ބޮލީވުޑްގެ މަޝްހޫރު ލަވަކިޔުންތެރިޔާ އަރިޖިތު ސިންގް، ފިލްމުތަކަށް ލަވަކިޔައިދިނުން ނުވަތަ ޕްލޭބެކް ސިންގިންގިންގ ހުއްޓާލައި ރިޓަޔާކުރަން ނިންމިކަން އިއުލާންކޮށްފިއެވެ.
އޭނާ މިކަން ހާމަކުރީ އާ އަހަރުގެ ތަހުނިޔާއާ އެކު ސޯޝަލް މީޑިއާގައި ކުރި ޕޯސްޓެއްގައެވެ. އެ ޕޯސްޓުގައި އަރިޖިތު ބުނީ، މިއަދުން ފެށިގެން ފިލްމުތަކަށް ލަވަކިޔުމުގެ އާ އެއްވެސް މަސައްކަތެއް އޭނާ ބަލައިނުގަންނާނެ ކަމަށާއި، މިހާތަނަށް ކުރެވުނު ދަތުރަކީ ވަރަށް ފުރިހަމަ ދަތުރެއް ކަމަށެވެ. އަދި އޭނާގެ އަޑަށް ލޯބިކުރި ހުރިހާ ފޭނުންނަށް އޭނާވަނީ ވަރަށް ބޮޑަށް ޝުކުރު އަދާކޮށްފައެވެ.
އަރިޖިތުގެ މި ކުއްލި ނިންމުމާ ގުޅިގެން ދުނިޔޭގެ އެެކި ކަންކޮޅުތަކުގައި ތިބި އޭނާ ފޭނުންނަށްވަނީ ވަރަށް ބޮޑަށް ސިހުންގެނުވާފައެވެ. ގިނަފޭނުން ބުނަމުންދަނީ މިއީ ގަބޫލުކުރަން ދަތި ޚަބަރެއް ކަމަށެވެ. އަދި އޭނާގެ އެކައުންޓް ހެކްވީތޯ ބައެއް މީހުންދަނީ ސުވާލުވެސް އުފައްދަމުންނެވެ. ބައެއް ފޭނުން މިކަން ސިފަކޮށްފައިވަނީ މިއީ ވިރާޓް ކޯލީ ކުއްލިއަކަށް ޓެސްޓް ކްރިކެޓުން ރިޓަޔާކުރުމުން ލިބުނު ފަދަ ބޮޑު ސިހުމެއްގެ ގޮތުގައެވެ. ނަމަވެސް، އަރިޖިތު ފަހުން ވަނީ މިއީ މިއުޒިކާ މުޅިން ވަކިވުން ނޫން ކަމަށާއި، އޭނާ ދެން ބޮޑަށް އިސްކަންދޭނީ މިނިވަން އާޓިސްޓެއްގެ ގޮތުގައި މަސައްކަތް ކުރުމަށާއި، އިންޑިއާގެ ކްލެސިކަލް މިއުޒިކް ކުރިއެރުވުމަށް ކަމަށް ބުނެފައެވެ.
ފާއިތުވި 15 އަހަރު ތެރޭގައި އަރިޖިތު ވަނީ 100 އަށްވުރެ ގިނަ ފިލްމުތަކަށް ރޫހީ އަދި މަޝްހޫރު ލަވަތަކެއް ކިޔައިދީފައެވެ. އޭގެ ތެރޭގައި "ތުމް ހީ ހޯ"، "ޗަންނާ މެރެޔާ"، އަދި "ހަވާއޭ" ފަދަ ލަވަތައް ހިމެނެއެވެ. އޭނާގެ ކާމިޔާބީތަކުގެ އަގުވަޒަންކުރުމުގެ ގޮތުން ދެ ފަހަރެއްގެ މަތިން ނޭޝަނަލް ފިލްމު އެވޯޑް އެނާއަށްވަނީ އަރުވާފައެވެ. މީގެ އިތުރުން 2025 ވަނަ އަހަރު އިންޑިއާ ސަރުކާރުން ވަނީ އޭނާއަށް ޕަދުމާ ޝްރީ އެވޯޑް ވެސް އަރުވާފައެވެ. ރިޕޯޓްތައް ބުނާގޮތުން އަރިޖިތު ސިންގްގެ މިލްކިއްޔާތުގައި 414 ކްރޯޑް ރުޕީސް ވެއެވެ.
