އިމްތިހާނުތަކަކީ ދަރިވަރުންގެ ތަޢުލީމީ ޙަޔާތުގައި ކޮންމެހެން ކަޑައްތުކުރަންޖެހޭ މުހިންމު މަރުޙަލާއެކެވެ. ނަމަވެސް، މިއަދުގެ ވާދަވެރި މާޙައުލުގައި އިމްތިހާނާ ކުރިމަތިލާއިރު ގިނަ ކުދިންނަށް ކުރިމަތިވަނީ އާދައިގެ ހާސްކަމަކަށްވުރެ މާ ބޮޑު ނަފްސާނީ ބިރުވެރިކަމެކެވެ. އިމްތިހާނު ކައިރިވަމުން އަންނައިރު ތިބާގެ ދަރިފުޅު މާބޮޑަށް ފިކުރުބޮޑުވެ، ކެއިންބުއިމާއި ނިދުމަށް ބަދަލުތަކެއް އަންނަކަން ފާހަގަކުރެވޭ ހެއްޔެވެ؟ މިފަދަ ޙާލަތްތަކަކީ ހަމައެކަނި ފިލާވަޅު ދަސްނުވެގެން ދިމާވާ ކަމެއް ނޫނެވެ؛ މިއީ 'ޓެސްޓް އެންޒައިޓީ' ނުވަތަ އިމްތިހާނާ ގުޅިގެން އުފެދޭ ނުތަނަވަސްކަމުގެ ސަބަބުން ކުއްޖާގެ ނަފްސަށް ކުރާ ފުން އަސަރެކެވެ.
މި ނުތަނަވަސްކަމަކީ ކުއްޖާގެ ވިސްނުމަށާއި، އިހުސާސްތަކަށާއި، އަދި ޖިސްމާނީ ދުޅަހެޔޮކަމަށްވެސް ނޭދެވޭ އަސަރުތަކެއް ފޯރުވާ ކަމެކެވެ. އެހެންކަމުން، ދަރިފުޅުގެ ކިބައިން މިފަދަ ބިރުވެރިކަމެއްގެ އަލާމާތްތައް ފެންނަނަމަ، އެއީ ކޮންކަމެއްކަން ދެނެގަނެ، އެކަމަށް އަޅާލައި، އަމަލީ ގޮތުން އެހީތެރިކަން ފޯރުކޮށްދިނުމަކީ ކޮންމެ ބެލެނިވެރިއަކަށްމެ ނުހަނު ބޭނުންތެރި ކަމެކެވެ. ކުއްޖާއަށް ބޭނުންވަނީ ހަމައެކަނި ފޮތްތަކުގެ ތެރެއިން ލިބޭ ތައުލީމެއް ނޫނެވެ؛ އިމްތިހާނުގެ މި ދަތި ވަގުތުތަކުގައި ނަފްސާނީ ހަމަޖެހުމާއި، އޯގާތެރިކަމާއި، ގޭތެރެއިންނާއި ސްކޫލުން ލިބޭ ހިތްވަރެވެ. މި ލިޔުމުގައި މި ބަލައިލަނީ މިފަދަ ބިރުވެރިކަން ދެނެގަންނާނެ ގޮތްތަކާއި، ދަރިވަރުންނަށް އެހީތެރިވެދެވިދާނެ މުހިންމު އުސޫލުތަކަށެވެ.
ރާއްޖޭގެ ސްކޫލެއްގައި އަލަށް ކިޔަވައިދޭން ފެށި ޒުވާން ޓީޗަރަކު ހިއްސާކުރި ހާދިސާއަކުން މިކަމުގެ ސީރިއަސްކަން ވަރަށް ބޮޑަށް ހާމަވެގެންދެއެވެ.
އެ ޓީޗަރު ކިޔައިދިން ގޮތުގައި، އިމްތިހާނު ފެށުނު ވަގުތު ކްލާސްތެރެ އޮތީ އާދަޔާ ޚިލާފަށް ހިމޭންކޮށެވެ. އިމްތިހާނު ކަރުދާހުގެ އަޑާއި ގަލަންތަކުގެ އަޑު ފިޔަވައި އެހެން އެއްވެސް އަޑެއް ނީވެއެވެ. ހުރިހާ ދަރިވަރުންވެސް ފެންނަ ފެނުމަށް ތިބީ ވަރަށް ބޮޑަށް ސަމާލުކަން ދީގެންނެވެ. ޓީޗަރު ދަރިވަރުންނަށް އިރުޝާދުތައް ސާފުކޮށް ކިޔައިދިނުމަށްފަހު އިމްތިހާނު ކަރުދާސްތައް ބަހައި ނިންމާލިއެވެ.
