މީސްމީޑިޔާ ޕްލެޓްފޯމް ޓިކްޓޮކްގެ ލައިވްއެއްގައި ދިވެއްސަކު ދަންޖެހެން މަސައްކަތް ކުރާ ވީޑިއޯއެއް އާއްމުވެއްޖެއެވެ.

މަޝްހޫރު ޓިކްޓޮކްގައި އެ މީހާ ދަންޖެހެން އުޅުނީ އެވަގުތު އެތައް ބަޔަކު ލައިވް ބަލަން ތިއްބައެވެ. އޭނާ އަކީ ޓިކްޓޮކަށް އަރާ ހަޑި ހުތުރު ބަހުން ވާހަކަދައްކައި، މީހުންނަށް ފުރައްސާރަ ކުރުން ފަދަ މަައްސަލަތައް މީގެ ކުރިންވެސް ޖެހިފައިވާ މީހެއެވެ.

އަމިއްލަ އަށް ދަންޖެހެން މަސައްކަތް ކޮށްފައި ވަނީ ދިވެހި ފިރިހެނެކެވެ. އޭނާގެ ވީޑިއޯ މިހާރު ފޭސްބުކްގައި އާއްމުވެފައިވާއިރު އެ ވީޑިއޯއިން ފެނިގެން ދަނީ ލައިވްގައި ޒުވާބު ކުރާ ޒާތަކަށް ވާހަކަދައްކާ ތަނެވެ. ހަޑި ހުތުރުބަސްތައް ބޭނުން ކޮށްގެން އޭނާ ވާހަކަދައްކަމުން ދިޔައިރު އަތުގައި ފޮތިގަނޑެއް އޮވެއެވެ.

އާންމުވެފައިވާ އެ ވީޑިއޯގައި ބުނެފައިވާގޮތުގައި އެ މީހާއަކީ ނަފްސާނީ ބައްޔަކަށް ބޭސް ކުރަމުންދާ މީހެކެވެ. އަދި އޭނާ ހަމައަކަށް އެޅުވުމަށް ގިނަ ހޯސްޓުންވެސް މަސައްކަތް ކޮށްފައިވާ ކަމަށްވެސް ބުނެފައި ވެއެވެ.

މި ހާދިސާ އާއި ގުޅިގެން އެ ފިރިހެން މީހާ މިހާރު ވަނީ ފުލުހުންގެ ބެލުމުގެދަށުގައެވެ.

އެ ވީޑިއޯގައި އޭނާ ދަންޖެހެން ވެގެން އެނދުމައްޗަށް ގޮޑިއެއް އަަރުވައިގެން މަސައްކަތް ކުރަމުންދާ މަންޒަރުވެސް ފެނިގެން ދެއެވެ.