މަޝްހޫރު އެކްޓަރު ދަނޫޝް މުހިންމު ރޯލަކުން ފެނިގެންދާ، ގިނަ ބަޔަކު އިންތިޒާރު ކުރަމުންދާ އެކްޝަން ފިލްމު 'ކާރާ' އަށް ސެންސަރު ބޯޑުން "ޔޫ/އޭ" ސެޓްފިކެޓް ދީ، ރިލީޒް ކުރުމުގެ ހުއްދަ ދީފިއެވެ.
ޑައިރެކްޓަރު ވިގްނޭޝް ރާޖާ އުފައްދާފައިވާ މި ފިލްމު އުފެއްދި ވެލްސް ފިލްމް އިންޓަނޭޝަނަލް އިން އެކްސް މެދުވެރިކޮށް ހާމަކޮށްފައިވާ ގޮތުގައި، ފިލްމު ދުނިޔޭގެ އެކި ކަންކޮޅުތަކުގައި ރިލީޒް ކުރުމަށް ހަމަޖެހިފައިވަނީ މިމަހު 30 ވަނަ ދުވަހުއެވެ. އަދި ފިލްމުގެ ޕްރީ-ރިލީޒް އިވެންޓް މާދަމާ ބޭއްވުމަށް ވަނީ ތައްޔާރުވެފައެވެ.
މި އަހަރުގެ ޕޮންގަލް އާ ދިމާކޮށް ފިލްމުގެ ނަން އިއުލާން ކުރިއިރު، އޭރު އާންމުކުރި ޕޯސްޓަރުން ދަނޫޝް ފެނިގެންދަނީ ވަރަށް ވަރުގަދަ ސިފައެއްގައެވެ. އެ ޕޯސްޓަރުގައި "ބައެއް ފަހަރު، ނުރައްކާތެރިކަންމަތީ ދެމިހުރުމަކީ ދިރިހުރުމަށް އޮތް ހަމައެކަނި މަގު" ކަމަށް ބުނެފައިވެއެވެ. މީގެ އިތުރުން، މިދިޔަ އަހަރު ފަހުކޮޅު އާންމުކުރި ފޮޓޯއެއްގައި ދަނޫޝް އެސް.ޓީ.ޑީ ބޫތެއްގައި ހުރެގެން ފޯނުން ވާހަކަދައްކަނިކޮށް ފެނިގެން ގޮސްފައިވެއެވެ.
ފިލްމުގެ މައިގަނޑު ރޯލުތަކުން ފެންނާނެ ތަރިންގެ ތަފްސީލު ވެސް މިހާރު ވަނީ ހާމަކޮށްފައެވެ. އެގޮތުން ބަތަލާ މަމިތާ ބައިޖޫ 'ސެލީ' ގެ ރޯލުން ފެންނައިރު، ކޭ.އެސް ރަވިކުމާރު ފެންނާނީ 'ކަންދަސާމީ' ގެ ރޯލުންނެވެ. އަދި ޖަޔަރާމް 'މުތު ސެލްވަން' ގެ ރޯލުން، ކަރުނާސް 'ކާސީ މާޔަން' ގެ ރޯލުން އަދި ސޫރަޖް ވެންޖަރާމޫދޫ 'ބަރަތަން' ގެ ރޯލުން ފެނިގެންދާނެއެވެ.
މި ފިލްމަކީ ފަންނީ ގޮތުން ވެސް ވަރަށް ވަރުގަދަ ޓީމެއް އެކުލެވިގެންވާ ފިލްމެކެވެ. ފިލްމުގެ މިއުޒިކް ތައްޔާރުކޮށްފައިވަނީ ނެޝަނަލް އެވޯޑް ހާސިލްކޮށްފައިވާ ޖީ.ވީ ޕްރަކާޝްއެވެ. ސިނެމަޓޯގްރަފީގެ މަސައްކަތް ތޭނީ އީޝްވަރު ކޮށްފައިވާއިރު، އެޑިޓިންގެ މަސައްކަތް ކޮށްފައިވަނީ ސްރީޖިތު ސަރަންގްއެވެ.
ފާހަގަކޮށްލެވޭ އަނެއް ކަމަކީ، މި ފިލްމުގެ ވާހަކަ ލިޔެފައިވަނީ ކްރިޓިކުންގެ ބޮޑު ތަރުހީބެއް ލިބުނު 'ޕޯ ތޮޒިލް' ގެ އުފެއްދުންތެރިން ކަމަށްވާ އަލްފްރެޑް ޕްރަކާޝް އާއި ޑައިރެކްޓަރު ވިގްނޭޝް ރާޖާ ގުޅިގެންނެވެ. 'ކާރާ' އަކީ އިޝާރީ ކޭ. ގަނޭޝް ޕްރޮޑިއުސްކޮށްފައިވާ ފިލްމެކެވެ.
މި އަހަރުގެ ޕޮންގަލް އާ ދިމާކޮށް ފިލްމުގެ ނަން އިއުލާން ކުރިއިރު، އޭރު އާންމުކުރި ޕޯސްޓަރުން ދަނޫޝް ފެނިގެންދަނީ ވަރަށް ވަރުގަދަ ސިފައެއްގައެވެ. އެ ޕޯސްޓަރުގައި "ބައެއް ފަހަރު، ނުރައްކާތެރިކަންމަތީ ދެމިހުރުމަކީ ދިރިހުރުމަށް އޮތް ހަމައެކަނި މަގު" ކަމަށް ބުނެފައިވެއެވެ. މީގެ އިތުރުން، މިދިޔަ އަހަރު ފަހުކޮޅު އާންމުކުރި ފޮޓޯއެއްގައި ދަނޫޝް އެސް.ޓީ.ޑީ ބޫތެއްގައި ހުރެގެން ފޯނުން ވާހަކަދައްކަނިކޮށް ފެނިގެން ގޮސްފައިވެއެވެ.
ފިލްމުގެ މައިގަނޑު ރޯލުތަކުން ފެންނާނެ ތަރިންގެ ތަފްސީލު ވެސް މިހާރު ވަނީ ހާމަކޮށްފައެވެ. އެގޮތުން ބަތަލާ މަމިތާ ބައިޖޫ 'ސެލީ' ގެ ރޯލުން ފެންނައިރު، ކޭ.އެސް ރަވިކުމާރު ފެންނާނީ 'ކަންދަސާމީ' ގެ ރޯލުންނެވެ. އަދި ޖަޔަރާމް 'މުތު ސެލްވަން' ގެ ރޯލުން، ކަރުނާސް 'ކާސީ މާޔަން' ގެ ރޯލުން އަދި ސޫރަޖް ވެންޖަރާމޫދޫ 'ބަރަތަން' ގެ ރޯލުން ފެނިގެންދާނެއެވެ.
ފާހަގަކޮށްލެވޭ އަނެއް ކަމަކީ، މި ފިލްމުގެ ވާހަކަ ލިޔެފައިވަނީ ކްރިޓިކުންގެ ބޮޑު ތަރުހީބެއް ލިބުނު 'ޕޯ ތޮޒިލް' ގެ އުފެއްދުންތެރިން ކަމަށްވާ އަލްފްރެޑް ޕްރަކާޝް އާއި ޑައިރެކްޓަރު ވިގްނޭޝް ރާޖާ ގުޅިގެންނެވެ. 'ކާރާ' އަކީ އިޝާރީ ކޭ. ގަނޭޝް ޕްރޮޑިއުސްކޮށްފައިވާ ފިލްމެކެވެ.
ކިޔުންތެރިންގެ ހިޔާލު