މިއީ އޭނާ ފިލްމުތަކަށް ކިޔައިދޭ ލަވަތަކާއި، ލައިވް ޝޯތަކާއި، އަދި ބްރޭންޑް އެންޑޯސްމަންޓްތަކުން ހޯދާފައިވާ މުއްސަނދިކަމެކެވެ. މުމްބާއީގައި އަރިޖިތުގެ ހަތަރު އެޕާޓްމަންޓް ހުރިއިރު، އޭނާގެ އަތުގައި ރޭންޖް ރޯވާ ވޯގް އާއި މާސިޑީޒް ބެންޒް ފަދަ އަގުބޮޑު ލަގްޒަރީ ކާރުތައް ވެސް ހުރެއެވެ. ޕްލޭބެކް ސިންގިންގއާ ދުރަށް ދިޔަ ނަމަވެސް، އޭނާ ނިންމާފައިވަނީ ކުރިއަރަމުން އަންނަ އާ ފަންނާނުންނަށް މެންޓޯއެއްގެ ގޮތުގައި އެހީތެރިކަން ފޯރުކޮށްދިނުމަށެވެ.
މަޑުމައިތިރި ހިތްހެޔޮ، ސާދާ މިޒާޖެއް ގެންގުޅޭ އަރިޖީތު ސިންގް އަކީ އޭނާގެ ފުރިހަމަ އަޑާއި މޮޅަށް ލަވަކިޔުމުގެ އިތުރުން، އިންސާނިއްޔަތަށްޓަކައި ކުރަމުންދާ އަގުހުރި މަސައްކަތްތަކުގެ ސަބަބުން ގިނަ ބައެއްގެ ލޯބި ހޯދާފައިވާ ފަންނާނެކެވެ. ޚާއްޞަކޮށް އޭނާގެ އުފަން ރަށް ކަމަށްވާ ވެސްޓް ބެންގާލްގެ މުރްޝިދާބާދުގައި ހިމެނޭ ޖިއަގަންޖްގައި ތަޢުލީމާއި، ޞިއްޙީ ދާއިރާ އަދި އިޖްތިމާޢީ ކަންކަން ކުރިއެރުވުމަށް އޭނާ އަންނަނީ ބޮޑެތި ޚިދުމަތްތަކެއް ކުރަމުންނެވެ. އާދައިގެ ދިރިއުޅުމަށް ލޯބިކުރާ އަރިޖީތުއަކީ ބޮޑު މަޤުބޫލުކަމެއް ލިބިފައިވާ ތަރިއަކަށް ވީނަމަވެސް، އަދި އަތުގައި އަގުބޮޑު ކާރާއި އެޕާޓްމަންތައް ހުރިކަމުގައިވިޔަސް އޭނާއަކީ ދެއްކުންތެރި ފަންނާނެއްނޫނެވެ. އެގޮތުން އޭނާގެ ދީލަތި އެހީތަކާއި މަސައްކަތްތަކަކީވެސް އާންމުންނަށް މާ ބޮޑަށް ދެއްކުމެއް ނެތް، މީޑިއާތަކަށް ވަންހަނާކޮށްގެން ކުރިއަށްގެންދާ ވަރަށް ޚާއްސަ މަސައްކަތްތަކެކެވެ.
އަރިޖިތުގެ މި ކުއްލި ނިންމުމާ ގުޅިގެން ދުނިޔޭގެ އެެކި ކަންކޮޅުތަކުގައި ތިބި އޭނާ ފޭނުންނަށްވަނީ ވަރަށް ބޮޑަށް ސިހުންގެނުވާފައެވެ. ގިނަފޭނުން ބުނަމުންދަނީ މިއީ ގަބޫލުކުރަން ދަތި ޚަބަރެއް ކަމަށެވެ. އަދި އޭނާގެ އެކައުންޓް ހެކްވީތޯ ބައެއް މީހުންދަނީ ސުވާލުވެސް އުފައްދަމުންނެވެ. ބައެއް ފޭނުން މިކަން ސިފަކޮށްފައިވަނީ މިއީ ވިރާޓް ކޯލީ ކުއްލިއަކަށް ޓެސްޓް ކްރިކެޓުން ރިޓަޔާކުރުމުން ލިބުނު ފަދަ ބޮޑު ސިހުމެއްގެ ގޮތުގައެވެ. ނަމަވެސް، އަރިޖިތު ފަހުން ވަނީ މިއީ މިއުޒިކާ މުޅިން ވަކިވުން ނޫން ކަމަށާއި، އޭނާ ދެން ބޮޑަށް އިސްކަންދޭނީ މިނިވަން އާޓިސްޓެއްގެ ގޮތުގައި މަސައްކަތް ކުރުމަށާއި، އިންޑިއާގެ ކްލެސިކަލް މިއުޒިކް ކުރިއެރުވުމަށް ކަމަށް ބުނެފައެވެ.
