ރާއްޖޭގައި ދުއްވާ ޓެކްސީތަކުގައި ޑޭޝް ކެމެރާ ހަރުކުރުން ލާޒިމް ކޮށްފިއެވެ.
ޓްރާންސްޕޯޓް މިނިސްޓްރީން އިއްޔެ ގެޒެޓްކޮށްފައިވާ ގަވާއިދުގައި ބުނެފައިވަނީ ޓެކްސީތަކުގައި ޑޭޝް ކެމެރާ ހަރުކޮށް، ޓެކްސީ ހިދުމަތް ފޯރުކޮށްދޭ ހުރިހާ ވަގުތެއްގައި އެ ކެމެރާއިން ރިކޯޑުކޮށްފައި ހުންނަންވާނެ އެވެ. އަދި އެގޮތަށް ކޮށްފައިވާ ރިކޯޑިންތައް، އެންމެ މަދުވެގެން ހަތް ދުވަހުގެ މުއްދަތަށް ބަހައްޓަން ޖެހެއެވެ. އަދި ޓެކްސީތައް އެއަރކަންޑިޝަން ކުރުމަށްވެސް ވަނީ ޝަރުތުކޮށްފައެވެ.
ހަމައެއާއެކު ޓެކްސީ ހިދުމަތް ދިނުމަށް މިނިސްޓްރީން ކަނޑައަޅާފައިވާ އަގުތަކުގެ ތަފްސީލް ފަސިންޖަރުންނަށް ފެންނަ ގޮތަށް ހުންނަންވާނެ ކަމަށާއި ފަސިންޖަރުންގެ ޝަކުވާ ހުށައެޅުމަށް ޓްރާންސްޕޯޓު މިނިސްޓްރީން ގާއިމުކުރާ ހޮޓްލައިން ނަންބަރުވެސް ފަސިންޖަރުންނަށް ފެންނަ ގޮތަށް ހަރުކޮށްފައި ހުންނަންޖެހޭނެ ކަމަށް ޤަވާއިދުގައިވެއެވެ. އަދި ފަސެންޖަރުންގެ އަތުން އުފުލާ އަތްދަބަހާއި ކޮތަޅުން އިތުރުފީއެއް ނަގައިގެން ނުވާނެކަމަށްވެސް ޤަވާއިދުގައިވެއެވެ.
މީގެ އިތުރުން ޓެކްސީ ސެންޓަރެއް މެދުވެރިނުކޮށް "ޕްރައިވެޓް ހަޔަރ" ޓެކްސީގެ ހިދުމަތް ދެވޭނީ، މިނިސްޓްރީން އާންމުކުރާ މިންގަނޑުތަކަށް ފެތޭ ވެބްސައިޓެއް ނުވަތަ އެޕްލިކޭޝަނެއް މެދުވެރިކޮށް ކަމަށްވެސް ޤަވާއިދުގައިވަނީ ބުނެފައެވެ.
އޭގެ އިތުުރުން ބަލިމީހުންނާއި، ޚާއްޞަ އެހީއަށް ބޭނުންވާ މީހުންނާއި، ޖިސްމާނީ އުނިކަން އިޙުސާސް ކުރަން ޖެހިފައިވާ މީހުން ޓެކްސީއަށް އަރައި ފޭބުމުގައްޔާއި މިފަދަ މީހުން ބޭނުންކުރާ ފުރޮޅުލީ ގޮނޑިއާއި ލަގެޖް ޓެކްސީއަށް އަރުވައި ބޭލުމުގައި އެހީތެރިވާންޖެހޭނެއެވެ. އަދި މިފަދަ މީހުން ބޭނުންކުރާ ފުރޮޅުލީ ގޮނޑި ފަދަ ތަކެއްޗަށް އިތުރު އަގެއް ނެގުމަކީ މަނާކަމެކެވެ.
މިޤަވާއިދަށް ޢަމަލުކުރަން ފަށާނީ އިއްޔެއިން ފެށިގެން ހަމަސް ދުވަސް ފަހުންނެވެ.
ދާދިފަހުން ޓްރާންސްޕޯޓް މިނިސްޓްރީން ވަނީ ރާއްޖޭގެ ބާޒާރުގައި ތެލުގެ އަގު އުފުލުމާއި ގުޅިގެން ޓެކްސީ ދަތުރުގެ އަގުތަކަށް ބަދަލު ގެނެސްފައެވެ. އެގޮތުން މާލެއާއި ހުޅުމާލެ ފުރަތަމަ އަދި ދެވަނަ ފިޔަވަހީގެ އެތެރޭގެ ދަތުރުތަކުގެ އަގު ވަނީ 30 ރުފިޔާއަށް ބޮޑުކޮށްފައެވެ. އަދި މާލެއާއި ހުޅުމާލެ ފުރަތަމަ ފިޔަވައްސާ ދެމެދު ދަތުރުގެ އަގު 85 ރުފިޔާ އަށް ބޮޑުކޮށް މާލެ އާއި ހުޅުމާލެ ދެވަނަ ފިޔަވައްސާ ދެމެދު ދަތުރުތަކުގެ އަގު 100 ރުފިޔާ އަށް ވަނީ ބޮޑުކޮށްފައެވެ.
