ތައިލެންޑުގެ ވެރިރަށް ބެންކޮކަށް މެދުކެނޑުމެއްނެތި ބޯކޮށް ވާރޭވެހި، މުޅި ސިޓީގައި ފެންބޮޑުވުމާ ގުޅިގެން ބެންކޮކްގެ ހުރިހާ އަވަށެއްގައި ކާރިސާގެ ޙާލަތު އިޢުލާންކޮށްފިއެވެ.
ފާއިތުވި 48 ގަޑިއިރުގެ ތެރޭގައި އެ ސިޓީގެ ބައެއް ސަރަޙައްދުތަކަށް 300 މިލީމީޓަރާ ގާތްކުރާ މިންވަރަކަށް ވާރޭވެހިފައިވާއިރު، ޙާލަތު ގޯސްވުމާ ގުޅިގެން ބެންކޮކްގެ 50 އަވަށުގައި ކާރިސާގެ ޙާލަތު އިޢުލާންކުރެއްވީ އެ ސިޓީގެ ގަވަރުނަރު ޗަޑްޗާޓް ސިއްތިޕަންޓެވެ. މި ނިންމެވުމާއެކު، ސަރުކާރުގެ އިދާރާތަކާއި ކަމާބެހޭ މުއައްސަސާތައް ގުޅިގެން ރައްޔިތުންނަށް އެހީތެރިކަން ފޯރުކޮށްދިނުމުގެ މަސައްކަތްތައް މިހާރު ވަނީ ވަރަށް ބޮޑަށް ހަލުވިކޮށްފައެވެ.
ބުރާސްފަތި ދުވަހުގެ މެންދުރުފަހުން ފެށިގެން ހޮނިހިރު ދުވަހުގެ ހެނދުނާ ހަމައަށް ވެހުނު ވާރޭގެ ސަބަބުން، ވެރިރަށުގެ މެދުތެރެއާއި އިރުމަތީގެ ބޮޑެތި މަގުތަކާއި ކާރޫބާރު ބޮޑު ވިޔަފާރި މަރުކަޒުތައް ހިމެނޭހެން ގިނަ ސަރަޙައްދުތަކެއްގައި ފެންބޮޑުވެ، އެއްގަމު ދަތުރުފަތުރު ވަނީ އެއްކޮށް ކަހަލަ ގޮތަކަށް ހުއްޓުމަކަށް އައިސްފައެވެ. އަދި ފެން ހިންދާ މައި ކޯރުތަކާއި ކުޅިތަކުގެ ފެންގަނޑު ނުރައްކާތެރި މިންވަރަކަށް އުފުލި، ފެން ހިންދާ ނިޒާމުތަކަށް ނުކަތާވަރު ވުމާ ގުޅިގެން، ނޮންގް ޗޮކް، ސުއާން ލުއާންގް އަދި ޚާން ނާ ޔާއޯ ފަދަ ސަރަޙައްދުތަކުން ބައެއް ޢާއިލާތައް ރައްކާތެރި ހިސާބުތަކަށް ބަދަލުކުރުމުގެ މަސައްކަތް ވެސް އޮފިޝަލުން ވަނީ ފަށާފައެވެ.
ގަވަރުނަރު ޗަޑްޗާޓް ސިއްތިޕަންޓް ވިދާޅުވި ގޮތުގައި، ސެކަންޑަކު 1,200 ކިއުބިކް މީޓަރުގެ ފެން ބޭރުކުރެވޭ ފެންޕަންޕުތައް ބޭނުންކޮށްގެން ފެންހިއްކުމުގެ މަސައްކަތް މެދުނުކެނޑި ދަނީ ކުރަމުންނެވެ. އަދި ފެންބޮޑުވުމުން ރައްކާތެރިވުމުގެ ގޮތުން 1 މިލިއަން ވެލިބަސްތާ ތައްޔާރުކޮށްފައިވާއިރު، ވަގުތީ ހިޔާތަކުގެ ގޮތުގައި ސިޓީގެ ސްކޫލްތައް ބޭނުންކުރުމަށް ވަނީ ހަމަޖައްސާފައެވެ. އާންމު ރައްޔިތުން ގޭގައި ތިބުމަށް އިލްތިމާސްކުރައްވަމުން ގަވަރުނަރު ވިދާޅުވީ، ހާސްވެ ބިރުގަންނަންޖެހޭ ފަދަ ޙާލަތެއް ނެތް ކަމަށެވެ.
