު އެންމެހައި އެދުންތަކާއި ﷲ ޙަލާލުކުރައްވާފައިވާ ކަންތައްތަކުންވެސް ދުރުވެގެން ހުންނަނީ ވަކި މުއްދަތަކަށް ﷲ ނަހީކުރައްވާފައިވާތީކަމަށް މިނިސްޓަރ ވިދާޅުވިއެވެ. އެހެންކަމުން ރޯދައިގެ ފަހުން ﷲ ޙަރާމްކުރެއްވި ކަންތައްތަކުންވެސް ދުރުހެލިވުމަށް މި ރޯދަމަހު ލިބުނު ތަރުބިއްޔަތު އެހީތެރިއަކަށް ވާނެކަމަށް މިނިސްޓަރ ވިދާޅުވިއެވެ.
މި މަޢުޟޫއަށް ވާހަކަފުޅުދައްވަމުން މިނިސްޓަރ ވަނީ މިއީ ކެތްތެރިކަމުގެ މައްސަރުކަން ބަޔާންކުރައްވަމުން ދިމާވާ އެކިއެކި ކަންކަމުގައިވެސް ކެތްތެރިވުމަށް ނަސޭޙަތްތެރިވެ ވަޑައިގެންފައެވެ. އަދި ރޯދައަށް ހުންނައިރު މުސްލިމުންގެ ސުލޫކީ އަދި އަޚްލާޤީ މިންގަނޑުގައި ދެމިހުންނަން ޖެހޭކަމަށާއި ތެދުބަހުން ވާހަކަދެއްކުމަށާއި އޮޅުވާލާ ދޮގުހެދުމާއި ރުޅިގަދަވެ، ހަޅޭއްލަވާ ޒުވާބުކޮށްހެދުމަކީ ރޯދައިން ލިބޭ ދަރުމަ އުނިވާނެކަމެއްކަމަށް ދަލީލުދައްކަވަމުން މިނިސްޓަރ ވަނީ ވިދާޅުވެފައެވެ.
ރޯދައަށް ހުންނައިރު ހަށިގަނޑާއި ދޫ ރައްކާތެރިކުރުމުގެ މައްޗަށްވެސް މިނިސްޓަރގެ ވާހަކަފުޅުގައި ވަނީ ބައްލަވާލައްވާފައެވެ.
އިސްލާމީ މަރުކަޒުގެ ހޯލުގައި ބޭއްވި ފޯރަމްގައި "ރޯދައިން ލިބޭ އަޚްލާޤާއި ސުލޫކުގެ ފިލާވަޅުތައް" މި މަޢުޟޫއަށް ވާހަކަފުޅު ދައްކަވަމުން މިނިސްޓަރ ވިދާޅުވީ މި ހިނގަމުންދާ ބަރަކާތްތެރިމަހަކީ ރޯދަމަހާއި އަދި ރޯދައިގެ ފަހުންވެސް ރިވެތި އަޚްލާޤުގެ ސިފަތަކުގެ މަތީ ދެމިހުރުމަށް ނަފްސު ހޭނުމަށް ލިބޭ ރަނުގެ ފުރުޞަތެއްކަމަށެވެ. ހަމައެއާއެކު ރޯދައަކީ އިންސާނާގެ ކިބައިގައި ރިވެތި އަޚްލާޤުގެ ވަރަށް ގިނަ ސިފަތަކެއްވެސް އަށަގަންނުވާ އަޅުކަމެއްކަމަށް މިނިސްޓަރ ވިދާޅުވިއެވެ.
ރޯދައިގެ ސަބަބުން ލިބުނު އެއްޗަކަށް ރުހި ޤަބޫލުވުމުގެ ސިފައާއި ޒުހުދުވެރިކަމުގެ ސިފައާއި، ޢިއްފަތްތެރިވުމުގެ ސިފައާއި، ރުހި ޤަބޫލުވުމުގެ ސިފަ އިންސާނާގެ ހަށިގަނޑުގައި އަށަގަންނާނެ ކަމަށާއި އަދި ރޯދައަކީ މާއްދިއްޔަތަށްވުރެ ރޫހާނީ ގޮތުން ވަރުގަދަ ކުރުވާ އަޅުކަމެއްކަމަށްވެސް މިނިސްޓަރ ވިދާޅުވިއެވެ.
ރޯދައިން އިންސާނާގެ ކިބައިގައި އަށަގަންނުވާ އެއްސިފައަކީ އިޚްލާސްތެރިކަމުގެ ސިފަކަމަށާއި އަޅުކަމުގެ އެންމެ މުހިންމު އެއްކަމަކީ އިޚްލާސްތެރިކަންކަމަށް ވިދާޅުވިއެވެ. އެހެންކަމުން ރަމަޟާންމަހަށްފަހުވެސް މި އިޚްލާސްތެރިކަން ދެމެހެއްޓުމަކީ ވަރަށް މުހިންމުކަމެއްކަމަށް ވިދާޅުވިއެވެ.
ރޯދައަކީ އިރާދައާއި ޢަޒުމްވަރުގަދަކުރުވާ އަޅުކަމެއްކަމަށާއި ފަޖުރުއްޞާދިޤުގެ އަލިކަން ފާޅުވީއްސުރެ އިރު އޮއްސިއްޖައުމަށްދާންދެން ނަފްސު އެންމެހައި އެދުންތަކާއި ﷲ ޙަލާލުކުރައްވާފައިވާ ކަންތައްތަކުންވެސް ދުރުވެގެން ހުންނަނީ ވަކި މުއްދަތަކަށް ﷲ ނަހީކުރައްވާފައިވާތީކަމަށް މިނިސްޓަރ ވިދާޅުވިއެވެ. އެހެންކަމުން ރޯދައިގެ ފަހުން ﷲ ޙަރާމްކުރެއްވި ކަންތައްތަކުންވެސް ދުރުހެލިވުމަށް މި ރޯދަމަހު ލިބުނު ތަރުބިއްޔަތު އެހީތެރިއަކަށް ވާނެކަމަށް މިނިސްޓަރ ވިދާޅުވިއެވެ.
ރޯދައަށް ހުންނައިރު ހަށިގަނޑާއި ދޫ ރައްކާތެރިކުރުމުގެ މައްޗަށްވެސް މިނިސްޓަރގެ ވާހަކަފުޅުގައި ވަނީ ބައްލަވާލައްވާފައެވެ.
ކިޔުންތެރިންގެ ހިޔާލު