ނަމަވެސް، މާގިނަ އިރުތަކެއް ނުވެ އެ ހިމޭންކަން މެދުކެނޑިގެން ދިޔައެވެ.
ކްލާސްތެރެއިން މީހަކު ވަރަށް ބާރަށް، ހީވެސް ނުކުރާ ފަދަ ގޮތަކަށް ހޭންފެށި އަޑު އިވުނެވެ. އެންމެންގެ ނަޒަރު ހުއްޓުނީ އަބަދުވެސް ކިޔެވުމަށް މޮޅު، ހީވާގި ދަރިވަރެއް ކަމަށްވާ ސާރާއަށެވެ. ފުރަތަމަ އެއީ ކޮން ކަމެއްކަން ދެނެގަންނަން ޓީޗަރަށް އުނދަގޫވި ނަމަވެސް، މާގިނަ އިރުތަކެއް ނުވެ އެއީ އުފަލުން ޖެހި ހިނިގަނޑެއް ނޫންކަން އެނގުނެވެ. އެ ހުނުން ވަގުތުން ބަދަލުވެގެން ދިޔައީ ކޮންޓްރޯލް ނުކުރެވޭ ވަރުގެ ގިސްލުމަކަށެވެ. އެހެން ކުދިންނަށް އިމްތިހާނު ކުރިއަށް ގެންދިއުމަށް އިރުޝާދު ދިނުމަށްފަހު، ޓީޗަރު ވަގުތުން ސާރާ މަޑުމައިތިރިކަމާއެކު ކްލާހުން ބޭރަށް ނެރުނެވެ. އޭރު ސާރާ ހުރި ހާލަތުން، މިއީ ހަމައެކަނި އެ ވަގުތު ދިމާވި ކަމެއް ނޫންކަމާއި، މިއީ އޭނާގެ ހިތުގައި އުފެދިފައިވާ ވަރަށް ފުން ނަފްސާނީ ފިއްތުމެއްގެ ނަތީޖާކަން އެ ޓީޗަރަށް ސާފުވިއެވެ.
ނަފްސާނީ ފިއްތުންތައް ބޮޑުވުން
ފުރާވަރަކީ ޖިސްމާނީ ގޮތުންނާއި އިހުސާސްތަކުގެ ގޮތުން ގިނަ ބަދަލުތަކެއް އަންނަ ނާޒުކު މަރުހަލާއެކެވެ. މީގެ ތެރެއަށް އިމްތިހާނުގެ ބުރަ އެކުވެގެން ދިއުމުން، ލިބޭ ފިއްތުންތައް ދަރިވަރުންނަށް ކެތްނުކުރެވޭ މިންވަރަށް ބޮޑުވެއެވެ. ސާރާގެ ފަރާތުން ފެނުނު ފަދަ ކަންކަމަކީ ވަގުތުން ދިމާވާ ކަމެއްހެން ހީވިޔަސް، މިއީ ގިނަ ދުވަސްތަކެއް ވަންދެން ހިތުގައި ފޮރުވިފައި ހުންނަ ބިރުވެރިކަމެއްގެ ނަތީޖާއެވެ. މިފަދަ ހާސްކަން އިމްތިހާނު ތާވަލު ހާމަކުރާ ހިސާބުން ފެށިގެން، ފިލާވަޅު ދަސްކުރާ ވަގުތާއި، އިމްތިހާނު ހަދާ ވަގުތުގެ އިތުރުން ނަތީޖާ ލިބުމާ ހަމައަށްވެސް ދެމިގެންދެއެވެ.
އަޅުގަނޑުމެންގެ މުޖުތަމައުގައި ބައެއް ފަހަރު މިކަން މެދުވެރިވަނީ އާއިލާގެ އެހެން ކުދިންނާ ނުވަތަ އަވައްޓެހިންގެ ކުދިންނާ އަޅާކިޔުމާއި، މައިންބަފައިން ކުރާ މާ މަތީ އުންމީދުތަކުގެ ސަބަބުންނެވެ.