ބެންކޮކްގެ އިތުރުން ތައިލެންޑުގެ އެހެން ސަރަޙައްދުތަކަށް ވެސް މި ވިއްސާރައިގެ އަސަރު ވަރަށް ބޮޑަށް ކޮށްފައިވެއެވެ. އެގޮތުން ޤައުމުގެ 21 ޕްރޮވިންސަކުން 84،000 އަށް ވުރެ ގިނަ މީހުންނަށް މި ކާރިސާގެ އަސަރު ކޮށްފައިވާ ކަމަށް ރިޕޯޓުތައް ބުނާއިރު، ޢާންމުންނަށް އިންޒާރު ދިނުމަށް ސަރުކާރުން ވަނީ ޤައުމީ ފޯން މެސެޖިންގ ނިޒާމު ވެސް ބޭނުންކޮށްފައެވެ.
ތައިލެންޑުގެ މޫސުމާ ބެހޭ އިދާރާއިން ހާމަކުރި ގޮތުގައި، ސެޕްޓެމްބަރު މަހަކީ އެ ޤައުމަށް ވިއްސާރަ ދުވަސްވަރެއް ނަމަވެސް، މިއަހަރު ވެހުނު ވާރޭގެ މިންވަރު ވަނީ އާދަޔާ ޚިލާފަށް އިތުރުވެފައެވެ. މޫސުން ގޯސްވެފައިވަނީ މެދުތެރޭ ސަރަޙައްދުގައި އުފެދިފައިވާ ކޮޅިގަނޑަކާއި ހުޅަނގު ދެކުނު މޫސުމުގެ ބާރު ގަދަވުމާ ގުޅިގެންނެވެ.
ކުރިއަށް އޮތް ސެޕްޓެމްބަރު 27 ގެ ނިޔަލަށް ވެސް ޤައުމުގެ ބޮޑުބަޔަކަށް ބޯކޮށް ވާރޭވެހޭނެ ކަމަށް ލަފާކުރެވޭތީ، ޚާއްޞަކޮށް ތިރި ސަރަޙައްދުތަކުގައާއި ކޯރުތަކުގެ ކައިރީގައި ދިރިއުޅޭ ފަރާތްތަކުން ސަމާލުވެ ތިބުމަށާއި، ކޮންމެހެން ކުރަންޖެހޭ ދަތުރުތައް ފިޔަވައި އެހެން ދަތުރުތައް ނުކުރުމަށް ކަމާބެހޭ އިދާރާތަކުން ވަނީ އިލްތިމާސްކޮށްފައެވެ.
