ވިލާ ކޮލެޖުން މިއަހަރު ދަސްވެނިވި ދަރިވަރުންނަކީ ހަމައެކަނި މަޢުލޫމާތުން މުއްސަނދި ބަޔަކަށް ވުމުގެ ބަދަލުގައި، ޢިލްމީ ތެދުވެރިކަމާއި ނަފުސުގެ އަޚްލާޤު އިސްކުރާ ނަމޫނާ ބަޔަކަށް ވުމަށް ފަންނާއި ސަޤާފަތާއި ތަރިކައާ ބެހޭ ވަޒީރު ހީނާ ވަލީދު ގޮވައިލައްވައިފިއެވެ.
ވަޒީރު މިކަމަށް ގޮވައިލެއްވީ މިއަދު ބޭއްވި ވިލާ ކޮލެޖްގެ މިއަހަރުގެ ދަސްވެނިވުމުގެ ޙަފްލާގެ ފުރަތަމަ ދަންފަޅި ޝަރަފުވެރި ކޮށްދެއްވައި ވާހަކަފުޅު ދައްކަވަމުންނެވެ. މި ދަންފަޅީގައި ދަސްވެނިވެފައިވަނީ ހިންގުމުގެ ދާއިރާއިންނާއި، އުނގަންނައިދިނުމާއި ކިޔަވައިދިނުމުގެ ދާއިރާއިން ސަނަދު ޙާޞިލްކުރި ދަރިވަރުންނެވެ.
ދަސްވެނިންނާ މުޚާޠަބުކުރަށްވައި ވަޒީރު ހީނާ ދެއްކެވި ވާހަކަފުޅުގައި، ފިކުރީ ވިސްނުންތަކާ ޢިލްމީ ސިކުނޑިތަކެއް އުފަންކޮށްގެން ހަމައެކަނި ފުދެން ނެތްކަން ފާހަގަކުރެއްވިއެވެ. އަދި ޤައުމަކަށް މިއަދު އެންމެ ބޮޑަށް ބޭނުންވަނީ ހަރުދަނާ އަޚްލާޤިއްޔަތެއްގެ މަތީގައި ސާބިތުވެ ތިބޭނެ ބައެއް ކަމަށް ވިދާޅުވިއެވެ.
މިގޮތުން ބޭނުންވަނީ އިންސާނީ ކަރާމާތަށް ޙުރުމަތްތެރިކޮށް ހިތާ، އެކަކު އަނެކަކުގެ ޚިޔާލަށް އިޙްތިރާމްކުރުމާއި، ކޮންމެ ކަމެއްގެވެސް ޙަޤީޤަތް ބެލުމުގެ އިތުރުން، ތިމާފަދަ އަނެކުންނަށްވެސް އިޙްތިރާމް ކުރުމުގެ ތަހުޛީބީ ސިފަތައް އަށަގަނެފައިވާ ބައެއްކަމަށާއި، ޢިލްމު ޙާޞިލްކުރާ ފަރާތްތަކަކީ މިފަދަ ރިވެތި ސިފަތަކުގެ ނަމޫނާއަކަށް ވާންޖެހޭނެ ކަމަށް ވަޒީރު ވިދާޅުވިއެވެ.
ހަމައެހެންމެ ވަޒީރުގެ ވާހަކަފުޅުގައި ވިދާޅުވީ، ޤައުމެއްގައި ޢިލްމީ ރޫޙެއް ބިނާކޮށް ފިކުރީ ވިސްނުންތަކެއް އާލާކުރެވެނީ އެ ޤައުމެއްގެ ތަރުބަވީ އަދި ތަޢުލީމީ ނިޒާމުގެ ތެރެއިން ކަމަށެވެ. އެހެންކަމުން، ޢިލްމީ ރޫޙެއް އުފައްދައި އީޖާދީ އަދި ފިކުރީ ވިސްނުންތަކެއްގެ މަތީގައި ޤައުމެއް ދެމެހެއްޓުމުގެ އެންމެ ބޮޑު މަސްއޫލިއްޔަތެއް އެޅިފައިވަނީ ތަރުބިއްޔަތު ކުރުމާއި އުނގަންނައިދިނުމުގެ ދާއިރާގެ ބޭފުޅުންގެ ކޮނޑުގައި ކަމަށާއި، ޤައުމު އެއް ޖީލުން އަނެއް ޖީލަށް ނަގަހައްޓައިދޭ އެންމެ މުހިންމު އެއް ބަޔަކީ ތަޢުލީމީ ދާއިރާގެ ޚިދުމަތްތެރިން ކަމުގައި ވިދާޅުވިއެވެ.
މީގެއިތުރުން، ޢިލްމީ މީހުންގެ ގޮތުގައި މުޖުތަމަޢުގެ ތެރެއަށް ނުކުންނައިރު، މަޢުލޫމާތުގެ މުއްސަނދިކަމާ އެއްވަރަށް ޢިލްމީ ތެދުވެރިކަމާއި ނަފުސުގެ އަޚްލާޤު ހިފެހެއްޓުމަކީ ނުހަނު މުހިންމު ކަމެއްކަން ވަޒީރު ހަނދާންކޮށްދެއްވިއެވެ. އަދި ޙާޞިލުކުރި ސަނަދަކީ ހަމައެކަނި ލިޔުމަކަށް ނުހަދައި، ލިބިފައިވާ ހުނަރާއި ޤާބިލުކަމުގެ ބޭނުން ހެޔޮގޮތުގައި ހިފައި ޤައުމަށް އިޚްލާޞްތެރިކަމާއެކު ޚިދުމަތްކުރުމަށް އެކަމަނާ ވަނީ ގޮވާލައްވާފައެވެ.