ޓެސްޓް އެންޒައިޓީ އަކީ ކޮބާ؟
ޓެސްޓް އެންޒައިޓީ ނުވަތަ އިމްތިހާނާ މެދު އުފެދޭ ބިރުވެރިކަމަކީ ހަމައެކަނި އާދައިގެ ހާސްވުމެއް ނޫނެވެ. މިއީ ދަރިވަރުގެ ވިސްނުމަށާއި، ނަފްސާނީ ދުޅަހެޔޮކަމަށާއި، ކިޔެވުމުގެ ފެންވަރަށް ނޭދެވޭ އަސަރު ފޯރުވާ ހާލަތެކެވެ. މީގެ އަލާމާތްތައް ދެނެގަތުމަކީ ކުއްޖާއަށް އެހީތެރިކަން ފޯރުކޮށްދިނުމުގެ ފުރަތަމަ ފިޔަވަޅެވެ.
އާންމު އަލާމާތްތައް:
ޖިސްމާނީ ގޮތުން: މާބޮޑަށް ދަލުހިއްލުން، ހިތުގެ ތެޅުން އަވަސްވުން، ބަނޑުގައި ރިއްސުން، ބޮލުގައި ރިއްސުން، އަދި ނިދަން އުނދަގޫވުން.
ވިސްނުމުގެ ގޮތުން: ނާކާމިޔާބީއަށް ބިރުގަތުން، ސަމާލުކަން ދޭން އުނދަގޫވުން، ދަސްކުރި އެއްޗެހި ކުއްލިއަކަށް ހަނދާން ނެތުން، ނުވަތަ ސުވާލުތައް ފަހުމްވާން އުނދަގޫވުން.
އުޅުމުގެ ގޮތުން: ފިލާވަޅުތަކާ ދުރުހެލިވުން، ކަންކަން ފަސްކުރުން، ނުވަތަ އިމްތިހާނަށް ދާން ފަސްޖެހުން.
މިކަން ދިމާވާ ސަބަބުތައް:
މިކަމަށް މެދުވެރިވާ މައިގަނޑު ސަބަބުތަކުގެ ތެރޭގައި ކިޔެވުމުގެ ތެރޭގައި ދިމާވާ ދަތިތަކާއި، ރަނގަޅު ނަތީޖާ ހޯދަން އަމިއްލަ ނަފްސަށާއި އެހެން މީހުންގެ ފަރާތުން އަންނަ ފިއްތުންތައް ހިމެނެއެވެ. އަދި ކިޔަވައިދިނުމުގައި މާ އަވަސްއަރުވާލައިގެން ފިލާވަޅުތައް ނިންމުމާއި، އިރުޝާދުތައް ސާފު ނުވުމަކީވެސް ކުއްޖާގެ ހާސްކަން އިތުރުވާ ކަމެކެވެ. މީގެ އިތުރުން، ގޭތެރޭގެ މާހައުލުގައި ހަމައެކަނި 'އޭ ސްޓާ' ނުވަތަ މަތީ މާކުހަށް އިސްކަންދިނުމަކީވެސް މި ފިއްތުންތައް އިންތިހާއަށް އިތުރުވާ ސަބަބެކެވެ.
ބޮޑެތި މީހުންނާއި ބެލެނިވެރިންނަށް އެހީތެރިވެވޭނެ ގޮތްތައް:
ނަފްސާނީ ގޮތުން އެއްބާރުލުން ދިނުން: ކުއްޖާގެ އިހުސާސްތައް އަޑުއަހައި، އެކަންކަން ބަލައިގަންނާށެވެ. އިމްތިހާނުގެ ނަތީޖާއަކީ ކުއްޖާގެ މުޅި މުސްތަގުބަލު ނޫންކަން ވިސްނައިދީ، ކުއްޖާއަށް ފުރިހަމަ އިތުބާރު އޮތްކަން ހާމަކޮށްދޭށެވެ.
އަމަލީ ގޮތުން މަގުދައްކައިދިނުން: ފިލާވަޅު ދަސްކުރާނެ ރަނގަޅު ތާވަލެއް ހަދައިދިނުމާއި، އިމްތިހާނުގައި ވަގުތު މެނޭޖުކުރާނެ އުކުޅުތައް ކިޔައިދޭށެވެ.
ސިއްހަތަށް ސަމާލުކަން ދިނުން: ކިޔެވުމުގެ މެދުތެރެއިން ކުޑަ ބްރޭކެއް ނެގުމަށާއި، ފައިދާހުރި ކާނާ ކެއުމަށާއި، އަދި ރަނގަޅަށް ނިދުމަށް ބާރުއަޅާށެވެ.
