COL
RSA
BIH
ބޮލީވުޑްގެ މަޝްހޫރު ތަރި ސަލްމާން ޚާނާއި ޑައިރެކްޓަރު އަދި އެކްޓަރު ފަރުހާން އަޚްތަރު ފުރަތަމަ ފަހަރަށް އެކުގައި މަސައްކަތް ކުރުމަށް ތައްޔާރުވަމުންދާ ކަމުގެ ޚަބަރުތަކާއެކު ފިލްމީ ދާއިރާގައި ބޮޑު ފޯރިއެއް ވަނީ އުފެދިފައެވެ.
ރިޕޯޓްތައް ބުނާގޮތުގައި މި ދެ ފަންނާނުން މަޝްވަރާ ކުރަމުންދަނީ ތާރީޚީ ހާދިސާތަކެއްގެ މައްޗަށް ބިނާކޮށް އުފައްދާ ބޮޑު "ޕީރިއަޑް އެކްޝަން ޑްރާމާ" އަކަށެވެ.
މިކަމާ ގުޅޭގޮތުން 'ޕިންކްވިލާ' އަށް މަޢުލޫމާތު ދިން މަސްދަރަކުން ބުނެފައިވަނީ، ވޭތުވެދިޔަ މަހެއްހާ ދުވަހުގެ ތެރޭގައި ސަލްމާން އާއި ފަރުހާން ގަވާއިދުން ބައްދަލުކޮށް މި މަޝްރޫޢާ ބެހޭގޮތުން ވާހަކަދައްކަމުންދާ ކަމަށެވެ. ސަލްމާން ޚާނަށް މި ފިލްމުގެ ވާހަކަ ވަރަށް ބޮޑަށް ކަމުގޮސްފައިވާ ކަމަށާއި، މިހާރު ކުރިއަށްދަނީ ކުރިމަގުގެ މަޝްވަރާތައް ކަމަށްވެސް އެ މަސްދަރުން ހާމަކޮށްފައިވެއެވެ. މި މަޝްރޫޢަކީ ވަރަށް ބޮޑު ބަޖެޓަކުން އުފައްދާ، ދެ ބަޔަކަށް ބަހާލައިގެން ގެނެސްދޭނެ ފިލްމެއް ކަމަށް ބެލެވެއެވެ. މި މަޝްރޫޢާ ގުޅޭ އިތުރު ތަފްސީލުތައް މިއަހަރުގެ ނިޔަލަށް ސާފުވާނެ ކަމަށް އުންމީދު ކުރެވެއެވެ.
މި ފިލްމު ވެގެންދާނީ "ރާޖް އެންޑް ޑީކޭ" އާއެކު ސަލްމާން މަސައްކަތްކުރާ ސުޕަހީރޯ ކޮމެޑީ ފިލްމަށްފަހު އޭނާ ފަށާނެ ފިލްމަށެވެ. މީގެ އިތުރުން، ސަލްމާން ދާދިފަހުން ފެނިގެންދިޔަ "ލަގާން" ފިލްމަށް 25 އަހަރު ފުރުން ފާހަގަކުރުމުގެ ހަފްލާގައި އޭނާ ހުރި އައު ލުކްގެ ސަބަބުން ގިނަ ބައެއްގެ ސަމާލުކަން ވަނީ ލިބިފައެވެ. ކުރުކޮށް ކޮށާލާފައިވާ އިސްތަށިގަނޑަކާއި ތުނި ތުނބުޅިއަކާއެކު ސަލްމާން ފެނުމުން، މިއީ އޭނާ ދެން އެންމެ އަވަހަށް ފަށާ "އެސްވީ63" ފިލްމަށް ތައްޔާރުވުމުގެ ގޮތުން ގެނައި ބަދަލެއް ކަމަށް ފޭނުން އަންނަނީ ބުނަމުންނެވެ.
ވަމްޝީ ޕައިޑިޕަލީ ޑައިރެކްޓްކުރާ "އެސްވީ63" އަކީ ނަޔަންތާރާއާއެކު ސަލްމާން ފެނިގެންދާނެ ފުރަތަމަ ފިލްމެވެ. މި ފިލްމަކީ ސްރީ ވެންކަޓޭޝްވަރާ ކްރިއޭޝަންސްގެ 63 ވަނަ އުފެއްދުމެވެ.
