ބޮލީވުޑްގެ މަޝްހޫރު އެކްޓަރު ސުހައިލް ޚާން އާއި އޭނާގެ ކުރީގެ އަންހެނުން ސީމާ ސަޖްދޭގެ ކައިވެނި ރޫޅުމުގެ ފުރިހަމަ ޒިންމާ ސުހައިލް އަމިއްލައަށް ނެގި ނަމަވެސް، އެކަމާ ސަލްމާން ޚާން ދެކޮޅު ހަދައި ކޮއްކޮގެ ދިފާއުގައި ވާހަކަދައްކައިފިއެވެ.
މި ދެމަފިރިންގެ ގުޅުމާ ބެހޭގޮތުން މި ވާހަކަތައް ފެންމަތިވެފައިވަނީ "އެލަޔަންސް" ރިއަލިޓީ ޝޯގެ ތެރެއިންނެވެ. މި ޝޯގައި ވާހަކަދައްކަމުން ސުހައިލް ވަނީ އެމީހުންގެ 25 އަހަރުވީ ކައިވެނި ރޫޅުމުގައި އޭނާގެ އިހުމާލުވާކަމަށް އިއުތިރާފުވެފައެވެ. ސުހައިލް ބުނި ގޮތުގައި އެ ދުވަސްވަރު އޭނާގެ ފިލްމީ މަސައްކަތްތައް ރަނގަޅަށް ކުރިއަށް ނުދިއުމުގެ ސަބަބުން ނަފްސާނީ ގޮތުން އުނދަގޫތަކެއް ކުރިމަތިވި ކަމަށާއި، އޭނާގެ އުޅުމަށް އައި ބަދަލުތަކުގެ ސަބަބުން ވަރަށް ބޮޑަށް ލޯބިވި މީހަކު ގެއްލުނީ ކަމަށެވެ.
ނަމަވެސް، މި ޝޯގެ ކުރިއަށް އޮތް އެޕިސޯޑެއްގެ ޕްރޮމޯއެއްގައި ފެންނަ ގޮތުން، ބޮޑުބޭބެ ސަލްމާން ޚާން ވަނީ ސުހައިލްގެ މި ވާހަކަތަކަށް ރައްދު ދީފައެވެ. ސަލްމާން ބުނީ ސުހައިލްއަކީ ވަރަށް މާތް މީހަކަށް ވާތީ ހުރިހާ އިލްޒާމެއް އަމިއްލަ ބޮލުގައި އެޅީ ކަމަށެވެ. އަދި ކޮއްކޮއެއްގެ ގޮތުން ސުހައިލް އެ ކައިވެނި ސަލާމަތްކުރަން ކުރި މަސައްކަތާއި އޭނާ އުފުލި ތަދާއި ހިތާމަ އެންމެ ގާތުން ފެނުނީ އޭނާއަށް ކަމަށް ސަލްމާން ފާހަގަކުރިއެވެ.
ސުހައިލް އިތުރަށް ބުނެފައިވަނީ، މި ރިއަލިޓީ ޝޯގެ ސަބަބުން އެތައް އަހަރެއްގެ މެދުކެނޑުމަކަށްފަހު އޭނާ އާއި ސީމާގެ ގުޅުން އަލުން ބަދަހިވެފައިވާ ކަމަށެވެ. ކުރިން ވާހަކަ ނުދައްކައި ތިބި ނަމަވެސް، މިހާރު ކޮންމެ ދުވަހަކު ވާހަކަދައްކައި، އެކަކު އަނެކަކުގެ ހާލުބަލައި އުޅޭ ކަމަށް ސުހައިލް ބުންޏެވެ. "އަހަރެމެން ވަކިވެފައި ތިބި ނަމަވެސް، މި ޝޯގެ ސަބަބުން އަލުން ވާހަކަދައްކައި ކަންކަން ހިއްސާކުރުމުގެ ފުރުސަތު ލިބިއްޖެ. އަހަރެމެންގެ ދެމެދުގައި މެދުކެނޑިފައި އޮތް ގުޅުން އަލުން ގުޅިއްޖެ،" ސުހައިލް ކިޔައިދިނެވެ.
ސީމާ ސަޖްދޭ ވެސް ވަނީ ސުހައިލްއާ އޮތް ގުޅުމާ ބެހޭގޮތުން އުންމީދީ ވާހަކަތަކެއް ދައްކާފައެވެ. ޝޯއިން ވަކިވުމަށްފަހު ދިން އިންޓަވިއުއެއްގައި ސީމާ ބުނީ، ވަރިވިތާ ހަތަރު އަހަރު ވެފައިވާއިރު، މިހާރު އެމީހުންނަކީ ދެމަފިރިންގެ ގޮތުގައި ތިބި ދުވަސްވަރަށްވުރެ މާ ގާތް ދެ އެކުވެރިން ކަމަށެވެ. އަދި ދެ ދަރިން ބެލުމުގެ ކަންކަމުގައި (ކޯ-ޕޭރަންޓިންގ) ސުހައިލްއަކީ ވަރަށް އެއްބާރުލުންދޭ، އޯގާތެރި މީހެއްކަން އޭނާ ފާހަގަކުރިއެވެ.
