ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އިން ވިއްކާ ތެލުގެ އަގު ބޮޑުކޮށްފިއެވެ.

ތެލުގެ އަގު ބޮޑުކުރި ސަބަބާއި ގުޅިގެން އެސްޓީއޯއިން ނެރުނު ބަޔާނެއްގައި ބުނީ ފާއިތުވި ދެ މަސްދުވަހުގެ ތެރޭގައި ދުނިޔޭގެ ބާޒާރުގައި ތެލުގު އަގު ބޮޑުވެފައިވާތީ ކަމަށެވެ. އަދި މިހާރު ދުނިޔޭގެ ތެލުގެ އަގު ހުރީ ފާއިތުވި ހަތް އަހަރު ތެލުގެ އަގު ބޮޑުނުވާހާ މިންވަރަށް ބޮޑުވެފައިކަމަށްވެސް އެސްޓީއޯއިން ނެރުނު ބަޔާނުގައި ބުނެފައިވެއެވެ.

Announcement 📢 pic.twitter.com/fcMCDwwVIX

— STO (@stoplc) October 11, 2021

މިކަމާ ގުޅިގެން އެސްޓީއޯއަށް ތެޔޮ ގަންނަން ލިބޭ އަގު ވަރަށް ބޮޑުވެފައިވާތީ 12 އޮކްޓޯބަރ 2021 ވަނަ ދުވަހުން ފެށިގެން ފިއުލް ސަޕްލައިސް މޯލްޑިވްސްގެ ސްޓޭޝަންތަކުން ތެޔޮ ވިއްކާ އަގުތައްވެސް މިހާރު ބޮޑުކޮށްފައިވާ ކަމަށް އެކުންފުނިން ބުނެފައި ވެއެވެ.

އެގޮތުން 12 އޮކްޓޯބަރ 2021 އިން ފެށިގެން އެސްޓީއޯއިން ވިއްކާ ޕެޓްރޯލް ލީޓަރެއް ވިއްކާނީ ލިޓަރެއް 11.16 ރުފިޔާ އަށްކަމަށާއި، ޑީސަލް ލީޓަރެއް ވިއްކާ އަގަކީ 11.84 ރުފިޔާއަށް ކަމަށް މި ބަޔާނުގައި އެސްޓީއޯއިން ބުނެފައި ވެއެވެ.

އެސްޓީއޯ އިން ބުނީ އެ ކުންފުނިން އަބަދުވެސް މަސައްކަތް ކުރަމުންދަނީ ވީހާވެސް ފަސޭހަގޮތެއްގައި ކަސްޓަމަރުންނަށް ތެޔޮ ފޯރުކޮށްދިނުމަށް ކަމަށެވެ.