އިސްލާމީ ޝަރީޢަތުގައި، މަގުމަތިން ޤާނޫނު ތަންފީޒުކުރުން ހުއްދަނޫން ކަމަށް ޕްރޮސިކިއުޓަރ ޖެނެރަލް އަލްއުސްތާޛު ޙުސައިން ޝަމީމް ވިދާޅުވެއްޖެއެވެ.
ޕީޖީ ޝަމީމް އޭނާގެ އަމިއްލަ ބްލޮގްގައި ލިޔުއްވާފައިވަނީ އިންޞާފު ޤާއިމުކުރުމުގެ ޒިންމާއަކީ، ދައުލަތުން، ޤާނޫނު ތަންފީޒުކުރާ މީހުންނާ މަތިކޮށްފައިވާ ޒިންމާއެއް ކަމަށެވެ. އެހެންކަމުން އެމީހަކަށް އިންޞާފުކަމަށް ޤަބޫލުކުރެވޭ ކަމެއް، އަމިއްލަ އަތުން ތަންފީޒުކުރުމަކީ ނުރައްކާތެރި، ޤާނޫނީ ގޮތުންނާއި ދީނީ ގޮތުން ބޮޑުވެގެންވާ މަނާކަމެއް ކަމަށް ޝަމީމް ވިދާޅުވިއެވެ.
ޝަމީމް ވިދާޅުވީ ދިވެހިރާއްޖޭގެ ޤާނޫނީ ނިޒާމު ބިނާވެފައި އޮތީ، އިސްލާމީ އުޞޫލުތަކާ އެއްގޮތަށް ކަމަށެވެ. ޤާނޫނުއަސާސީގެ 10 ވަނަ މާއްދާގައި، ދިވެހި ދައުލަތުގެ ދީނަކީ އިސްލާމްދީންކަމަށާއި، ދިވެހިރާއްޖޭގެ ޤާނޫނުގެ މައިގަނޑު މަޞްދަރަކީ އިސްލާމްދީންކަމަށް ލިޔެފައިވާކަމަށް ޝަމީމް ވިދާޅުވިއެވެ. އަދި ދިވެހިރާއްޖޭގައި އިސްލާމްދީނުގެ އަޞްލަކާ ޚިލާފު އެއްވެސް ޤާނޫނެއް ނެހެދޭނެކަމަށްވެސް އޭނާ ވިދާޅުވިއެވެ.
"ޤާނޫނުއަސާސީގެ 70 ވަނަ މާއްދާގައި، ދިވެހިރާއްޖޭގައި ޤާނޫނު ހެދުމުގެ އެންމެހައި ބާރުތައް ލިބިގެންވަނީ ރައްޔިތުންގެ މަޖިލީހަށް ކަމަށް އޮވެއެވެ. ރައްޔިތުންގެ މަޖިލީހުން ފާސްކުރި ޤާނޫނަކީ އިސްލާމްދީނާ ޚިލާފު ޤާނޫނެއްނަމަ، އެޤާނޫނު ބާޠިލުކުރާން ހިނގާންޖެހޭ މަގުވެސް ޤާނޫނުގައި އެބައޮތެވެ. އެމަގުން ގޮސް، އެޤާނޫނަކީ އިސްލާމްދީނާ ޚިލާފު ޤާނޫނެއްކަމަށް ކޯޓަކުން ކަނޑަނާޅާހާ ހިނދަކު، ރައްޔިތުންނަށް އޮތީ ޤާނޫނުގައިވާ ގޮތުގެ މަތިން އުޅުމެވެ." ޝަމީމް ލިޔުއްވާފައިވެއެވެ.