ސުހައިލް ޚާން އާއި ސީމާ ސަޖްދޭ ކައިވެނީގެ ގޮތުން ގުޅުނީ 1998 ވަނަ އަހަރުއެވެ. ނަމަވެސް 24 އަހަރަށްފަހު 2022 ވަނަ އަހަރު ވަނީ ރަސްމީކޮށް ވަރިވެފައެވެ. މި ދެމަފިރިންގެ ތިބެނީ ނިރްވާން އާއި ޔޯހާން ނަމަކަށް ކިޔާ ދެ ފިރިހެން ދަރިންނެވެ. ވަރިވި ނަމަވެސް، ސީމާއަކީ އަދިވެސް ޚާން އާއިލާގެ އެކި ހަފުލާތަކުން ގަވާއިދުން ފެންނަ، އެ އާއިލާއާ ގާތް ގުޅުމެއް ބާއްވާ މީހެކެވެ.
ނަމަވެސް، މި ޝޯގެ ކުރިއަށް އޮތް އެޕިސޯޑެއްގެ ޕްރޮމޯއެއްގައި ފެންނަ ގޮތުން، ބޮޑުބޭބެ ސަލްމާން ޚާން ވަނީ ސުހައިލްގެ މި ވާހަކަތަކަށް ރައްދު ދީފައެވެ. ސަލްމާން ބުނީ ސުހައިލްއަކީ ވަރަށް މާތް މީހަކަށް ވާތީ ހުރިހާ އިލްޒާމެއް އަމިއްލަ ބޮލުގައި އެޅީ ކަމަށެވެ. އަދި ކޮއްކޮއެއްގެ ގޮތުން ސުހައިލް އެ ކައިވެނި ސަލާމަތްކުރަން ކުރި މަސައްކަތާއި އޭނާ އުފުލި ތަދާއި ހިތާމަ އެންމެ ގާތުން ފެނުނީ އޭނާއަށް ކަމަށް ސަލްމާން ފާހަގަކުރިއެވެ.
ސުހައިލް އިތުރަށް ބުނެފައިވަނީ، މި ރިއަލިޓީ ޝޯގެ ސަބަބުން އެތައް އަހަރެއްގެ މެދުކެނޑުމަކަށްފަހު އޭނާ އާއި ސީމާގެ ގުޅުން އަލުން ބަދަހިވެފައިވާ ކަމަށެވެ. ކުރިން ވާހަކަ ނުދައްކައި ތިބި ނަމަވެސް، މިހާރު ކޮންމެ ދުވަހަކު ވާހަކަދައްކައި، އެކަކު އަނެކަކުގެ ހާލުބަލައި އުޅޭ ކަމަށް ސުހައިލް ބުންޏެވެ. "އަހަރެމެން ވަކިވެފައި ތިބި ނަމަވެސް، މި ޝޯގެ ސަބަބުން އަލުން ވާހަކަދައްކައި ކަންކަން ހިއްސާކުރުމުގެ ފުރުސަތު ލިބިއްޖެ. އަހަރެމެންގެ ދެމެދުގައި މެދުކެނޑިފައި އޮތް ގުޅުން އަލުން ގުޅިއްޖެ،" ސުހައިލް ކިޔައިދިނެވެ.
ސުހައިލް ޚާން އާއި ސީމާ ސަޖްދޭ ކައިވެނީގެ ގޮތުން ގުޅުނީ 1998 ވަނަ އަހަރުއެވެ. ނަމަވެސް 24 އަހަރަށްފަހު 2022 ވަނަ އަހަރު ވަނީ ރަސްމީކޮށް ވަރިވެފައެވެ. މި ދެމަފިރިންގެ ތިބެނީ ނިރްވާން އާއި ޔޯހާން ނަމަކަށް ކިޔާ ދެ ފިރިހެން ދަރިންނެވެ. ވަރިވި ނަމަވެސް، ސީމާއަކީ އަދިވެސް ޚާން އާއިލާގެ އެކި ހަފުލާތަކުން ގަވާއިދުން ފެންނަ، އެ އާއިލާއާ ގާތް ގުޅުމެއް ބާއްވާ މީހެކެވެ.
ކިޔުންތެރިންގެ ހިޔާލު