ގިނަ އަދަދެއްގެ ޒުވާނުން މިރޭ ޖުމްހޫރީ ޕާޓީއާއި އަލަށް ގުޅިއްޖެއެވެ.

މިރޭ އަލަށް ޖޭޕީއާއި ގުޅުނު ޒުވާނުން އެ ޒުވާނުންގެ މެންބަރޝިޕް ފޯމް ޕާޓީއާއި ހަވާލުކުރުން އޮތީ ޕާޓީގެ މައި އިދާރާ މ. ކުނޫޒުގައެވެ.

ޖުމްހޫރީ ޕާޓީގެ ނާއިބު ރައީސް، ސައުދު "ރަސް އޮންލައިން" އަށް ވިދާޅުވީ، މިރޭ އަލަށް އެޕާޓީއާއި ގުޅުނު ހުރިހާ ޒުވާނުންނަކީ ވެސް ޕާޓީގެ ލީޑަރު ޤާސިމް އިބްރާހީމްގެ ލީޑަރޝިޕާއިމެދު ހިތްހަމަޖެހި އެމަނިކުފާނުގެ ސިޔާސަތުތަކަށް ފުރިހަމައަށް ތާއީދުކޮށްގެން ޕާޓީއަށް ވަތް ބައެއްކަމަށެވެ.



އޭނާ ވިދާޅުވީ، ޖޭޕީއަށް މެންބަރުން އިތުރު ކުރުމުގެ މަސައްކަތަކީ އަބަދުވެސް ކުރިޔަށް ދާ މަސައްކަތެއް ކަމަށާއި، އެގޮތުން ކުރިޔަށް އޮތް ދުވަސްތަކުގައި ވެސް ޕާޓީއަށް މެންބަރުން އިތުރު ކުރުމަށް މަސައްކަތް ކުރަމުން ގެންދަވާނެކަމަށް އޭނާ ވިދާޅުވިއެވެ.

ޖުމްހޫރީ ޕާޓީއަކީ ރާއްޖޭގެ ސިޔާސީ ޕާޓީތަކުގެ ތެރެއިން 3 ވަނަ އަށް އެންމެ ގިނަ މެންބަރުން ހިމެނޭ ސިޔާސީ ޕާޓީއެވެ.