ދުނިޔަވީ އެކި ކަންކަމަށް ޤާނޫނު ހެދުމަކީ، އިސްލާމްދީން ހުއްދަކުރާ ކަމެއް ކަމަށާއި، މަޞާލިޙު މުރްސަލާ (ޢާންމު މަޞްލަޙަތު ރައްކާތެރިކުރުމުގެ) ބާބުގެ ދަށުން، ތަފާތު އެކި ކަންކަމަށް ޤާނޫނު ހަދައި، ތަންފީޒުކުރުމަކީ ކުރެވިދާނެ ކަމެއްކަމަށް އަލް އިމާމް ޝާފިޢީގެ ރައުޔުގައި އޮންނަކަމަށް ޝަމީމް ވިދާޅުވިއެވެ. އަދި ރައްޔިތުންގެ މަޖިލީހުން ފާސްކޮށްފައިވާ ޤާނޫނު ރަނގަޅު ނޫންނަމަ، ކޯޓުން އެކަމަށް ގޮތެއް ނިންމާނެކަމަށް ޝަމީމް ވިދާޅުވިއެވެ.
" އިސްލާމްދީނުގެ ހަމައަކީ ހަމައެކަނި ނަތީޖާއެއް ޙާޞިލުކުރުމެއް ނޫނެވެ. ނަތީޖާއަށް ވާޞިލުވި ގޮތަކީވެސް މުހިންމު ކަމެކެވެ. ޢުމަރުގެފާނުގެ ޚިލާފަތުގައި، ގެއެއްގައި ބަޔަކު ފާޙިޝް ޢަމަލެއް ހިންގާކަމުގެ ޚަބަރު އެކަލޭގެފާނަށް ލިބިވަޑައިގެން، އެގޭ ވެރިފަރާތުގެ ހުއްދަ ނެތި، އެގެއަށް ވެންނެވިކަމަށް ވެއެވެ. އެވަގުތު، ކުށްކުރާން ތިބި މީހުން، ކުށްކުރުން މަތީގައި ތިއްބާ ފެނިވަޑައިގަތެވެ. އެވަގުތު، ތުހުމަތު ކުރެވުނު މީހާ، ޢުމަރުގެފާނާ މުޚާޠަބުކޮށް، ކަލޭގެފާނު މިގެއަށް ތިޔަ ވެންނެވީ، މިގޭ ވެރިފަރާތުގެ ހުއްދަ ނެތިނޫންތޯ އެއްސެވިއެވެ. ހަމައެއާއެކު، ޢުމަރުގެފާނު އެގެއިން ނުކުމެގެން ވަޑައިގެންނެވީއެވެ. ކުށްކުރާ މަންޒަރު ފެނިވަޑައިގެންފައިވެސް، އަދަބެއް ދެވެން ނެތީ، ޢުމަރުގެފާނަށް އިޖުރާއަތު ފުރިހަމަ ކުރެވިފައި ނެތުމުންނެވެ." ޝަމީމް ލިޔުއްވާފައިވެއެވެ.
ޕީޖީ ޝަމީމްގެ ލިޔުއްވުމުގައި ވަނީ ކީރިތި ޤުރުއާނާއި އިސްލާމީ ތާރީޚުން ޙުއްޖަތް ދައްކަވައި އިސްލާމްދީނުގައި ޢަދުލް އިންޞާފު ޤާއިމުކުރުމަށް އޮންނަ ހަމަތައް ބަޔާންކޮށްދެއްވާފައެވެ. އެގޮތުން މީހަކުދެކެ ތިމާ އަންނަ ރުޅިއަކީ، ޤާނޫނުތަކުގައި ކަނޑައަޅާފައިވާ ހަމަތަކުން ބޭރުން މީހުންނާމެދު ޢަމަލުކުރުން ދީނީ ގޮތުންވެސް، ޤާނޫނީ ގޮތުންވެސް ހުއްދަކުރާ ކަމެއް ނޫންކަމަށް ޝަމީމް ވިދާޅުވިއެވެ.
"މިނިޒާމު ރަނގަޅު ނޫންނަމަ، ރައްޔިތުންގެ މަޖިލީހުން ޤާނޫނަށް ބަދަލު ގެންނަންވީއެވެ. މަގުމަތިން، މިމައްސަލަ ޙައްލުކުރުމަކީ ހުއްދަކުރެވިގެންވާނެ ކަމެއް ނޫނެވެ. އެއީ، އެކަމުގެ ނުރައްކާތެރިކަން ބޮޑުކަމުންނެވެ." ޝަމީމް ވިދާޅުވިއެވެ.
