ރާއްޖޭގައި މެރިޓައިމް ދާއިރާގެ ތަޢުލީމު އިތުރަށް ތަރައްޤީކޮށް ކުރިއެރުވުމުގެ މަޤްޞަދުގައި، ދިވެހިރާއްޖޭގެ ޤައުމީ ޔުނިވަރސިޓީ (އެމްއެންޔޫ) އާއި ސްރީލަންކާގެ މަޝްހޫރު ސިނެކް ކެމްޕަހާ ދެމެދު ފަހުމުނާމާއެއްގައި ސޮއިކޮށްފިއެވެ.
އެމްއެންޔޫގައި ހޯމަ ދުވަހު ބޭއްވުނު ޚާއްޞަ ރަސްމިއްޔާތެއްގައި މި އެއްބަސްވުމުގައި އެ ޔުނިވަރސިޓީގެ ފަރާތުން ސޮއިކުރެއްވީ ވައިސް ޗާންސެލަރ ޑރ. ޢައިޝަތު ޝެހެނާޒެވެ. އަދި ސިނެކް ކެމްޕަހުގެ ފަރާތުން ސޮއިކުރެއްވީ ޑރ. ސުޖީވާ ޕޮލްގަމްޕަލާއެވެ.
މި އެއްބަސްވުމާ ގުޅޭގޮތުން އެމްއެންޔޫގެ ފެކަލްޓީ އޮފް މެރިޓައިމް ސްޓަޑީޒްގެ ޑީން، ކެޕްޓަން މުޙައްމަދު ޒައިދު ވިދާޅުވީ، ދުނިޔޭގެ މެރިޓައިމް ދާއިރާއަށް އަންނަމުންދާ ޒަމާނީ ބަދަލުތަކާ އެއްވަރަށް ކިޔަވައިދިނުމުގެ މުޤައްރަރުތައް އިސްލާޙުކޮށް ފެންވަރު މަތިކުރުމަކީ މި އެއްބަސްވުމުގެ މައިގަނޑު އެއް މަޤްޞަދު ކަމަށެވެ. އަދި މިއީ ރާއްޖޭގެ މެރިޓައިމް ދާއިރާއަށް ލިބިގެންދާނެ ވަރަށް ބޮޑު ކުރިއެރުމެއްކަންވެސް އޭނާ ފާހަގަކުރެއްވިއެވެ.
މީގެއިތުރުން، މި އެއްބަސްވުމުގެ ދަށުން ކަނޑުދަތުރުފަތުރާއި މެރިޓައިމް ދާއިރާއިން ދިވެހި ޒުވާނުން ބިނާކުރުމާއި، ދެމެހެއްޓެނިވި ގޮތެއްގައި ދިރާސާތައް (ރިސާޗް) ކުރުމަށް ދެ މުއައްސަސާ ގުޅިގެން ގިނަ މަސައްކަތްތަކެއް ކުރިއަށް ގެންދިއުމަށް ވަނީ ހަމަޖެހިފައެވެ. އަދި މި ޕާޓްނަރޝިޕްގެ ސަބަބުން ރާއްޖެއާއި ލަންކާއާ ދެމެދު އޮތް ޒަމާންވީ އެކުވެރި ގުޅުން އިތުރަށް ބަދަހިވެގެންދާނެ ކަމަށް އުއްމީދުކުރައްވާ ކަމަށްވެސް ޒައިދު ވިދާޅުވިއެވެ.
އެމްއެންޔޫއާއެކު ގުޅުން ޤާއިމުކުރި ސިނެކް ކެމްޕަހަކީ، ޒަމާނީ ވަސީލަތްތަކާއި ލެބޯޓްރީތަކާއެކު މެރިޓައިމް ދާއިރާއިން ފުޅާ ދާއިރާއެއްގައި މީހުން ބިނާކުރަމުން އަންނަ، ސްރީލަންކާގެ އެންމެ ބޮޑު އަދި އެންމެ ފާހަގަކޮށްލެވޭ އަމިއްލަ މަތީ ތަޢުލީމުދޭ މަރުކަޒެވެ.
