ހުޅުމާލޭގެ ރައުންޑްއެބައުޓްސް ތަކުގައި ބަހައްޓާ މޮނިއުމަންޓްތައް ޑިޒައިން ކުރުމުގެ މުބާރާތުން އެއްވަނަ ހޮވައިފި އެވެ.

ދިވެހި ވަންތަކަން ދައްކުވައިދޭ މޮނިއުމަންޓްތަކެއް ޑިޒައިންކުރުމުގެ މުބާރާތް އެޗްޑީސީން ހުޅުވާލީ މިދިޔަ ސެޕްޓެމްބަރު މަހު އެވެ.

މިދިޔަ މަހުގެ 30 ވަނަ ދުވަހާ ހަމައަށް ހުޅުވާލި އެ ފުރުސަތުގެ ތެރެއިން އެއްވަނަ އަށް ހޮވުނު ފަރާތް މިއަދު އެޗްޑީސީން ވަނީ އިއުލާންކޮށްފަ އެވެ.

އެ މުބާރާތުން އެއްވަނައަށް ހޮވުނީ ޓީމް އާކޯސް އެވެ. އެ ޓީމްގައި ހިމެނެނީ އަބްދުﷲ ޝައިމާން ވަހީދާއި އިބްރާހިމް އިފާޒެވެ.

އެޗްޑީސީން ކުރިން ބުނެފައިވާ ގޮތުގައި މުބާާރާާތުން އެއްވަނައަށް ހޮވޭ ފަރާާތަކަށް 100،000 ރުފިޔާގެ އިނާމެއް ލިބޭނެ އެވެ.

ހުޅުމާލޭގައި 11 ރައުންޑްއެބައުޓްގައި މޮނިއުމަންޓްތައް ބަހައްޓަން އެޗްޑީސީން ވަނީ ނިންމައިފަ އެވެ.