ބޮލީވުޑްގެ މަޝްހޫރު އެކްޓަރު ޕަރޭޝް ރާވަލް، ސޯޝަލް މީޑިއާގައި ފެތުރެމުންދާ ނެގެޓިވިޓީ ނުވަތަ ނޭދެވޭ ކަންކަމާ މެދު ނުރުހުން ފާޅުކޮށް، އެއީ "ހޮޑުލާ މުށިގަނޑެއް" (ޕިއުކިން ޕޮޓް) ފަދަ ތަނެއްގެ ގޮތުގައި ސިފަކޮށްފިއެވެ.
ޕީ.ޓީ.އައި އަށް ދިން އިންޓަވިއުއެއްގައި ޕަރޭޝް ބުނީ، ސޯޝަލް މީޑިއާ ބޭނުންކުރާ މީހުން އެހެން މީހުންނާ ބެހޭގޮތުން ނޭދެވޭ ކޮމެންޓްތައް ކުރާއިރު އެއްވެސް ފިކުރެއް ނުކުރާ ކަމަށެވެ. އޭނާ ދެކޭގޮތުގައި ކޮންމެ މީހަކުވެސް ބޭނުންހާ އެއްޗެއް ބުނުމަކީ ކޮށްގެންވާނެ ކަމެއް ނޫނެވެ.
"އަހަރެން ގަބޫލުކުރާ ގޮތުގައި ސޯޝަލް މީޑިއާއަކީ ހޮޑުލާ މުށިގަނޑެއް ކަހަލަ ތަނެއް. މީހުން ބޭނުންހާ އެއްޗެއް އެތަނުގައި ބުނަމުންދަނީ. އެކަން އެގޮތަށް ވެގެން ނުވާނެ. ނޭދެވޭ ކަންކަން ފެތުރިގެން ނުވާނެ،" ޕަރޭޝް ބުންޏެވެ. އޭނާ އިތުރަށް ބުނީ މީހަކު ކުރާ ކަމެއް ގޯސް ކަމަށް ޔަގީންވާ ހާލަތުގައި ވެސް، އެ މީހެއްގެ އަބުރު ކިލަނބުކޮށް ދަށްކޮށްލުމުގެ ހައްގު އެއްވެސް މީހަކަށް ލިބިގެން ނުވާ ކަމަށެވެ. އަދި އޭނާ އަމިއްލައަށް ވެސް މިކަންކަން ރަނގަޅު ކުރަން މަސައްކަތް ކުރަމުންދާ ކަމަށް އޭނާ ފާހަގަކުރިއެވެ.
ސޯޝަލް މީޑިއާގައި މީހުން ކުރާ ނޭދެވޭ ކަންކަމުގެ ސަބަބުން ބައެއް ފަހަރު ރުޅިއާދެވޭ ކަމަށާއި، ނަމަވެސް އަބަދުވެސް ވަކި މިންގަނޑެއްގައި ހިފަހައްޓަން މަސައްކަތްކުރާ ކަމަށް ޕަރޭޝް ބުންޏެވެ. "އަހަރެން ދުވަހަކުވެސް މީހުންނަށް ހަޑިހުތުރު ބަހުން އެއްޗެހި ނުކިޔަން. ސޯޝަލް މީޑިއާއަކީ ރަނގަޅު ކަންކަން ފެތުރުމަށް އޮތް ވަސީލަތެއް. ނޭދެވޭ ކަންކަން އުޅޭނަމަ، އެއާ ދުރުވާންވީ،" އޭނާ އިތުރަށް ބުންޏެވެ.
ޕަރޭޝް މި މޭރުމުން ވާހަކަ ދައްކާފައި މިވަނީ، ދާދި ފަހުން އެކްސް ގައި އާރް.ޖޭ (ރޭޑިއޯ ޖޮކީ) އަކާ ދެމެދު ހިނގި ހޫނު ބަހުގެ ހަމަލާތަކަކަށް ފަހުގައެވެ. އެ ހާދިސާ ހިނގީ، ޕަރޭޝް ފިލްމު "ދުރަންދަރު" އަށް ދިން ރިވިއުއަށް ފާޑުކިޔައި އާރް.ޖޭ އަކު ހިއްސާކުރި ވީޑިއޯއަކާ ގުޅިގެންނެވެ. އެ ވީޑިއޯއަށް ރައްދު ދެމުން ޕަރޭޝް ވަނީ އޭނާއަކީ "މޮޔަ ރިޕޯޓަރެއް" ކަމަށް ބުނެ، އޭނާގެ ވަޒީފާ ސަލާމަތްވެފައި އޮތީ އެކަކުވެސް އެ ވަޒީފާ ބޭނުން ނުވާތީ ކަމަށް ބުނެފައެވެ.
މި ރައްދަށް ރޭޑިއޯ ޖޮކީ ވަނީ ވަގުތުން ޖަވާބު ދީފައެވެ. އޭނާ ބުނީ އޭނާއަކީ ރިޕޯޓަރެއް ނޫން ކަމަށާއި، ޕަރޭޝް އަކީ ހަމައެކަނި އެކްޓަރެއް ކަމަށާއި، އޭނާގެ ހަގީގީ ދިރިއުޅުން އާޓާ ވަރަށް ދުރު ކަމަށެވެ.
