ޖަޕާނުން ރާއްޖެއަށް ދޭ މާސްޓާސް ޑިގްރީގެ ސްކޮލަޝިޕްތަކަށް ކުރިމަތިލުމުގެ ފުރުސަތު ހަޔާ އެޑިއުކޭޝަން މިނިސްޓްރީން ހުޅުވާލައިފިއެވެ.

މިނިސްޓްރީން ބުނީ ޕަނީޒް ގްރާންޓް އެއިޑް (ޖޭޑީއެސް) ފަރާތުން ރާއްޖެ އަށް ދޭ މާސްޓާސް ޑިގްރީގެ ހަ ސްކޮލަޝިޕަށް ކުރިމަތިލުމުގެ ފުރުސަތު ހުޅުވާލާފައިވާ ކަމަށެވެ.

މި ސްކޮލަޝިޕްތަކަކީ ހިއުމަން ރިސޯސް ޑިވެލޮޕްމެންޓްގެ ދާއިރާއިން ހާއްސަކޮށްފައިވާ ސްކޮލަޝިޕްތަކެކެވެ.

މިނިސްޓްރީން ބުނިގޮތުގައި ސްކޮލަޝިޕްތަކަށް ކުރިމަތިލެވޭނީ އުމުރުން 22 އަހަރާ 39 އަހަރާ ދެމެދުގެ މީހުންނަށް ކަމަށެވެ. އަދި ސްކޮލަޝިޕްތަކަށް ކެންޑިޑޭޓުން ހޮވުމުގެ ހުރިހާ މަސައްކަތެއް ކުރާނީ ސްކޮލަޝިޕް ދޭ ފަރާތުން ކަމަށް މިނިސްޓްރީން ވަނީ ބުނެފައެވެ.

މީގެ އިތުރުން ސްކޮލަޝިޕްތަކަށް ހޮވޭ ކެންޑިޑޭޓުންގެ ކޯހުގެ ހުރިހާ ޚަރަދެއް ދޭނީ ވެސް ޖޭޑީއެސް އިން ކަމަށް ހަޔާ އެޑިއުކޭޝަން މިނިސްޓްރީން ހާމަކުރިއެވެ.

ސްކޮލަޝިޕަށް ކުރިމަތިލުމުގެ ސުންގަޑިއަކީ އަންނަ މަހުގެ 10 ވަނަ ދުވަހުގެ ހަވީރު 4:00އެވެ.