ރާއްޖޭގެ އިގްތިސާދީ ހާލަތު ގޯސްވެ، ރާއްޖޭގެ ވިޔަފާރިވެރިން ބަންގްރޫޓްވެ ނިމިފައިވާ ކަމަށް ވިދާޅުވެ، ޓްރާންސްޕޯޓް މިނިސްޓްރީގެ ކުރީގެ ޑެޕިއުޓީ މިނިސްޓަރު އަދި މޯލްޑިވްސް ޓްރޭޑް އެސޯސިއޭޝަން (އެމްޓީއޭ) ގެ ޗެއާޕާސަން ސައުދުﷲ އަހުމަދު ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ.

ސައުދުﷲ މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ، ރާއްޖޭގެ ވިޔަފާރިވެރިންގެ ހާލަތު އިންތިހާއަށް ދަށަށް ގޮސް، ގިނަ ވިޔަފާރިތަކެއް އިނދަޖެހިފައިވާ ކަމަށެވެ. އަދި މިކަމުގެ ނޭދެވޭ އަސަރު އެންމެ ބޮޑަށް ކުރަމުންދަނީ އާންމު ދިވެހި ރައްޔިތުންގެ ދިރިއުޅުމަށް ކަމަށް އޭނާ ފާހަގަކުރެއްވިއެވެ.

ސައުދުﷲ ވިދާޅުވި ގޮތުގައި، މިހާރު އޮތް ވެރިކަން ނިންމުމަށްޓަކައި ރައްޔިތުން ނުކުންނަން ޖެހޭ ވަގުތު މިވަނީ ޖެހިފައެވެ. "މިފަދަ ރައްޔިތުންނަށް އަނިޔާވެރި ވެރިއަކު މި ގައުމުގެ ހުަންގާނުގައި ހުރުމަކީ މިއަދު ދިވެހިންނަށް ދިމާވެފައިވާ ނިކަމެތިކަމުގެ އަސްލު،" އޭނާ ވިދާޅުވިއެވެ.

Rajjeyge viyafaari vereen bangroot ve nimijje.Meege asaru enme boda kuramun dhaanee dhivehi rayyithunge dhiri ulhuma. Mi verikan nimman eba nukunnan jehey. mifadha Rayyithuna aniyaa veri veriyaku mi qaumuge hungaan hurumakee miadhu dhiveheena dhimaa vefa oih nikamethi kamuge aslu

— Saudulla Ahmed (@saudullaahmed1) July 9, 2026

ސައުދުﷲގެ މި ފާޑުކިޔުންތައް އަމާޒުވެފައިވަނީ ގައުމުގެ އިގްތިސާދީ ސިޔާސަތުތަކާ މެދު ވިޔަފާރިވެރިންގެ މެދުގައި ކަންބޮޑުވުން އިތުރުވެފައިވާ ދަނޑިވަޅެއްގައެވެ. އޭނާ އިތުރަށް ސިފަކުރެއްވި ގޮތުގައި މިހާރުގެ ހާލަތަކީ ދިވެހި ގައުމަށް ކުރިމަތިވެފައިވާ ވަރަށް ބޮޑު ނިކަމެތިކަމެކެވެ.