ވަކިކަމެއް ހިނގީ ވަކި ގޮތަކަށްކަން އެނގުނަސްވެސް، އެކަމަކަށް އަދަބެއް ދެވޭނީ، ޤާނޫނީ ނިޒާމުގެ ތެރެއިން ބަލަންޖެހޭ ކަންކަން ބެލިގެންކަމަށާއި ޤާނޫނުގައި އޮތް ގޮތަށް ހެކި ނުލިބިއްޖެނަމަ، މީހަކު އަދި ކުށެއް ކުރިއަސްވެސް، ނިޒާމުގެ ތެރެއިން ފިޔަވަޅެއް ނޭޅޭނެ ކަމަށް ޝަމީމް ލިޔުއްވާފައިވެއެވެ.
ޝަމީމް ވިދާޅުވީ ދިވެހިރާއްޖޭގެ ޤާނޫނީ ނިޒާމު ބިނާވެފައި އޮތީ، އިސްލާމީ އުޞޫލުތަކާ އެއްގޮތަށް ކަމަށެވެ. ޤާނޫނުއަސާސީގެ 10 ވަނަ މާއްދާގައި، ދިވެހި ދައުލަތުގެ ދީނަކީ އިސްލާމްދީންކަމަށާއި، ދިވެހިރާއްޖޭގެ ޤާނޫނުގެ މައިގަނޑު މަޞްދަރަކީ އިސްލާމްދީންކަމަށް ލިޔެފައިވާކަމަށް ޝަމީމް ވިދާޅުވިއެވެ. އަދި ދިވެހިރާއްޖޭގައި އިސްލާމްދީނުގެ އަޞްލަކާ ޚިލާފު އެއްވެސް ޤާނޫނެއް ނެހެދޭނެކަމަށްވެސް އޭނާ ވިދާޅުވިއެވެ.
"ޤާނޫނުއަސާސީގެ 70 ވަނަ މާއްދާގައި، ދިވެހިރާއްޖޭގައި ޤާނޫނު ހެދުމުގެ އެންމެހައި ބާރުތައް ލިބިގެންވަނީ ރައްޔިތުންގެ މަޖިލީހަށް ކަމަށް އޮވެއެވެ. ރައްޔިތުންގެ މަޖިލީހުން ފާސްކުރި ޤާނޫނަކީ އިސްލާމްދީނާ ޚިލާފު ޤާނޫނެއްނަމަ، އެޤާނޫނު ބާޠިލުކުރާން ހިނގާންޖެހޭ މަގުވެސް ޤާނޫނުގައި އެބައޮތެވެ. އެމަގުން ގޮސް، އެޤާނޫނަކީ އިސްލާމްދީނާ ޚިލާފު ޤާނޫނެއްކަމަށް ކޯޓަކުން ކަނޑަނާޅާހާ ހިނދަކު، ރައްޔިތުންނަށް އޮތީ ޤާނޫނުގައިވާ ގޮތުގެ މަތިން އުޅުމެވެ." ޝަމީމް ލިޔުއްވާފައިވެއެވެ.
ދުނިޔަވީ އެކި ކަންކަމަށް ޤާނޫނު ހެދުމަކީ، އިސްލާމްދީން ހުއްދަކުރާ ކަމެއް ކަމަށާއި، މަޞާލިޙު މުރްސަލާ (ޢާންމު މަޞްލަޙަތު ރައްކާތެރިކުރުމުގެ) ބާބުގެ ދަށުން، ތަފާތު އެކި ކަންކަމަށް ޤާނޫނު ހަދައި، ތަންފީޒުކުރުމަކީ ކުރެވިދާނެ ކަމެއްކަމަށް އަލް އިމާމް ޝާފިޢީގެ ރައުޔުގައި އޮންނަކަމަށް ޝަމީމް ވިދާޅުވިއެވެ. އަދި ރައްޔިތުންގެ މަޖިލީހުން ފާސްކޮށްފައިވާ ޤާނޫނު ރަނގަޅު ނޫންނަމަ، ކޯޓުން އެކަމަށް ގޮތެއް ނިންމާނެކަމަށް ޝަމީމް ވިދާޅުވިއެވެ.