ހަމައެއާއެކު، ޤައުމުގެ އިޖްތިމާޢީ ފޭރާމާއި އަޚްލާޤީ މިންގަނޑާމެދު ފުންކޮށް ވިސްނައި ފިކުރުކޮށް، މުޖުތަމަޢުގެ ކަންކަން ހަމަމަގަށް އަޅުވައި ޙާލަތު ބަދަލުކުރުމަށް އިސްނަގާ މޭސްތިރިންނަށް ވުމަށްވެސް ވަޒީރު ހީނާ ވަލީދު ވަނީ ދަސްވެނިންނަށް އިލްތިމާސްކުރަށްވާފައެވެ.
ވިލާ ކޮލެޖްގެ މިއަހަރުގެ ދަސްވެނިވުމުގެ މި ފުރަތަމަ ދަންފަޅީގައި އެ ކޮލެޖުން ތަޢުލީމު ފުރިހަމަކުރި 201 ދަރިވަރަކު ވަނީ ސަނަދު ޙާޞިލްކޮށް ދަސްވެނިވެފައެވެ.
ދަސްވެނިންނާ މުޚާޠަބުކުރަށްވައި ވަޒީރު ހީނާ ދެއްކެވި ވާހަކަފުޅުގައި، ފިކުރީ ވިސްނުންތަކާ ޢިލްމީ ސިކުނޑިތަކެއް އުފަންކޮށްގެން ހަމައެކަނި ފުދެން ނެތްކަން ފާހަގަކުރެއްވިއެވެ. އަދި ޤައުމަކަށް މިއަދު އެންމެ ބޮޑަށް ބޭނުންވަނީ ހަރުދަނާ އަޚްލާޤިއްޔަތެއްގެ މަތީގައި ސާބިތުވެ ތިބޭނެ ބައެއް ކަމަށް ވިދާޅުވިއެވެ.
މިގޮތުން ބޭނުންވަނީ އިންސާނީ ކަރާމާތަށް ޙުރުމަތްތެރިކޮށް ހިތާ، އެކަކު އަނެކަކުގެ ޚިޔާލަށް އިޙްތިރާމްކުރުމާއި، ކޮންމެ ކަމެއްގެވެސް ޙަޤީޤަތް ބެލުމުގެ އިތުރުން، ތިމާފަދަ އަނެކުންނަށްވެސް އިޙްތިރާމް ކުރުމުގެ ތަހުޛީބީ ސިފަތައް އަށަގަނެފައިވާ ބައެއްކަމަށާއި، ޢިލްމު ޙާޞިލްކުރާ ފަރާތްތަކަކީ މިފަދަ ރިވެތި ސިފަތަކުގެ ނަމޫނާއަކަށް ވާންޖެހޭނެ ކަމަށް ވަޒީރު ވިދާޅުވިއެވެ.
ހަމައެހެންމެ ވަޒީރުގެ ވާހަކަފުޅުގައި ވިދާޅުވީ، ޤައުމެއްގައި ޢިލްމީ ރޫޙެއް ބިނާކޮށް ފިކުރީ ވިސްނުންތަކެއް އާލާކުރެވެނީ އެ ޤައުމެއްގެ ތަރުބަވީ އަދި ތަޢުލީމީ ނިޒާމުގެ ތެރެއިން ކަމަށެވެ. އެހެންކަމުން، ޢިލްމީ ރޫޙެއް އުފައްދައި އީޖާދީ އަދި ފިކުރީ ވިސްނުންތަކެއްގެ މަތީގައި ޤައުމެއް ދެމެހެއްޓުމުގެ އެންމެ ބޮޑު މަސްއޫލިއްޔަތެއް އެޅިފައިވަނީ ތަރުބިއްޔަތު ކުރުމާއި އުނގަންނައިދިނުމުގެ ދާއިރާގެ ބޭފުޅުންގެ ކޮނޑުގައި ކަމަށާއި، ޤައުމު އެއް ޖީލުން އަނެއް ޖީލަށް ނަގަހައްޓައިދޭ އެންމެ މުހިންމު އެއް ބަޔަކީ ތަޢުލީމީ ދާއިރާގެ ޚިދުމަތްތެރިން ކަމުގައި ވިދާޅުވިއެވެ.
މީގެއިތުރުން، ޢިލްމީ މީހުންގެ ގޮތުގައި މުޖުތަމަޢުގެ ތެރެއަށް ނުކުންނައިރު، މަޢުލޫމާތުގެ މުއްސަނދިކަމާ އެއްވަރަށް ޢިލްމީ ތެދުވެރިކަމާއި ނަފުސުގެ އަޚްލާޤު ހިފެހެއްޓުމަކީ ނުހަނު މުހިންމު ކަމެއްކަން ވަޒީރު ހަނދާންކޮށްދެއްވިއެވެ. އަދި ޙާޞިލުކުރި ސަނަދަކީ ހަމައެކަނި ލިޔުމަކަށް ނުހަދައި، ލިބިފައިވާ ހުނަރާއި ޤާބިލުކަމުގެ ބޭނުން ހެޔޮގޮތުގައި ހިފައި ޤައުމަށް އިޚްލާޞްތެރިކަމާއެކު ޚިދުމަތްކުރުމަށް އެކަމަނާ ވަނީ ގޮވާލައްވާފައެވެ.
ވިލާ ކޮލެޖްގެ މިއަހަރުގެ ދަސްވެނިވުމުގެ މި ފުރަތަމަ ދަންފަޅީގައި އެ ކޮލެޖުން ތަޢުލީމު ފުރިހަމަކުރި 201 ދަރިވަރަކު ވަނީ ސަނަދު ޙާޞިލްކޮށް ދަސްވެނިވެފައެވެ.
ކިޔުންތެރިންގެ ހިޔާލު