މިއީ ކުޑަކުޑަ ޖަނަވާރަކަށް ކުރި އަނިޔާއެއްގެ ސަބަބުން އިންސާނަކަށް ލިބުނު ބިރުވެރި އުގޫބާތެއްގެ ވާހަކައެވެ. މާތް ނަބިއްޔާ ﷺ ގެ އަރިހުން ޢަބްދުﷲ އިބްނު ޢުމަރު ރިވާކުރައްވާފައިވާ ގޮތުގައި، އަންހެނަކު ބުޅަލެއް ހައްޔަރުކޮށް، އެސޫތްޕަށް ކާންބޯން ނުދީ ބަނޑަށް ޖައްސައި މަރާލުމުގެ ސަބަބުން އެ އަންހެން މީހާ ނަރަކައަށް ވަދެފައިވެއެވެ.
އިބްނު ޢުމަރުގެފާނުގެ އަރިހުން ރިވާވެގެންވެއެވެ. ރަސޫލުﷲ ﷺ ޙަދީޘްފުޅު ކުރެއްވިއެވެ:
"دَخَلَتِ امْرَأَةٌ النَّارَ فِي هِرَّةٍ رَبَطَتْهَا، فَلَمْ تُطْعِمْهَا، وَلَمْ تَدَعْهَا تَأْكُلُ مِنْ خِشَاشِ الأَرْضِ" [صحيح البخاري (3318)]
"ބުޅަލެއްގެ ސަބަބުން އަންހެނަކު ނަރަކައަށް ވަނެވެ. އެއަންހެންމީހާ އެބުޅާ ބަނދެ، އެއަށް ކާކަށްނުދެއެވެ. އަދި ބިންމަތީގައިވާ ތަކެތި ކައި އުޅުމަށް ދޫކޮށެއްވެސް ނުލައެވެ."
އެ ބުޅާ ހައްޔަރުކޮށްފައި އޮތްއިރު އޭނާ އެއަށް ކާނާއެއް ނުދޭތާނގައި، ބިމުގައި އުޅޭ ސޫފިތައް ކައިގެން އަމިއްލައަށް ކާނާ ހޯދުމުގެ ފުރުސަތުވެސް އެ ބުޅަލަކަށް ނުދެއެވެ. މި ހާދިސާއިން ދޭހަވަނީ އިސްލާމްދީނުގައި ޖަނަވާރުންނަށް އޯގާތެރިވުމަށް އޮތް މިންވަރާއި، އެތަކެއްޗަށް އަނިޔާވެރިވުމުގެ ނުބައިކަމެވެ.
މި ހަދީޘުން ލިބިދޭ އެންމެ ބޮޑު ފިލާވަޅަކީ، ކުޑަކުޑަ ޖަނަވާރަކަށް އިހާނެތިކޮށް ހިތުމުން އެފަދަ ބޮޑު އަޒާބެއް ހުރިނަމަ، މާތްﷲ މަތިވެރި ކުރަށްވާފައިވާ އިންސާނުންނަށް އަނިޔާވެރިވުމުގެ ނަތީޖާ މާ ނުރައްކާތެރިވާނެ ކަމެވެ.
ޝަރީޢަތުގައި އިންސާނާގެ ފުރާނައަކީ އޭގެ ހުރުމަތް ބޮޑުވެގެންވާ އެއްޗަކަށްވާއިރު، ތިމާގެ ބެލެނިވެރިކަމުގެ ދަށުގައިވާ އަނބިދަރިންނާއި، މަސައްކަތު މީހުންނާއި، އަދި އެނޫންވެސް އިންސާނުންނަށް ދޭންޖެހޭ އަޅާލުން ނުދީ، އެމީހުންގެ ހައްގުތަކަށް އަރައިގަތުމަކީ މާ ގަދަފަދަ އަޒާބެއް ލިބިދާނެ ކަމެކެވެ. އެހެންކަމުން، ކޮންމެ މަޚްލޫޤަކަށްވެސް އޯގާތެރިވުމަކީ މުސްލިމެއްގެ މައްޗަށް އޮތް ބޮޑު މަސްއޫލިއްޔަތެކެވެ.
"دَخَلَتِ امْرَأَةٌ النَّارَ فِي هِرَّةٍ رَبَطَتْهَا، فَلَمْ تُطْعِمْهَا، وَلَمْ تَدَعْهَا تَأْكُلُ مِنْ خِشَاشِ الأَرْضِ" [صحيح البخاري (3318)]
"ބުޅަލެއްގެ ސަބަބުން އަންހެނަކު ނަރަކައަށް ވަނެވެ. އެއަންހެންމީހާ އެބުޅާ ބަނދެ، އެއަށް ކާކަށްނުދެއެވެ. އަދި ބިންމަތީގައިވާ ތަކެތި ކައި އުޅުމަށް ދޫކޮށެއްވެސް ނުލައެވެ."
އެ ބުޅާ ހައްޔަރުކޮށްފައި އޮތްއިރު އޭނާ އެއަށް ކާނާއެއް ނުދޭތާނގައި، ބިމުގައި އުޅޭ ސޫފިތައް ކައިގެން އަމިއްލައަށް ކާނާ ހޯދުމުގެ ފުރުސަތުވެސް އެ ބުޅަލަކަށް ނުދެއެވެ. މި ހާދިސާއިން ދޭހަވަނީ އިސްލާމްދީނުގައި ޖަނަވާރުންނަށް އޯގާތެރިވުމަށް އޮތް މިންވަރާއި، އެތަކެއްޗަށް އަނިޔާވެރިވުމުގެ ނުބައިކަމެވެ.
ޝަރީޢަތުގައި އިންސާނާގެ ފުރާނައަކީ އޭގެ ހުރުމަތް ބޮޑުވެގެންވާ އެއްޗަކަށްވާއިރު، ތިމާގެ ބެލެނިވެރިކަމުގެ ދަށުގައިވާ އަނބިދަރިންނާއި، މަސައްކަތު މީހުންނާއި، އަދި އެނޫންވެސް އިންސާނުންނަށް ދޭންޖެހޭ އަޅާލުން ނުދީ، އެމީހުންގެ ހައްގުތަކަށް އަރައިގަތުމަކީ މާ ގަދަފަދަ އަޒާބެއް ލިބިދާނެ ކަމެކެވެ. އެހެންކަމުން، ކޮންމެ މަޚްލޫޤަކަށްވެސް އޯގާތެރިވުމަކީ މުސްލިމެއްގެ މައްޗަށް އޮތް ބޮޑު މަސްއޫލިއްޔަތެކެވެ.
ކިޔުންތެރިންގެ ހިޔާލު