ބުރާސްފަތި ދުވަހުގެ މެންދުރުފަހުން ފެށިގެން ހޮނިހިރު ދުވަހުގެ ހެނދުނާ ހަމައަށް ވެހުނު ވާރޭގެ ސަބަބުން، ވެރިރަށުގެ މެދުތެރެއާއި އިރުމަތީގެ ބޮޑެތި މަގުތަކާއި ކާރޫބާރު ބޮޑު ވިޔަފާރި މަރުކަޒުތައް ހިމެނޭހެން ގިނަ ސަރަޙައްދުތަކެއްގައި ފެންބޮޑުވެ، އެއްގަމު ދަތުރުފަތުރު ވަނީ އެއްކޮށް ކަހަލަ ގޮތަކަށް ހުއްޓުމަކަށް އައިސްފައެވެ. އަދި ފެން ހިންދާ މައި ކޯރުތަކާއި ކުޅިތަކުގެ ފެންގަނޑު ނުރައްކާތެރި މިންވަރަކަށް އުފުލި، ފެން ހިންދާ ނިޒާމުތަކަށް ނުކަތާވަރު ވުމާ ގުޅިގެން، ނޮންގް ޗޮކް، ސުއާން ލުއާންގް އަދި ޚާން ނާ ޔާއޯ ފަދަ ސަރަޙައްދުތަކުން ބައެއް ޢާއިލާތައް ރައްކާތެރި ހިސާބުތަކަށް ބަދަލުކުރުމުގެ މަސައްކަތް ވެސް އޮފިޝަލުން ވަނީ ފަށާފައެވެ.
ގަވަރުނަރު ޗަޑްޗާޓް ސިއްތިޕަންޓް ވިދާޅުވި ގޮތުގައި، ސެކަންޑަކު 1,200 ކިއުބިކް މީޓަރުގެ ފެން ބޭރުކުރެވޭ ފެންޕަންޕުތައް ބޭނުންކޮށްގެން ފެންހިއްކުމުގެ މަސައްކަތް މެދުނުކެނޑި ދަނީ ކުރަމުންނެވެ. އަދި ފެންބޮޑުވުމުން ރައްކާތެރިވުމުގެ ގޮތުން 1 މިލިއަން ވެލިބަސްތާ ތައްޔާރުކޮށްފައިވާއިރު، ވަގުތީ ހިޔާތަކުގެ ގޮތުގައި ސިޓީގެ ސްކޫލްތައް ބޭނުންކުރުމަށް ވަނީ ހަމަޖައްސާފައެވެ. އާންމު ރައްޔިތުން ގޭގައި ތިބުމަށް އިލްތިމާސްކުރައްވަމުން ގަވަރުނަރު ވިދާޅުވީ، ހާސްވެ ބިރުގަންނަންޖެހޭ ފަދަ ޙާލަތެއް ނެތް ކަމަށެވެ.
ބެންކޮކްގެ އިތުރުން ތައިލެންޑުގެ އެހެން ސަރަޙައްދުތަކަށް ވެސް މި ވިއްސާރައިގެ އަސަރު ވަރަށް ބޮޑަށް ކޮށްފައިވެއެވެ. އެގޮތުން ޤައުމުގެ 21 ޕްރޮވިންސަކުން 84،000 އަށް ވުރެ ގިނަ މީހުންނަށް މި ކާރިސާގެ އަސަރު ކޮށްފައިވާ ކަމަށް ރިޕޯޓުތައް ބުނާއިރު، ޢާންމުންނަށް އިންޒާރު ދިނުމަށް ސަރުކާރުން ވަނީ ޤައުމީ ފޯން މެސެޖިންގ ނިޒާމު ވެސް ބޭނުންކޮށްފައެވެ.
ކުރިއަށް އޮތް ސެޕްޓެމްބަރު 27 ގެ ނިޔަލަށް ވެސް ޤައުމުގެ ބޮޑުބަޔަކަށް ބޯކޮށް ވާރޭވެހޭނެ ކަމަށް ލަފާކުރެވޭތީ، ޚާއްޞަކޮށް ތިރި ސަރަޙައްދުތަކުގައާއި ކޯރުތަކުގެ ކައިރީގައި ދިރިއުޅޭ ފަރާތްތަކުން ސަމާލުވެ ތިބުމަށާއި، ކޮންމެހެން ކުރަންޖެހޭ ދަތުރުތައް ފިޔަވައި އެހެން ދަތުރުތައް ނުކުރުމަށް ކަމާބެހޭ އިދާރާތަކުން ވަނީ އިލްތިމާސްކޮށްފައެވެ.
ކިޔުންތެރިންގެ ހިޔާލު