ފާއިތުވި 15 އަހަރު ތެރޭގައި އަރިޖިތު ވަނީ 100 އަށްވުރެ ގިނަ ފިލްމުތަކަށް ރޫހީ އަދި މަޝްހޫރު ލަވަތަކެއް ކިޔައިދީފައެވެ. އޭގެ ތެރޭގައި "ތުމް ހީ ހޯ"، "ޗަންނާ މެރެޔާ"، އަދި "ހަވާއޭ" ފަދަ ލަވަތައް ހިމެނެއެވެ. އޭނާގެ ކާމިޔާބީތަކުގެ އަގުވަޒަންކުރުމުގެ ގޮތުން ދެ ފަހަރެއްގެ މަތިން ނޭޝަނަލް ފިލްމު އެވޯޑް އެނާއަށްވަނީ އަރުވާފައެވެ. މީގެ އިތުރުން 2025 ވަނަ އަހަރު އިންޑިއާ ސަރުކާރުން ވަނީ އޭނާއަށް ޕަދުމާ ޝްރީ އެވޯޑް ވެސް އަރުވާފައެވެ. ރިޕޯޓްތައް ބުނާގޮތުން އަރިޖިތު ސިންގްގެ މިލްކިއްޔާތުގައި 414 ކްރޯޑް ރުޕީސް ވެއެވެ.
މަޑުމައިތިރި ހިތްހެޔޮ، ސާދާ މިޒާޖެއް ގެންގުޅޭ އަރިޖީތު ސިންގް އަކީ އޭނާގެ ފުރިހަމަ އަޑާއި މޮޅަށް ލަވަކިޔުމުގެ އިތުރުން، އިންސާނިއްޔަތަށްޓަކައި ކުރަމުންދާ އަގުހުރި މަސައްކަތްތަކުގެ ސަބަބުން ގިނަ ބައެއްގެ ލޯބި ހޯދާފައިވާ ފަންނާނެކެވެ. ޚާއްޞަކޮށް އޭނާގެ އުފަން ރަށް ކަމަށްވާ ވެސްޓް ބެންގާލްގެ މުރްޝިދާބާދުގައި ހިމެނޭ ޖިއަގަންޖްގައި ތަޢުލީމާއި، ޞިއްޙީ ދާއިރާ އަދި އިޖްތިމާޢީ ކަންކަން ކުރިއެރުވުމަށް އޭނާ އަންނަނީ ބޮޑެތި ޚިދުމަތްތަކެއް ކުރަމުންނެވެ. އާދައިގެ ދިރިއުޅުމަށް ލޯބިކުރާ އަރިޖީތުއަކީ ބޮޑު މަޤުބޫލުކަމެއް ލިބިފައިވާ ތަރިއަކަށް ވީނަމަވެސް، އަދި އަތުގައި އަގުބޮޑު ކާރާއި އެޕާޓްމަންތައް ހުރިކަމުގައިވިޔަސް އޭނާއަކީ ދެއްކުންތެރި ފަންނާނެއްނޫނެވެ. އެގޮތުން އޭނާގެ ދީލަތި އެހީތަކާއި މަސައްކަތްތަކަކީވެސް އާންމުންނަށް މާ ބޮޑަށް ދެއްކުމެއް ނެތް، މީޑިއާތަކަށް ވަންހަނާކޮށްގެން ކުރިއަށްގެންދާ ވަރަށް ޚާއްސަ މަސައްކަތްތަކެކެވެ.
ކިޔުންތެރިންގެ ހިޔާލު