ދިފާއީ ވުޒާރާގެ 10 ބުރީގެ އައު އިމާރާތް "ދޮށިމޭނާ" ބިލްޑިންގ ރަސްމީކޮށް މިއަދު ހުޅުވައިފިއެވެ.

ދިފާއީ ވުޒާރާގެ 10 ބުރީގެ އައު އިމާރާތް މިއަދު ހަވީރު ހުޅުއްވައި ދެއްވީ ރައީސް ޑރ. މުޙައްމަދު މުޢިއްޒު އަދި އިންޑިއާގެ ބޮޑުވަޒީރު ނަރެންދްރަ މޯދީއެވެ.

އިމާރާތް ހުޅުއްވައިދެއްވުމަށްފަހު، ދެ ޤައުމުގެ އިސްވެރިން ވަނީ އިމާރާތުގެ މޮޑެލް ބައްލަވާލައްވައި އެތަނުން ފޯރުކޮށްދޭ ޚިދުމަތްތަކާ ބެހޭ ތަފްޞީލީ މަޢުލޫމާތު ހޯއްދެއްވިއެވެ.

މި އިމާރާތަކީ އިންޑިއާ ސަރުކާރުގެ އެހީތެރިކަމާއެކު ތަރައްޤީކުރެވިފައިވާ އިމާރާތެކެވެ. އިމާރާތުގެ މަސައްކަތް ފެށިފައިވަނީ 2014 ވަނަ އަހަރުގެ ފެބްރުއަރީ މަހުގެ 19 ވަނަ ދުވަހުއެވެ. މި 10 ފަންގިފިލާގެ އިމާރާތުގައި ހިންގާނީ ދިފާއީ ވުޒާރާގެ އިތުރުން، ޚާއްޞަކޮށް ކޯސްޓްގާޑްގެ ޚިދުމަތްތަކެވެ.