މި ބަދަލާއެކު މާލެއިން ހުޅުލެއަށް ދަތުރަކަށް ނަގަމުން އައި އަގު ވަނީ 70 ރުފިޔާއަށް ބޮޑުކޮށްފައެވެ. އަދި ހުޅުމާލެ ފުރަތަމަ ފިޔަވައްސާއި ހުޅުލެއާ ދެމެދު ދަތުރަކަށް ނަގާ އަގު 80 ރުފިޔާއަށް ބޮޑު ކޮށްފައިވާއިރު ދެވަނަ ފިޔަވައްސާ ހުޅުލެއާ ދެމެދު ދަތުރަކަށް ނަގާ އަގު ވަނީ 85 ރުފިޔާއަށް ބޮޑުކޮށްފައެވެ. މީގެ އިތުރުން ހުޅުމާލެ ފުރަތަމަ ފިޔަވައްސާ ދެވަނަ ފިޔަވައްސާ ދެމެދު ޓެކްސީ ދަތުރުގެ އަގުގެ ގޮތުގައި ކަނޑައަޅާފައިވަނީ 40 ރުފިޔާއެެވެ.
ހަމައެއާއެކު ޓެކްސީ ހިދުމަތް ދިނުމަށް މިނިސްޓްރީން ކަނޑައަޅާފައިވާ އަގުތަކުގެ ތަފްސީލް ފަސިންޖަރުންނަށް ފެންނަ ގޮތަށް ހުންނަންވާނެ ކަމަށާއި ފަސިންޖަރުންގެ ޝަކުވާ ހުށައެޅުމަށް ޓްރާންސްޕޯޓު މިނިސްޓްރީން ގާއިމުކުރާ ހޮޓްލައިން ނަންބަރުވެސް ފަސިންޖަރުންނަށް ފެންނަ ގޮތަށް ހަރުކޮށްފައި ހުންނަންޖެހޭނެ ކަމަށް ޤަވާއިދުގައިވެއެވެ. އަދި ފަސެންޖަރުންގެ އަތުން އުފުލާ އަތްދަބަހާއި ކޮތަޅުން އިތުރުފީއެއް ނަގައިގެން ނުވާނެކަމަށްވެސް ޤަވާއިދުގައިވެއެވެ.
މީގެ އިތުރުން ޓެކްސީ ސެންޓަރެއް މެދުވެރިނުކޮށް "ޕްރައިވެޓް ހަޔަރ" ޓެކްސީގެ ހިދުމަތް ދެވޭނީ، މިނިސްޓްރީން އާންމުކުރާ މިންގަނޑުތަކަށް ފެތޭ ވެބްސައިޓެއް ނުވަތަ އެޕްލިކޭޝަނެއް މެދުވެރިކޮށް ކަމަށްވެސް ޤަވާއިދުގައިވަނީ ބުނެފައެވެ.
އޭގެ އިތުުރުން ބަލިމީހުންނާއި، ޚާއްޞަ އެހީއަށް ބޭނުންވާ މީހުންނާއި، ޖިސްމާނީ އުނިކަން އިޙުސާސް ކުރަން ޖެހިފައިވާ މީހުން ޓެކްސީއަށް އަރައި ފޭބުމުގައްޔާއި މިފަދަ މީހުން ބޭނުންކުރާ ފުރޮޅުލީ ގޮނޑިއާއި ލަގެޖް ޓެކްސީއަށް އަރުވައި ބޭލުމުގައި އެހީތެރިވާންޖެހޭނެއެވެ. އަދި މިފަދަ މީހުން ބޭނުންކުރާ ފުރޮޅުލީ ގޮނޑި ފަދަ ތަކެއްޗަށް އިތުރު އަގެއް ނެގުމަކީ މަނާކަމެކެވެ.
މިޤަވާއިދަށް ޢަމަލުކުރަން ފަށާނީ އިއްޔެއިން ފެށިގެން ހަމަސް ދުވަސް ފަހުންނެވެ.
މި ބަދަލާއެކު މާލެއިން ހުޅުލެއަށް ދަތުރަކަށް ނަގަމުން އައި އަގު ވަނީ 70 ރުފިޔާއަށް ބޮޑުކޮށްފައެވެ. އަދި ހުޅުމާލެ ފުރަތަމަ ފިޔަވައްސާއި ހުޅުލެއާ ދެމެދު ދަތުރަކަށް ނަގާ އަގު 80 ރުފިޔާއަށް ބޮޑު ކޮށްފައިވާއިރު ދެވަނަ ފިޔަވައްސާ ހުޅުލެއާ ދެމެދު ދަތުރަކަށް ނަގާ އަގު ވަނީ 85 ރުފިޔާއަށް ބޮޑުކޮށްފައެވެ. މީގެ އިތުރުން ހުޅުމާލެ ފުރަތަމަ ފިޔަވައްސާ ދެވަނަ ފިޔަވައްސާ ދެމެދު ޓެކްސީ ދަތުރުގެ އަގުގެ ގޮތުގައި ކަނޑައަޅާފައިވަނީ 40 ރުފިޔާއެެވެ.
ކިޔުންތެރިންގެ ހިޔާލު