ގޭތެރޭގެ މާހައުލު ބައްޓަންކުރުން: ގޭތެރޭގައި ކުއްޖާއަށް ދެވޭ ފިއްތުންތައް ކުޑަކުރުން ވަރަށް މުހިންމެވެ. ކޮންމެ ނަތީޖާއެއް އަޔަސް، ކުއްޖާ ދެކެ ލޯބިވާކަމާއި އަގުވަޒަންކުރާކަމުގެ އިހުސާސް ދަރިފުޅަށް ކޮށްދޭންވާނެއެވެ. އިސްލާމީ ރިވެތި އުސޫލުތަކާ އެއްގޮތަށް، ކަންކަމުގައި މާތް ﷲ އަށް ވަކީލުކޮށް، ދުއާކުރުމަށް ދަރިވަރުންނަށް ހިތްވަރު ދޭންވާނެއެވެ. މިފަދަ ބިރުވެރިކަމެއް ކުއްޖާގެ ކިބައިގައި ދިގުލައިގެންދާ ނަމަ، ސްކޫލް ކައުންސިލަރެއްގެ ނުވަތަ ކަމާބެހޭ މާހިރެއްގެ ލަފާ ހޯދުމަކީ މުހިންމު ފިޔަވަޅެކެވެ.
އިމްތިހާނާ މެދު އުފެދޭ ބިރުވެރިކަމަކީ ކުއްޖާގެ ކިބައިގައި ހުރި ނިކަމެތިކަމެއް ނޫނެވެ. އެއީ ދަރިވަރަށް އެހީތެރިކަމާއި އަޅާލުން ބޭނުންވެފައިވާ ކަމުގެ ނިޝާނެކެވެ. އޯގާތެރިކަމާއި އެކަށީގެންވާ އެއްބާރުލުން ދީފިނަމަ، މިފަދަ ހާލަތްތަކުން އަރައިގަނެ، ކޮންމެ ކުއްޖަކީވެސް އިތުބާރާއެކު ކުރިއަށްދާނެ ކުއްޖަކަށް ހެދިދާނެއެވެ. ބައެއް ފަހަރު ކުދިންނަށް ބޭނުންވަނީ ހަމައެކަނި އެކުދިންގެ އަޑުއަހައި، އެކުދިންނާއެކު ސާބިތުކަމާއެކު ހުންނާނެ އަޅާލާ މައިންބަފައިންނާއި ޓީޗަރުންނެވެ.
ރާއްޖޭގެ ސްކޫލެއްގައި އަލަށް ކިޔަވައިދޭން ފެށި ޒުވާން ޓީޗަރަކު ހިއްސާކުރި ހާދިސާއަކުން މިކަމުގެ ސީރިއަސްކަން ވަރަށް ބޮޑަށް ހާމަވެގެންދެއެވެ.
އެ ޓީޗަރު ކިޔައިދިން ގޮތުގައި، އިމްތިހާނު ފެށުނު ވަގުތު ކްލާސްތެރެ އޮތީ އާދަޔާ ޚިލާފަށް ހިމޭންކޮށެވެ. އިމްތިހާނު ކަރުދާހުގެ އަޑާއި ގަލަންތަކުގެ އަޑު ފިޔަވައި އެހެން އެއްވެސް އަޑެއް ނީވެއެވެ. ހުރިހާ ދަރިވަރުންވެސް ފެންނަ ފެނުމަށް ތިބީ ވަރަށް ބޮޑަށް ސަމާލުކަން ދީގެންނެވެ. ޓީޗަރު ދަރިވަރުންނަށް އިރުޝާދުތައް ސާފުކޮށް ކިޔައިދިނުމަށްފަހު އިމްތިހާނު ކަރުދާސްތައް ބަހައި ނިންމާލިއެވެ.
ނަމަވެސް، މާގިނަ އިރުތަކެއް ނުވެ އެ ހިމޭންކަން މެދުކެނޑިގެން ދިޔައެވެ.