" އިސްލާމްދީނުގެ ހަމައަކީ ހަމައެކަނި ނަތީޖާއެއް ޙާޞިލުކުރުމެއް ނޫނެވެ. ނަތީޖާއަށް ވާޞިލުވި ގޮތަކީވެސް މުހިންމު ކަމެކެވެ. ޢުމަރުގެފާނުގެ ޚިލާފަތުގައި، ގެއެއްގައި ބަޔަކު ފާޙިޝް ޢަމަލެއް ހިންގާކަމުގެ ޚަބަރު އެކަލޭގެފާނަށް ލިބިވަޑައިގެން، އެގޭ ވެރިފަރާތުގެ ހުއްދަ ނެތި، އެގެއަށް ވެންނެވިކަމަށް ވެއެވެ. އެވަގުތު، ކުށްކުރާން ތިބި މީހުން، ކުށްކުރުން މަތީގައި ތިއްބާ ފެނިވަޑައިގަތެވެ. އެވަގުތު، ތުހުމަތު ކުރެވުނު މީހާ، ޢުމަރުގެފާނާ މުޚާޠަބުކޮށް، ކަލޭގެފާނު މިގެއަށް ތިޔަ ވެންނެވީ، މިގޭ ވެރިފަރާތުގެ ހުއްދަ ނެތިނޫންތޯ އެއްސެވިއެވެ. ހަމައެއާއެކު، ޢުމަރުގެފާނު އެގެއިން ނުކުމެގެން ވަޑައިގެންނެވީއެވެ. ކުށްކުރާ މަންޒަރު ފެނިވަޑައިގެންފައިވެސް، އަދަބެއް ދެވެން ނެތީ، ޢުމަރުގެފާނަށް އިޖުރާއަތު ފުރިހަމަ ކުރެވިފައި ނެތުމުންނެވެ." ޝަމީމް ލިޔުއްވާފައިވެއެވެ.
ޕީޖީ ޝަމީމްގެ ލިޔުއްވުމުގައި ވަނީ ކީރިތި ޤުރުއާނާއި އިސްލާމީ ތާރީޚުން ޙުއްޖަތް ދައްކަވައި އިސްލާމްދީނުގައި ޢަދުލް އިންޞާފު ޤާއިމުކުރުމަށް އޮންނަ ހަމަތައް ބަޔާންކޮށްދެއްވާފައެވެ. އެގޮތުން މީހަކުދެކެ ތިމާ އަންނަ ރުޅިއަކީ، ޤާނޫނުތަކުގައި ކަނޑައަޅާފައިވާ ހަމަތަކުން ބޭރުން މީހުންނާމެދު ޢަމަލުކުރުން ދީނީ ގޮތުންވެސް، ޤާނޫނީ ގޮތުންވެސް ހުއްދަކުރާ ކަމެއް ނޫންކަމަށް ޝަމީމް ވިދާޅުވިއެވެ.
ވަކިކަމެއް ހިނގީ ވަކި ގޮތަކަށްކަން އެނގުނަސްވެސް، އެކަމަކަށް އަދަބެއް ދެވޭނީ، ޤާނޫނީ ނިޒާމުގެ ތެރެއިން ބަލަންޖެހޭ ކަންކަން ބެލިގެންކަމަށާއި ޤާނޫނުގައި އޮތް ގޮތަށް ހެކި ނުލިބިއްޖެނަމަ، މީހަކު އަދި ކުށެއް ކުރިއަސްވެސް، ނިޒާމުގެ ތެރެއިން ފިޔަވަޅެއް ނޭޅޭނެ ކަމަށް ޝަމީމް ލިޔުއްވާފައިވެއެވެ.
ކިޔުންތެރިންގެ ހިޔާލު