ބަޑިއެއް އޮވެދާނެކަމަށް ބުނުމުން ހަނިމާދޫ އެއާޕޯޓުން ހައްޔަރުކުރި މީހާ ދޫކޮށްލައިފިއެވެ.
ހދ. ހަނިމާދޫ އިންޓަނޭޝަނަލް އެއާޕޯޓުން އިއްޔެ މީހަކު ހައްޔަރުކޮށްފައިވަނީ ބަޑިއެއް އޮވެދާނެތީ ރަނގަޅަށް ލަގެޖު ފާސްކުރަން އެދުމުންނެވެ. މަޢުލޫމާތު ލިބިފައިވާ ގޮތުގައި ހައްޔަރުކުރީ އެތަނުގެ މުވައްޒަފެކެވެ.
ފުލުހުންބުނީ، އެއާޕޯޓުގެ ރައްކާތެރިކަން ކުޑަވާ ގޮތަށް ބަސްމަގު ގެންގުޅުނު އުމުރުން 37 އަހަރުގެ ދިވެހި ފިރިހެނަކު ފުލުހުންގެ ބެލުމުގެ ދަށަށް އިއްޔެ ގެންދިޔަ ކަމަށެވެ. އެހެންނަމަވެސް އެ މައްސަލައިގައި ސުވާލުކުރުމަށް ފަހު އެމީހާ ދޫކޮށްލާފައިވާ ކަމަށް ފުލުހުން ވަނީ ބުނެފައެވެ.
ވައިގެ ދަތުރުފަތުރާބެހޭ ބައިނަލްއަޤުވާމީ އުސޫލުތަކުގައި ބުނެފައިވަނީ ދަތުރުކުރާ ފަރާތްތަކުގެ ސަލާމަތާއި ރައްކާތެރިކަމަށް އަސަރުކުރާފަދަ ވާހަކަތައް ދެއްކުމަކީ ކުށެއް ކަމަށެވެ.
ވައިގެ ދަތުރުފަތުރާބެހޭ ބައިނަލްއަޤުވާމީ އުސޫލުތަކުގައި ބުނެފައިވަނީ ދަތުރުކުރާ ފަރާތްތަކުގެ ސަލާމަތާއި ރައްކާތެރިކަމަށް އަސަރުކުރާފަދަ ވާހަކަތައް ދެއްކުމަކީ ކުށެއް ކަމަށެވެ.
ކިޔުންތެރިންގެ ހިޔާލު