ކްލާސްތެރެއިން މީހަކު ވަރަށް ބާރަށް، ހީވެސް ނުކުރާ ފަދަ ގޮތަކަށް ހޭންފެށި އަޑު އިވުނެވެ. އެންމެންގެ ނަޒަރު ހުއްޓުނީ އަބަދުވެސް ކިޔެވުމަށް މޮޅު، ހީވާގި ދަރިވަރެއް ކަމަށްވާ ސާރާއަށެވެ. ފުރަތަމަ އެއީ ކޮން ކަމެއްކަން ދެނެގަންނަން ޓީޗަރަށް އުނދަގޫވި ނަމަވެސް، މާގިނަ އިރުތަކެއް ނުވެ އެއީ އުފަލުން ޖެހި ހިނިގަނޑެއް ނޫންކަން އެނގުނެވެ. އެ ހުނުން ވަގުތުން ބަދަލުވެގެން ދިޔައީ ކޮންޓްރޯލް ނުކުރެވޭ ވަރުގެ ގިސްލުމަކަށެވެ. އެހެން ކުދިންނަށް އިމްތިހާނު ކުރިއަށް ގެންދިއުމަށް އިރުޝާދު ދިނުމަށްފަހު، ޓީޗަރު ވަގުތުން ސާރާ މަޑުމައިތިރިކަމާއެކު ކްލާހުން ބޭރަށް ނެރުނެވެ. އޭރު ސާރާ ހުރި ހާލަތުން، މިއީ ހަމައެކަނި އެ ވަގުތު ދިމާވި ކަމެއް ނޫންކަމާއި، މިއީ އޭނާގެ ހިތުގައި އުފެދިފައިވާ ވަރަށް ފުން ނަފްސާނީ ފިއްތުމެއްގެ ނަތީޖާކަން އެ ޓީޗަރަށް ސާފުވިއެވެ.
ނަފްސާނީ ފިއްތުންތައް ބޮޑުވުން
ފުރާވަރަކީ ޖިސްމާނީ ގޮތުންނާއި އިހުސާސްތަކުގެ ގޮތުން ގިނަ ބަދަލުތަކެއް އަންނަ ނާޒުކު މަރުހަލާއެކެވެ. މީގެ ތެރެއަށް އިމްތިހާނުގެ ބުރަ އެކުވެގެން ދިއުމުން، ލިބޭ ފިއްތުންތައް ދަރިވަރުންނަށް ކެތްނުކުރެވޭ މިންވަރަށް ބޮޑުވެއެވެ. ސާރާގެ ފަރާތުން ފެނުނު ފަދަ ކަންކަމަކީ ވަގުތުން ދިމާވާ ކަމެއްހެން ހީވިޔަސް، މިއީ ގިނަ ދުވަސްތަކެއް ވަންދެން ހިތުގައި ފޮރުވިފައި ހުންނަ ބިރުވެރިކަމެއްގެ ނަތީޖާއެވެ. މިފަދަ ހާސްކަން އިމްތިހާނު ތާވަލު ހާމަކުރާ ހިސާބުން ފެށިގެން، ފިލާވަޅު ދަސްކުރާ ވަގުތާއި، އިމްތިހާނު ހަދާ ވަގުތުގެ އިތުރުން ނަތީޖާ ލިބުމާ ހަމައަށްވެސް ދެމިގެންދެއެވެ.
އަޅުގަނޑުމެންގެ މުޖުތަމައުގައި ބައެއް ފަހަރު މިކަން މެދުވެރިވަނީ އާއިލާގެ އެހެން ކުދިންނާ ނުވަތަ އަވައްޓެހިންގެ ކުދިންނާ އަޅާކިޔުމާއި، މައިންބަފައިން ކުރާ މާ މަތީ އުންމީދުތަކުގެ ސަބަބުންނެވެ.
ޓެސްޓް އެންޒައިޓީ އަކީ ކޮބާ؟
ޓެސްޓް އެންޒައިޓީ ނުވަތަ އިމްތިހާނާ މެދު އުފެދޭ ބިރުވެރިކަމަކީ ހަމައެކަނި އާދައިގެ ހާސްވުމެއް ނޫނެވެ. މިއީ ދަރިވަރުގެ ވިސްނުމަށާއި، ނަފްސާނީ ދުޅަހެޔޮކަމަށާއި، ކިޔެވުމުގެ ފެންވަރަށް ނޭދެވޭ އަސަރު ފޯރުވާ ހާލަތެކެވެ. މީގެ އަލާމާތްތައް ދެނެގަތުމަކީ ކުއްޖާއަށް އެހީތެރިކަން ފޯރުކޮށްދިނުމުގެ ފުރަތަމަ ފިޔަވަޅެވެ.
އާންމު އަލާމާތްތައް:
ޖިސްމާނީ ގޮތުން: މާބޮޑަށް ދަލުހިއްލުން، ހިތުގެ ތެޅުން އަވަސްވުން، ބަނޑުގައި ރިއްސުން، ބޮލުގައި ރިއްސުން، އަދި ނިދަން އުނދަގޫވުން.
