އެމެރިކާގައި ޓިކްޓޮކް މަނާކުރަން ކުރަމުންދާ މަސައްކަތުގެ ފައިދާ ނަގައި ޓިކްޓޮކްގެ ކޮންޓެންޓް ކްރިއޭޓް ކުރާ މީހުން ފޭސްބުކް ހިންގާ ކުންފުނި މެޓައަށް ގެންދަން، 5000 ޑޮލަރު ލިބޭ ޕްރޮގްރާމްއެއް ލޯންޗުކޮށްފި އެވެ.

އެމެރިކާގައި މިދިޔަ ހުކުރު ދުވަހު ޓިކްޓޮކް ބްލޮކް ކުރި ނަމަވެސް 12 ގަޑިއިރަށްފަހު އެ އެޕްގެ ހިދުމަތް ވަނީ ފަށައިފަ އެވެ.

ނަމަވެސް ޓިކްޓޮކް މަނާކުރުމުގެ މައްސަލަ އެއްކޮށް ނުނިމޭތީ އެ އެޕްއަށް ވާނެގޮތެއް އަދި ނޭނގެ އެވެ.

މި ދަނޑިވަޅުގެ ފައިދާ ފޭސްބުކްއާއި އިންސްޓަގްރާމް ހިންގާ ކުންފުނި މެޓައިން މިހާރު ވަނީ ނަގަން ފަށައިފަ އެވެ.

އެގޮތުން މެޓައިން ވަނީ ޓިކްޓޮކް ހިމެނޭހެން އެހެން އެޕްތަކުގައި އުޅޭ އެމެެރިކާގެ ކޮންޓެންޓް ކްރިއޭޓަރުންނަށް ހާއްސަ ޕްރޮގްރާާމެއް ތަޢާރަފްކޮށްފަ އެވެ.

އެގޮތުން ނުވަދިހަ ދުވަހަށް ހުޅުވާލައިގެން ކުރިއަށް ގެންދާާ އެ ޕްރޮގްރާމްގައި ބައިވެރިވާން ފޭސްބުކްއާއި އަދި އިންސްޓަގްރާމްގައި ހާއްސަ ޕްރޮފައިލް ޕޭޖެއް ހަދަން ޖެހޭނެ އެވެ، އަދި އިންސްޓަގްރާމްގައި 10 ރީލް އަދި ފޭސްބުކްގައި 20 ރީލް 30 ދުވަސް ތެރޭ ޕޯސްޓުކޮށްގެން 5000 ޑޮލަރު އެ ޕްރޮގްރާމްގެ ދަށުން ލިބެއެވެ.

މީގެ ކުރިން ވެސް މެޓައިން ޓިކްޓޮކްއާ ވާދަކުރަން މަސައްކަތްކޮށްފައި ވެއެވެ. އެހެން ނަމަވެސް ޓިކްޓޮަކާ ގާތަށް ވެސް މެޓައަށް ވާދަ ނުކުރެވުނު އިރު ޓިކްޓޮކާ އެއްވަރަށް ކޮންޓެންޓް ކްރިއޭޓަރުންވެސް މެޓައަކަށް ނުލިބުނެވެ.