އިންސާނީ ވަގުފާރީގެ މައްސަލައެއްގައި ހައްޔަރުކުރި ދެ ދިވެހިންގެ ބަންދު މުއްދަތު ކްރިމިނަލް ކޯޓުން އިތުރުކޮށްފިއެވެ.
އިންސާނީ ވަގުފާރީގެ މި މައްސަލައިގައި މިދިޔަ ޖެނުއަރީ މަހުގެ ހަ ވަނަ ދުވަހު ހައްޔަރުކޮށްފައި ވަނީ ސ. ހިތަދޫ ރޯޝަނީމާގޭ މޫސާ ފަތުހީ އާއި ހ. ސީސްޕީޑް މުހައްމަދު ވަހީދެވެ. އެމީހުންގެ ބަންދުގެ މުއްދަތު އިތުރުކުރުމަށް ކްރިމިނަލް ކޯޓަށް ޙާޟިރުކުރުމުން ކްރިމިނަލް ކޯޓުން ވަނީ މިދެމީހުންނަށް 15 ދުވަހުގެ ބަންދެއް ޖަހާފައެވެ.
މީގެ ކުރިން ބޭއްވި މުއްދަތު މަޖިލީހުގައި މި މައްސަލާގައި ހިމެނޭ ވަހީދަކީ އުމުރުން ދުވަސްވީ ބަލި މީހެއް ކަމަށް ކޯޓުގައި ބުނެފައި ވާތީ އޭނާގެ ބަންދު ރިވިއުކުރުމަށް އޮންނަ އަޑުއެހުމަށް ބަލި ހާލަތާ ގުޅޭ ލިޔެ ކިޔުންތައް ހުށައެޅުމަށް ކޯޓުން ވަނީ އަންގާފައެވެ. އެކަމާ ގުޅިގެން ކޯޓުން މިއަދު ނިންމެވީ ހަމަޖެހިފައިވާ އުސޫލުތަކުގެ ދަށުން އޭނާއަށް ބޭސް ފަރުވާގެ ކަންކަން ހަމަޖެއްސުމަށާއި ކަސްޓޯޑިއަލް ޖަލެއްގައި ބަންދު ކުރުމަށެވެ.
މި މައްސަލައިގައި ހިމެނޭ ފަތުހީގެ ވަކީލުން ބުނެފައިވަނީ އޭނާއަކީ މިކަމުގައި ބައިވެރިވާ މީހެއް ނޫން ކަމަށާއި ފަތުހީގެ މައްޗަށް ފުލުހުން ތުހުމަތު ކުރަނީ ވަހީދު ބުނެގެން ކޮށްދިން ކަމެއްގެ ސަބަބުންކަމަށެވެ.
ފުލުހުން ބުނެފައިވަނީ މި މައްސަލާގައި އިންސާނީ ވަގުފާރީގެ ޝިކާރައަށްވީ މީހާއަށް ބިރުދައްކަން އަދިވެސް މައްސަލައިގައި ހިމެނޭ ބައެއް ފަރާތްތަކުން މަސައްކަތް ކުރަމުންދާކަމަށެވެ. މިމައްސަލައިގެ ތުހުމަތުގައި ފުލުހަކު ހިމެނޭ ގޮތަށް ޖުމްލަ ހަތަރު މީހަކު މިދިޔަ މަހުގެ ހަވަނަ ދުވަހު ހައްޔަރުކުރި އެވެ. އޭގެތެރޭގައި ބިދޭސީ އަކު ވެސް ހިމެނެ އެވެ. ފުލުސް މީހާ ހުރީ މުސާރަ ނުލިބޭ ގޮތަށް ސަސްޕެންޑް ކޮށްފަ އެވެ.
މީގެ ކުރިން ބޭއްވި މުއްދަތު މަޖިލީހުގައި މި މައްސަލާގައި ހިމެނޭ ވަހީދަކީ އުމުރުން ދުވަސްވީ ބަލި މީހެއް ކަމަށް ކޯޓުގައި ބުނެފައި ވާތީ އޭނާގެ ބަންދު ރިވިއުކުރުމަށް އޮންނަ އަޑުއެހުމަށް ބަލި ހާލަތާ ގުޅޭ ލިޔެ ކިޔުންތައް ހުށައެޅުމަށް ކޯޓުން ވަނީ އަންގާފައެވެ. އެކަމާ ގުޅިގެން ކޯޓުން މިއަދު ނިންމެވީ ހަމަޖެހިފައިވާ އުސޫލުތަކުގެ ދަށުން އޭނާއަށް ބޭސް ފަރުވާގެ ކަންކަން ހަމަޖެއްސުމަށާއި ކަސްޓޯޑިއަލް ޖަލެއްގައި ބަންދު ކުރުމަށެވެ.
ފުލުހުން ބުނެފައިވަނީ މި މައްސަލާގައި އިންސާނީ ވަގުފާރީގެ ޝިކާރައަށްވީ މީހާއަށް ބިރުދައްކަން އަދިވެސް މައްސަލައިގައި ހިމެނޭ ބައެއް ފަރާތްތަކުން މަސައްކަތް ކުރަމުންދާކަމަށެވެ. މިމައްސަލައިގެ ތުހުމަތުގައި ފުލުހަކު ހިމެނޭ ގޮތަށް ޖުމްލަ ހަތަރު މީހަކު މިދިޔަ މަހުގެ ހަވަނަ ދުވަހު ހައްޔަރުކުރި އެވެ. އޭގެތެރޭގައި ބިދޭސީ އަކު ވެސް ހިމެނެ އެވެ. ފުލުސް މީހާ ހުރީ މުސާރަ ނުލިބޭ ގޮތަށް ސަސްޕެންޑް ކޮށްފަ އެވެ.
ކިޔުންތެރިންގެ ހިޔާލު