ޑާކް ރެއިން އެންޓަޓައިންމަންޓްގެ ކުރިޔަށް އޮތް ފިލްމު "މަގޭ ބިޓްގެ ވެޑިން" ގެ ޕޯސްޓަރު އާންމުކޮށް ފިލްމު ނެރޭ ދުވަސް އިއުލާންކޮށްފިއެވެ.
މުހައްމަދު އަލީ (މޮގާ) އާއި އައިޝަތު ފުއާދު ޕްރޮޑިއުސްކުރާ މި ފިލްމަކީ ރޮމޭންޓިކް ކޮމެޑީއެކެވެ. "މަގޭ ބިޓްގެ ވެޑިން" އަކީ ލޯތްބާއި، މަޖާ ހާދިސާތަކެއްގެ މައްޗަށް ބިނާކޮށް އުފައްދާ ފޯރިގަދަ ފިލްމެއްކަމަށް ޕްރޮޑަކްޝަން ޓީމުން ބުނެއެވެ.
މި ފިލްމުގެ މައިގަނޑު ރޯލުތަކުން ފެނިގެންދާނީ ޝަރަފް އާއި ފާތިމަތު ރިޔާ އެވެ. މީގެ އިތުރުން މަޝްހޫރު ކޮމެޑީ އެކްޓަރު ޝާފިއު ފުބޫ، ޝީލާ ނަޖީބު އަދި ތުއްތު ސައީދު ވެސް މުހިންމު ރޯލުތަކުން ފެނިގެންދާނެއެވެ. އޭގެ އިތުރުން ފިލްމްގެ ބައިވެރިންގެ ތެރޭގައި އާމިނަތު ނޫރާ އަދި އަބްދުﷲ ޒަލީޝާން ހާފިޒް މުހައްމަދު ވެސް ހިމެނެއެވެ.
މި ފިލްމަކީ، ޝަހުދާ މަހްމޫދު ލިޔެ ޑައިރެކްޓްކުރާ ފިލްމެކެވެ. އަދި ފުރަތަމަ ފިލްމު "ބިބީ" އަށް ފަހު ޑައިރެކްޓްކުރާ ދެވަނަ ފިލްމެވެ. 2024 ވަނަ އަހަރު ރިލީޒްކުރި ހޮރޯ-ކޮމެޑީ "ބިބީ" އަކީ ބޮޑު ތަރުހީބެއް ލިބުނު ފިލްމެކެވެ. "މަގޭ ބިޓްގެ ވެޑިން" ގައިވެސް "ބިބީ" ގެ ޓީމުގެ ގިނަ މެންބަރުން ބައިވެރިވެއެވެ. އޭގެ ތެރޭގައި އެޑިޓަރ އަލީ ޝިފާއު (ޗިއްޕެ) އާއި ސިނެމަޓޯގްރަފީ ހެދި އަހުމަދު ޒިފާފް ހިމެނެއެވެ.
މި ފިލްމު އިއުލާންކޮށްފައި މިވަނީ ޑާކް ރެއިންގެ "ޖަންނަތު" ސިނަމާތަކުގައި ދައްކަމުންދާ ކާމިޔާބު ދަނޑިވަޅެއްގައެވެ. މިއީ އެ ސްޓޫޑިއޯއިން ބެލުންތެރިން ގަޔާވާ ފަދަ އުފެއްދުންތަކެއް މެދުކެނޑުމެއް ނެތި ގެނެސްދޭކަމުގެ ހެއްކެކެވެ. ފާއިތުވި އަހަރުތަކުގައި ޑާކް ރެއިން އަކީ ތަފާތު ޖޯންރާތަކުގެ ފިލްމުތައް އުފައްދައި، ދިވެހި ފިލްމީ ދާއިރާގައި ނުފޫޒުގަދަ މަގާމެއް ހޯދާފައިވާ ސްޓޫޑިއޯއެކެވެ.
"މަގޭ ބިޓްގެ ވެޑިން" ސިނަމާތަކަށް އަންނާނީ 3 ސެޕްޓެމްބަރު 2026 ގައެވެ. މި ފިލްމަކީ އާއިލީ އަދި ޒުވާނުންނަށް ކަމުދާނެ، މަޖާ އަދި ޝައުގުވެރި ހާދިސާތަކެއް ފެނިގެންދާނެ ފިލްމެއް ކަމަށް ބެލެވެއެވެ. މިއީ ޑާކް ރެއިން އެންޓަޓެއިންމަންޓުގެ ކާމިޔާބީގެ ސިލްސިލާއަށް އިތުރުވާނެ ވަރުގަދަ ބޮޅެކެވެ.
މި ފިލްމުގެ މައިގަނޑު ރޯލުތަކުން ފެނިގެންދާނީ ޝަރަފް އާއި ފާތިމަތު ރިޔާ އެވެ. މީގެ އިތުރުން މަޝްހޫރު ކޮމެޑީ އެކްޓަރު ޝާފިއު ފުބޫ، ޝީލާ ނަޖީބު އަދި ތުއްތު ސައީދު ވެސް މުހިންމު ރޯލުތަކުން ފެނިގެންދާނެއެވެ. އޭގެ އިތުރުން ފިލްމްގެ ބައިވެރިންގެ ތެރޭގައި އާމިނަތު ނޫރާ އަދި އަބްދުﷲ ޒަލީޝާން ހާފިޒް މުހައްމަދު ވެސް ހިމެނެއެވެ.
މި ފިލްމަކީ، ޝަހުދާ މަހްމޫދު ލިޔެ ޑައިރެކްޓްކުރާ ފިލްމެކެވެ. އަދި ފުރަތަމަ ފިލްމު "ބިބީ" އަށް ފަހު ޑައިރެކްޓްކުރާ ދެވަނަ ފިލްމެވެ. 2024 ވަނަ އަހަރު ރިލީޒްކުރި ހޮރޯ-ކޮމެޑީ "ބިބީ" އަކީ ބޮޑު ތަރުހީބެއް ލިބުނު ފިލްމެކެވެ. "މަގޭ ބިޓްގެ ވެޑިން" ގައިވެސް "ބިބީ" ގެ ޓީމުގެ ގިނަ މެންބަރުން ބައިވެރިވެއެވެ. އޭގެ ތެރޭގައި އެޑިޓަރ އަލީ ޝިފާއު (ޗިއްޕެ) އާއި ސިނެމަޓޯގްރަފީ ހެދި އަހުމަދު ޒިފާފް ހިމެނެއެވެ.
"މަގޭ ބިޓްގެ ވެޑިން" ސިނަމާތަކަށް އަންނާނީ 3 ސެޕްޓެމްބަރު 2026 ގައެވެ. މި ފިލްމަކީ އާއިލީ އަދި ޒުވާނުންނަށް ކަމުދާނެ، މަޖާ އަދި ޝައުގުވެރި ހާދިސާތަކެއް ފެނިގެންދާނެ ފިލްމެއް ކަމަށް ބެލެވެއެވެ. މިއީ ޑާކް ރެއިން އެންޓަޓެއިންމަންޓުގެ ކާމިޔާބީގެ ސިލްސިލާއަށް އިތުރުވާނެ ވަރުގަދަ ބޮޅެކެވެ.
ކިޔުންތެރިންގެ ހިޔާލު