މި އެއްބަސްވުމުގެ ދަށުން ދެ ފަރާތުގެ ދަރިވަރުންނާއި ލެކްޗަރާއިން ބަދަލުކުރުމުގެ ފުރުޞަތުތައް ފަހިވެގެންދާއިރު، ބައިނަލްއަޤްވާމީ ފެންވަރުގެ ޓްރެއިނިންގ ޕްރޮގްރާމްތަކާއި ވޯކްޝޮޕްތައް ގުޅިގެން ކުރިއަށް ގެންދިއުމަށްވެސް ވަނީ ރޭވިފައެވެ. މީގެ ސަބަބުން، ދިވެހި ދަރިވަރުންނަށް ސިނެކް ކެމްޕަހުގެ ޒަމާނީ ވަސީލަތްތަކުގެ އެހީގައި ޢަމަލީ ތަޖުރިބާ ހޯދުމުގެ މަގު ތަނަވަސްވެ، ބައިނަލްއަޤްވާމީ ވަޒީފާގެ ބާޒާރުގައި ވާދަކުރެވޭނެ ފަދަ ޤާބިލު މެރިޓައިމް ޕްރޮފެޝަނަލުންތަކެއް އުފެއްދުމަށް އިތުރު ބާރަކަށް ވެގެންދާނެއެވެ.
މި އެއްބަސްވުމާ ގުޅޭގޮތުން އެމްއެންޔޫގެ ފެކަލްޓީ އޮފް މެރިޓައިމް ސްޓަޑީޒްގެ ޑީން، ކެޕްޓަން މުޙައްމަދު ޒައިދު ވިދާޅުވީ، ދުނިޔޭގެ މެރިޓައިމް ދާއިރާއަށް އަންނަމުންދާ ޒަމާނީ ބަދަލުތަކާ އެއްވަރަށް ކިޔަވައިދިނުމުގެ މުޤައްރަރުތައް އިސްލާޙުކޮށް ފެންވަރު މަތިކުރުމަކީ މި އެއްބަސްވުމުގެ މައިގަނޑު އެއް މަޤްޞަދު ކަމަށެވެ. އަދި މިއީ ރާއްޖޭގެ މެރިޓައިމް ދާއިރާއަށް ލިބިގެންދާނެ ވަރަށް ބޮޑު ކުރިއެރުމެއްކަންވެސް އޭނާ ފާހަގަކުރެއްވިއެވެ.
މީގެއިތުރުން، މި އެއްބަސްވުމުގެ ދަށުން ކަނޑުދަތުރުފަތުރާއި މެރިޓައިމް ދާއިރާއިން ދިވެހި ޒުވާނުން ބިނާކުރުމާއި، ދެމެހެއްޓެނިވި ގޮތެއްގައި ދިރާސާތައް (ރިސާޗް) ކުރުމަށް ދެ މުއައްސަސާ ގުޅިގެން ގިނަ މަސައްކަތްތަކެއް ކުރިއަށް ގެންދިއުމަށް ވަނީ ހަމަޖެހިފައެވެ. އަދި މި ޕާޓްނަރޝިޕްގެ ސަބަބުން ރާއްޖެއާއި ލަންކާއާ ދެމެދު އޮތް ޒަމާންވީ އެކުވެރި ގުޅުން އިތުރަށް ބަދަހިވެގެންދާނެ ކަމަށް އުއްމީދުކުރައްވާ ކަމަށްވެސް ޒައިދު ވިދާޅުވިއެވެ.
މި އެއްބަސްވުމުގެ ދަށުން ދެ ފަރާތުގެ ދަރިވަރުންނާއި ލެކްޗަރާއިން ބަދަލުކުރުމުގެ ފުރުޞަތުތައް ފަހިވެގެންދާއިރު، ބައިނަލްއަޤްވާމީ ފެންވަރުގެ ޓްރެއިނިންގ ޕްރޮގްރާމްތަކާއި ވޯކްޝޮޕްތައް ގުޅިގެން ކުރިއަށް ގެންދިއުމަށްވެސް ވަނީ ރޭވިފައެވެ. މީގެ ސަބަބުން، ދިވެހި ދަރިވަރުންނަށް ސިނެކް ކެމްޕަހުގެ ޒަމާނީ ވަސީލަތްތަކުގެ އެހީގައި ޢަމަލީ ތަޖުރިބާ ހޯދުމުގެ މަގު ތަނަވަސްވެ، ބައިނަލްއަޤްވާމީ ވަޒީފާގެ ބާޒާރުގައި ވާދަކުރެވޭނެ ފަދަ ޤާބިލު މެރިޓައިމް ޕްރޮފެޝަނަލުންތަކެއް އުފެއްދުމަށް އިތުރު ބާރަކަށް ވެގެންދާނެއެވެ.
ކިޔުންތެރިންގެ ހިޔާލު