މިއަހަރުގެ ހައްޖުގެ އަޅުކަމުގައި ބައިވެރިވުމަށް މައްކާއަށް ގޮސް ތިބި މުސްލިމުން، މިނާއަށް ޖަމާވާން ފަށައިފިއެވެ.

މިނާއަށް ޖަމާވަމުން އަންނަ ހައްޖުވެރިންގެ ތެރޭގައި ރާއްޖެއިން މިފަހަރު ޙަައްޖަށް ދިޔަ 453 ޙައްޖުވެރިންވެސް ހިމެނެއެވެ. ދިވެހި ހައްޖުވެރިން މިނާއަށް ދިއުމަށްޓަކައި ދަތުރު ފަށާފައިވަނީ ރާއްޖެ ގަޑިން 8:00 ޖެހިއިރުއެވެ. ޙައްޖުވެރިންވެސް މިހާރު ތިބީ މިނާގައި ދިވެހި ޙައްޖުވެރިންނަށް ޚާއްސަކޮށްފައި ހުރި ފޭލިގެތަކުގައެވެ.

ރާއްޖޭގެ ހައްޖު މިޝަނުން މައުލޫމާތުދޭ ގޮތުގައި ދިވެހި ހުރިހާ ހައްޖުވެރިންގެ ހާލުވެސް ރަނގަޅެވެ.

Shot of Mina today as it prepares to receive the guests of the Most Merciful tomorrow on Yawm al Tarwiyah, the first day of Hajj. #Hajj#Hajj1443 pic.twitter.com/ZBqMMtWhqb

— Haramain Archive (@haramainarchive) July 6, 2022

މިނާއަށް ހައްޖުވެރިން ޖަމާވެފައިވާއިރު ފޭލިގެ ސަރަހައްދުގައި ސަލާމަތީ ކަންތައް ބެލެހެއްޓުމަށް އިތުރު ސިފައިންނާއި ފުލުހުންގެ އިތުރުން ވަގުތީ 26 ސިއްހީ މަރުކަޒާއި ހަތަރު ހޮސްޕިޓަލްވެސް ވަނީ ޤާއިމްކޮށްފައެވެ. މީގެއިތުރުން 175 އެމްބިއުލާންސްއާއި ސައޫދީ ރެޑް ކްރެސެންޓްގެ 320 އެމްބިއުލާންސާއި، 6 އެއާރ އެމްބިއުލާންސްއާއެކު 1288 ސިއްހީ ހިދުމަތްތެރިން އެ ސަރަހައްދުގައި އެބަތިއްބެވެ.

މިނާއިން، ހައްޖުވެރިން ދެން ދަތުރު ފަށާނީ ޙައްޖުގެ އެންމެ މުހިންމު ރުކުން އަދާކުރުމަށް ޢަރަފާތަށް ދިއުމަށެވެ. ޢަރަފާތަށް ދިޔުމަށްފަހު ޙައްޖުވެރިން މުޒްދަލިފާގައި ރޭކުރާނެއެވެ.