ކައުންސިލްތަކުން އިގުތިސާދީ މަސައްކަތްކޮށް އާމްދަނީ އިތުރުކުރުމަށް ޕްރޮޕޯސަލް ހުށަހަޅައިގެން ހޯދުމަށް 24 ފަޅުރަށެއް އޮތްކަމަށް ލޯކަލް ގަވަރނަންސް މިނިސްޓަރު އާދަމް ޝަރީފް އުމަރު ވިދާޅުވެއްޖެއެވެ.

އާދަމް ޝަރީފް ފޭސްބުކްގައި ވިދާޅުވީ، މަސްވެރިކަމާއި ދަނޑުވެރިކަމާއި އެ ނޫންވެސް އިގުތިސާދީ ބޭނުންތަކަށް ކައުންސިލްތަކަށް ދޫކުރަން ނިންމާފައިވާ ފަޅުރަށްތަކުގެ ލިސްޓްގައި އަދިވެސް 24 ރަށެއް އެބައޮތްކަމަށެވެ.

އެހެންކަމުން ޕްރޮޕޯސަލް ހުށަހަޅައިގެން އެ ރަށްރަށް ކައުންސިލްތަކުން ނެގުމުގެ ފުރުސަތު އޮތްކަމަށް އޭނާ ވަނީ ވިދާޅުވެފައެވެ.

Thireegai mivanee Council thakun proposal hushahalhaigen hoadhey gothah hamajehifaivaa rahthah.
Meegetherein R. Neyo, Dh. Minimasgali & Fenfushi adhi L. Bodumaabulhali, proposal hushahelhuvvi council thakah maadhamaa (27th January) rasmeekoh havaalu kurumuge rasmiyyaathu onnaane.… pic.twitter.com/a8LXIvs91y

— Adam Shareef Umar (@Adamshareefz) January 26, 2025

24 ރަށެއް އެ ލިސްޓްގައި އަދިވެސް އޮތްއިރު ފުރަތަމަ އިއުލާނުކުރި 28 ރަށުގެ ތެރެއިން 4 ރަށެއް މިހާރުވަނީ 4 ކައުންސިލަކަށް ދޭން ނިންމާފައެވެ. އެގޮތުން، ރ. އިނގުރައިދޫ ކައުންސިލަށް ރ. ނެޔޮ، އަދި ލ. މާވަށު ކައުންސިލަށް ލ. ބޮޑުމާބުޅަލި ހަވާލުކުރުމަށް ނިންމާފައިވާއިރު ދ. އަތޮޅު ކައުންސިލަށް ދ. މިނިމަސްގަލި އަދި ދ. ފެންފުށި ހަވާލުކުރުމަށް ވެސް ސަރުކާރުން ވަނީ ނިންމާފައެވެ.

އާދަމް ޝަރީފް މިއަދު ވިދާޅުވީ، ޕްރޮޕޯސަލް ކާމިޔާބުކޮށް ރަށް ހަވާލުކުރަން ނިންމާފައިވާ 4 ރަށް ހަވާލު ކުރުމުގެ ރަސްމިއްޔާތު މާދަމާ ބާއްވަން ހަމަޖެހިފައިވާކަމަށެވެ.