މި ކަމާ ގުޅިގެން ސޯޝަލް މީޑިއާގައި ގިނަ ބަޔަކު ވަނީ ޕަރޭޝް އަށް ފާޑުކިޔާފައެވެ. ބައެއް މީހުން ބުނެފައިވަނީ ޕަރޭޝް ފަދަ ބޮޑު ތަރިއެއްގެ ފަރާތުން ފެނުނު މި އަމަލަކީ ވަރަށް ދަށު ފަންތީގެ އަމަލެއް ކަމަށެވެ. އަދި ސޯޝަލް މީޑިއާގެ ސަބަބުން ސެލެބްރިޓީންގެ އަސްލު ސޫރަ އާންމުންނަށް ހާމަވެގެންދާ ކަމަށް ވެސް ބައެއް މީހުން ބުނެފައިވެއެވެ.
"އަހަރެން ގަބޫލުކުރާ ގޮތުގައި ސޯޝަލް މީޑިއާއަކީ ހޮޑުލާ މުށިގަނޑެއް ކަހަލަ ތަނެއް. މީހުން ބޭނުންހާ އެއްޗެއް އެތަނުގައި ބުނަމުންދަނީ. އެކަން އެގޮތަށް ވެގެން ނުވާނެ. ނޭދެވޭ ކަންކަން ފެތުރިގެން ނުވާނެ،" ޕަރޭޝް ބުންޏެވެ. އޭނާ އިތުރަށް ބުނީ މީހަކު ކުރާ ކަމެއް ގޯސް ކަމަށް ޔަގީންވާ ހާލަތުގައި ވެސް، އެ މީހެއްގެ އަބުރު ކިލަނބުކޮށް ދަށްކޮށްލުމުގެ ހައްގު އެއްވެސް މީހަކަށް ލިބިގެން ނުވާ ކަމަށެވެ. އަދި އޭނާ އަމިއްލައަށް ވެސް މިކަންކަން ރަނގަޅު ކުރަން މަސައްކަތް ކުރަމުންދާ ކަމަށް އޭނާ ފާހަގަކުރިއެވެ.
ސޯޝަލް މީޑިއާގައި މީހުން ކުރާ ނޭދެވޭ ކަންކަމުގެ ސަބަބުން ބައެއް ފަހަރު ރުޅިއާދެވޭ ކަމަށާއި، ނަމަވެސް އަބަދުވެސް ވަކި މިންގަނޑެއްގައި ހިފަހައްޓަން މަސައްކަތްކުރާ ކަމަށް ޕަރޭޝް ބުންޏެވެ. "އަހަރެން ދުވަހަކުވެސް މީހުންނަށް ހަޑިހުތުރު ބަހުން އެއްޗެހި ނުކިޔަން. ސޯޝަލް މީޑިއާއަކީ ރަނގަޅު ކަންކަން ފެތުރުމަށް އޮތް ވަސީލަތެއް. ނޭދެވޭ ކަންކަން އުޅޭނަމަ، އެއާ ދުރުވާންވީ،" އޭނާ އިތުރަށް ބުންޏެވެ.
ޕަރޭޝް މި މޭރުމުން ވާހަކަ ދައްކާފައި މިވަނީ، ދާދި ފަހުން އެކްސް ގައި އާރް.ޖޭ (ރޭޑިއޯ ޖޮކީ) އަކާ ދެމެދު ހިނގި ހޫނު ބަހުގެ ހަމަލާތަކަކަށް ފަހުގައެވެ. އެ ހާދިސާ ހިނގީ، ޕަރޭޝް ފިލްމު "ދުރަންދަރު" އަށް ދިން ރިވިއުއަށް ފާޑުކިޔައި އާރް.ޖޭ އަކު ހިއްސާކުރި ވީޑިއޯއަކާ ގުޅިގެންނެވެ. އެ ވީޑިއޯއަށް ރައްދު ދެމުން ޕަރޭޝް ވަނީ އޭނާއަކީ "މޮޔަ ރިޕޯޓަރެއް" ކަމަށް ބުނެ، އޭނާގެ ވަޒީފާ ސަލާމަތްވެފައި އޮތީ އެކަކުވެސް އެ ވަޒީފާ ބޭނުން ނުވާތީ ކަމަށް ބުނެފައެވެ.
މި ކަމާ ގުޅިގެން ސޯޝަލް މީޑިއާގައި ގިނަ ބަޔަކު ވަނީ ޕަރޭޝް އަށް ފާޑުކިޔާފައެވެ. ބައެއް މީހުން ބުނެފައިވަނީ ޕަރޭޝް ފަދަ ބޮޑު ތަރިއެއްގެ ފަރާތުން ފެނުނު މި އަމަލަކީ ވަރަށް ދަށު ފަންތީގެ އަމަލެއް ކަމަށެވެ. އަދި ސޯޝަލް މީޑިއާގެ ސަބަބުން ސެލެބްރިޓީންގެ އަސްލު ސޫރަ އާންމުންނަށް ހާމަވެގެންދާ ކަމަށް ވެސް ބައެއް މީހުން ބުނެފައިވެއެވެ.
ކިޔުންތެރިންގެ ހިޔާލު