ކަސްޓަމްސްއަށް އަބަދު ވެސް އެދިވަޑައިގަންނަވަނީ ކުރިއެރުން ކަމަށް ރައީސް ޑރ.މުޙައްމަދު މުޢިއްޒު ވިދާޅުވެެއްޖެއެވެ.

ރައީސް މުޢިއްޒު މިހެން ވިދާޅުވީ ކަސްޓަމްސްގެ 135 ވަނަ އަހަރީ ދުވަހުގެ ތަހުނިޔާ ފޮނުއްވައި އެކްސްގައި ކުރެއްވި ޕޯސްޓެއްގައެވެ. ރައީސް ވަނީ 135 ވަނަ އަހަރީ އުފަލުގައި ބައިވެރިވެ، ކަސްޓަމްސްގެ ވެރީންނާއި ހުރިހާ މުވައްޒަފުންނަށް މަރުޙަބާ ވިދާޅުވެފައެވެ. ރައީސް މުޢިއްޒު ވިދާޅުވީ ކަސްޓަމްސްއަށް އަބަދު ވެސް އެމަނިކުފާނު އެދިވަޑައިގަންނަވަނީ ކުރިއެރުމާއި ކާމިޔާބީ ކަމަށެވެ.

ރާއްޖޭގައި ކަސްޓްމްސް އުފެދުނީ 1890 ވަނަ އަހަރުގެ ޖުލައި 18 ވަނަ ދުވަހުއެެވެ. ކަސްޓަމްސް ވެގެން ގޮސްފައި ވަނީ ރާއްޖޭގެ އެންމެ ގިނަ ދުވަސްވީ މުއައްސަސާއަށެވެ.