ހޭންޑީ ބްރޭންޑުގެ ބިއްލޫރި ފުޅި ފެނަކީ ބޭނުންކުރުމަށް ރައްކާތެރި، މިންގަނޑުތަކަށް ފެތޭ ފެނެއްކަން މޯލްޑިވްސް ފުޑް އެންޑް ޑްރަގް އޮތޯރިޓީ (އެމް.އެފް.ޑީ.އޭ) އިން ކަށަވަރުކޮށްދީފިއެވެ.

އެމް.އެފް.ޑީ.އޭ އިން ނެރުނު ނޫސް ބަޔާނެއްގައި ބުނީ ހޭންޑީ ވޯޓަރގެ ބިއްލޫރި ފުޅިތަކުގައި ބަންދުކޮށްފައިވާ ފެނުގެ ރައްކާތެރިކަން ކަށަވަރުކުރުމަށްޓަކައި އަޅަންޖެހޭ ހުރިހާ ފިޔަވަޅުތަކެއް އެޅުމަށްފަހު، އެ ފެން އަލުން ތަޙުލީލުކޮށްފައިވާ ކަމަށެވެ. މިގޮތުން ކުރެވުނު ތަޙުލީލުތަކުގެ ނަތީޖާތަކަށް ބަލާއިރު، އެ ފެނަކީ އާންމު ޞިއްޙަތަށް ނުރައްކަލެއް ނެތް، ބޭނުންކުރުމަށް އެންމެ އެކަށީގެންވާ ފެންވަރުގެ ފެނެއްކަން މިހާރު ވަނީ ޔަގީންކުރެވިފައެވެ.

މި ނިންމުމަކީ ފެނުގެ ފެންވަރު ހިފެހެއްޓުމަށާއި އާންމު ސިއްހަތު ރައްކާތެރިކުރުމަށް ކުރެވުނު މަސައްކަތްތަކަށްފަހު ނިންމާފައިވާ ނިންމުމެކެވެ. މީގެ ކުރިން މި ފެނުގެ ރައްކާތެރިކަމާ ގުޅޭގޮތުން ބަލަންޖެހޭ ކަންކަން ބެލުމަށްޓަކައި އެމް.އެފް.ޑީ.އޭ އިން ވަނީ ޚާއްޞަ މަސައްކަތްތަކެއް ކޮށްފައެވެ.

އެމް.އެފް.ޑީ.އޭ އިން އިތުރަށް ބުނެފައިވަނީ، މިހާރު ހޭންޑީ ބިއްލޫރި ފުޅި ފެނަކީ އާންމު ސިއްހަތަށް ރައްކާތެރި، ބޭނުންކުރުމަށް އެންމެ އެކަށީގެންވާ ފެންވަރުގެ ފެނެއް ކަމަށެވެ.