ވިސްނުމުގެ ގޮތުން: ނާކާމިޔާބީއަށް ބިރުގަތުން، ސަމާލުކަން ދޭން އުނދަގޫވުން، ދަސްކުރި އެއްޗެހި ކުއްލިއަކަށް ހަނދާން ނެތުން، ނުވަތަ ސުވާލުތައް ފަހުމްވާން އުނދަގޫވުން.
އުޅުމުގެ ގޮތުން: ފިލާވަޅުތަކާ ދުރުހެލިވުން، ކަންކަން ފަސްކުރުން، ނުވަތަ އިމްތިހާނަށް ދާން ފަސްޖެހުން.
މިކަން ދިމާވާ ސަބަބުތައް:
މިކަމަށް މެދުވެރިވާ މައިގަނޑު ސަބަބުތަކުގެ ތެރޭގައި ކިޔެވުމުގެ ތެރޭގައި ދިމާވާ ދަތިތަކާއި، ރަނގަޅު ނަތީޖާ ހޯދަން އަމިއްލަ ނަފްސަށާއި އެހެން މީހުންގެ ފަރާތުން އަންނަ ފިއްތުންތައް ހިމެނެއެވެ. އަދި ކިޔަވައިދިނުމުގައި މާ އަވަސްއަރުވާލައިގެން ފިލާވަޅުތައް ނިންމުމާއި، އިރުޝާދުތައް ސާފު ނުވުމަކީވެސް ކުއްޖާގެ ހާސްކަން އިތުރުވާ ކަމެކެވެ. މީގެ އިތުރުން، ގޭތެރޭގެ މާހައުލުގައި ހަމައެކަނި 'އޭ ސްޓާ' ނުވަތަ މަތީ މާކުހަށް އިސްކަންދިނުމަކީވެސް މި ފިއްތުންތައް އިންތިހާއަށް އިތުރުވާ ސަބަބެކެވެ.
ބޮޑެތި މީހުންނާއި ބެލެނިވެރިންނަށް އެހީތެރިވެވޭނެ ގޮތްތައް:
ނަފްސާނީ ގޮތުން އެއްބާރުލުން ދިނުން: ކުއްޖާގެ އިހުސާސްތައް އަޑުއަހައި، އެކަންކަން ބަލައިގަންނާށެވެ. އިމްތިހާނުގެ ނަތީޖާއަކީ ކުއްޖާގެ މުޅި މުސްތަގުބަލު ނޫންކަން ވިސްނައިދީ، ކުއްޖާއަށް ފުރިހަމަ އިތުބާރު އޮތްކަން ހާމަކޮށްދޭށެވެ.
އަމަލީ ގޮތުން މަގުދައްކައިދިނުން: ފިލާވަޅު ދަސްކުރާނެ ރަނގަޅު ތާވަލެއް ހަދައިދިނުމާއި، އިމްތިހާނުގައި ވަގުތު މެނޭޖުކުރާނެ އުކުޅުތައް ކިޔައިދޭށެވެ.
ސިއްހަތަށް ސަމާލުކަން ދިނުން: ކިޔެވުމުގެ މެދުތެރެއިން ކުޑަ ބްރޭކެއް ނެގުމަށާއި، ފައިދާހުރި ކާނާ ކެއުމަށާއި، އަދި ރަނގަޅަށް ނިދުމަށް ބާރުއަޅާށެވެ.
އިމްތިހާނާ މެދު އުފެދޭ ބިރުވެރިކަމަކީ ކުއްޖާގެ ކިބައިގައި ހުރި ނިކަމެތިކަމެއް ނޫނެވެ. އެއީ ދަރިވަރަށް އެހީތެރިކަމާއި އަޅާލުން ބޭނުންވެފައިވާ ކަމުގެ ނިޝާނެކެވެ. އޯގާތެރިކަމާއި އެކަށީގެންވާ އެއްބާރުލުން ދީފިނަމަ، މިފަދަ ހާލަތްތަކުން އަރައިގަނެ، ކޮންމެ ކުއްޖަކީވެސް އިތުބާރާއެކު ކުރިއަށްދާނެ ކުއްޖަކަށް ހެދިދާނެއެވެ. ބައެއް ފަހަރު ކުދިންނަށް ބޭނުންވަނީ ހަމައެކަނި އެކުދިންގެ އަޑުއަހައި، އެކުދިންނާއެކު ސާބިތުކަމާއެކު ހުންނާނެ އަޅާލާ މައިންބަފައިންނާއި ޓީޗަރުންނެވެ.
ކިޔުންތެރިންގެ ހިޔާލު