މި ދަނޑިވަޅުގައި ފަރުހާން އަޚްތަރުވެސް އަންނަނީ އޭނާގެ އަމިއްލަ އެކްޓިން މަޝްރޫޢުތަކަށް ތައްޔާރުވަމުންނެވެ. އެގޮތުން މަޝްހޫރު މިއުޒިކް ކޮމްޕޯޒަރު އާރު.ޑީ ބަރުމަންގެ ބަޔޯޕިކް ކުޅުމަށް ފަރުހާން އަންނަނީ ނީރަޖް ޕާންޑޭއާއެކު މަޝްވަރާ ކުރަމުންނެވެ. މި ރޯލަށް ތައްޔާރުވުމަށް ފަރުހާން ވަރަށް ބޮޑު އިސްކަމެއް ދޭނެ ކަމަށް ރިޕޯޓުތަކުގައި ވެއެވެ. މި ފިލްމުގެ މަސައްކަތް މި އަހަރުގެ އަހަރުގެ ނިޔަލަށް ފެށޭނެ ކަމަށް ލަފާކުރެވޭއިރު، މިއީ ނީރަޖް ޕާންޑޭއާއި ކަމަލް ޖެއިން ގުޅިގެން ޕްރޮޑިއުސްކުރާ ފިލްމެކެވެ.
މިކަމާ ގުޅޭގޮތުން 'ޕިންކްވިލާ' އަށް މަޢުލޫމާތު ދިން މަސްދަރަކުން ބުނެފައިވަނީ، ވޭތުވެދިޔަ މަހެއްހާ ދުވަހުގެ ތެރޭގައި ސަލްމާން އާއި ފަރުހާން ގަވާއިދުން ބައްދަލުކޮށް މި މަޝްރޫޢާ ބެހޭގޮތުން ވާހަކަދައްކަމުންދާ ކަމަށެވެ. ސަލްމާން ޚާނަށް މި ފިލްމުގެ ވާހަކަ ވަރަށް ބޮޑަށް ކަމުގޮސްފައިވާ ކަމަށާއި، މިހާރު ކުރިއަށްދަނީ ކުރިމަގުގެ މަޝްވަރާތައް ކަމަށްވެސް އެ މަސްދަރުން ހާމަކޮށްފައިވެއެވެ. މި މަޝްރޫޢަކީ ވަރަށް ބޮޑު ބަޖެޓަކުން އުފައްދާ، ދެ ބަޔަކަށް ބަހާލައިގެން ގެނެސްދޭނެ ފިލްމެއް ކަމަށް ބެލެވެއެވެ. މި މަޝްރޫޢާ ގުޅޭ އިތުރު ތަފްސީލުތައް މިއަހަރުގެ ނިޔަލަށް ސާފުވާނެ ކަމަށް އުންމީދު ކުރެވެއެވެ.
މި ފިލްމު ވެގެންދާނީ "ރާޖް އެންޑް ޑީކޭ" އާއެކު ސަލްމާން މަސައްކަތްކުރާ ސުޕަހީރޯ ކޮމެޑީ ފިލްމަށްފަހު އޭނާ ފަށާނެ ފިލްމަށެވެ. މީގެ އިތުރުން، ސަލްމާން ދާދިފަހުން ފެނިގެންދިޔަ "ލަގާން" ފިލްމަށް 25 އަހަރު ފުރުން ފާހަގަކުރުމުގެ ހަފްލާގައި އޭނާ ހުރި އައު ލުކްގެ ސަބަބުން ގިނަ ބައެއްގެ ސަމާލުކަން ވަނީ ލިބިފައެވެ. ކުރުކޮށް ކޮށާލާފައިވާ އިސްތަށިގަނޑަކާއި ތުނި ތުނބުޅިއަކާއެކު ސަލްމާން ފެނުމުން، މިއީ އޭނާ ދެން އެންމެ އަވަހަށް ފަށާ "އެސްވީ63" ފިލްމަށް ތައްޔާރުވުމުގެ ގޮތުން ގެނައި ބަދަލެއް ކަމަށް ފޭނުން އަންނަނީ ބުނަމުންނެވެ.
މި ދަނޑިވަޅުގައި ފަރުހާން އަޚްތަރުވެސް އަންނަނީ އޭނާގެ އަމިއްލަ އެކްޓިން މަޝްރޫޢުތަކަށް ތައްޔާރުވަމުންނެވެ. އެގޮތުން މަޝްހޫރު މިއުޒިކް ކޮމްޕޯޒަރު އާރު.ޑީ ބަރުމަންގެ ބަޔޯޕިކް ކުޅުމަށް ފަރުހާން އަންނަނީ ނީރަޖް ޕާންޑޭއާއެކު މަޝްވަރާ ކުރަމުންނެވެ. މި ރޯލަށް ތައްޔާރުވުމަށް ފަރުހާން ވަރަށް ބޮޑު އިސްކަމެއް ދޭނެ ކަމަށް ރިޕޯޓުތަކުގައި ވެއެވެ. މި ފިލްމުގެ މަސައްކަތް މި އަހަރުގެ އަހަރުގެ ނިޔަލަށް ފެށޭނެ ކަމަށް ލަފާކުރެވޭއިރު، މިއީ ނީރަޖް ޕާންޑޭއާއި ކަމަލް ޖެއިން ގުޅިގެން ޕްރޮޑިއުސްކުރާ ފިލްމެކެވެ.
ކިޔުންތެރިންގެ ހިޔާލު