އެންޓިކޮރަޕްޝަން ކޮމިޝަނާއި އިލެކްޝަންސް ކޮމިޝަނުގެ ރައީސުންނާއި ނާއިބު ރައީސުން އައްޔަނު ކުރުމުގެ ބާރު ރައީސުލްޖުމްހޫރިއްޔާއަށް ދިނުމުގެ އެއް ބޭނުމަކީ އެ ކޮމިޝަންތަކުގެ ރައީސުންނަށް އެ ބޭފުޅުންގެ މަގާމުގެ ޒިންމާ އަދާކުރުމުގެ ފުރުސަތު އިތުރަށް ފަހިކޮށްދިނުންކަމަށް ބަންޑާރަ ނާއިބު އަޙްމަދު އުޝާމް ވިދާޅުވެއްޖެއެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ނޫސްވެރިއަކު ވަނީ ސަރުކާރުން ގާނޫނަށް ގެންނަން އުޅޭ އެ އިސްލާހަކީ މިނިވަން މުއައްސަސާތަކަށް ނުފޫޒު ފޯރުވުމަށް ގެންނަ އިސްލާހެއްތޯ ސުވާލު ކޮށްފައެވެ.
އެ ސުވާލުގެ ޖަވާބުގައި އުޝާމް ވިދާޅުވީ، އެ އިސްލާހު ގެންނަން ނިންމި މައިގަނޑު ދެ ސަބަބެއް އެބަ އޮތްކަމަށެވެ. އެގޮތުން އެއް ސަބަބަކީ، މިހާރު ގާނޫނުގައި އޮންނަ ގޮތަށް ކޮމިޝަންގެ މެންބަރުންގެ މެދުގައި ނެގޭ ވޯޓަކުން ރައީސަކާއި ނައިބު ރައީސެއް އައްޔަނު ކުރުމުން ގާނޫނުގައި އެ ރައީސުންނާއި ނައިބު ރައީސުންނަށް ކަނޑައަޅާފައި އޮންނަ މަސްއޫލިއްޔަތު އަދާކުރަން ބައެއް ފަހަރު ގޮންޖެހުންތަކާއި ކުރިމަތިވުން ކަމަށް އޭނާ ވިދާޅުވިއެވެ. ޚާއްޞަ ގޮތެއްގައި އެފަދަ ޝަކުވާތައް ވެސް މީގެ ކުރިން ލިބިފައިވާ ކަމަށް އޭނާ ވިދާޅުވިއެވެ.
އޭނާ ވިދާޅުވީ، ފަސް މެންބަރުން ތިބޭ ކޮމިޝަނެއްގައި ތިން މެންބަރުން އެއްކޮޅައަށް އަރައިގެން ކޮމިޝަންގެ ރައީސާއި އިދިކޮޅަށް މަސައްކަތްކޮށްފި ނަމަ ކޮމިޝަން ފަންކްޝަން ނުކުރާ ހާލަތްތައް އައިސްފައި އެބަހުރި ކަމަށެވެ. މިސާލެއްގެގޮތުން ޑިމޮކްރެޓްސް ރަޖިސްޓްރީ ކުރަން އުޅުނުއިރު ކޮމިޝަންތެރޭ ޖެހުނު މައްސަލަތައް އުޝާމް ފާހަގަ ކުރެއްވިއެވެ.
އުޝާމް ވިދާޅުވީ އެ މައްސަލަ އޭސީސީއަށް ވެސް ކުރިމަތިވެފައި އެބަހުރި ކަމަށެވެ. އެހެންކަމުން ގާނޫނީ ގޮތުން ދިމާވެފައިވާ މައްސަލައަކަށްވާތީ އެ މައްސަލައަށް ހައްލުއޮތް ހަމައެކަނި ގޮތަކީ ރައްޔިތުންގެ މަޖިލީހުގެ ދައުރެއް އޮވެގެން މިކަމަށް ގޮތެއް ނިންމުން ކަމަށް އުޝާމް ވިދާޅުވިއެވެ.
އޭރުން ކޮމިޝަންގެ ރައީސަށް މެންބަރުން ޖަވާބުދާރީ ވެސް ކުރެވޭނެ ކަމަށް އުޝާމް ވިދާޅުވިއެވެ.
އޭގެ އިތުރުން، އިސްލާހު ގެންނަ އަނެއް ސަބަބަކީ، މުއައްސަސާތަކަށް އެއް ގޮތަކަށް ރައީސުންނާއި ނައިބު ރައީސުން އައްޔަން ކުރުމަކީ އެންމެ ރަނގަޅު ގޮތް ކަމަށް ގަބޫލުކުރެވާތީ ކަމަށާއި އެގޮތުން 2021 ވަނަ އަހަރު ސިވިލް ސާވިސް ކޮމިޝަންގެ ރައީސާއި ނައިބު ރައީސް، ރައީސުލްޖުމްހޫރިއްޔާ އައްޔަން ކުރާ ގޮތަށް ބަދަލު ގެނެސްފައިވާކަން އުޝާމް ފާހަގަ ކުރެއްވިއެވެ.
ސަރުކާރުން ގާނޫނަށް ހުށަހަޅާފައިވާ އިސްލާހުގައި ވާގޮތުން، ކޮމިޝަންތަކުގެ ރައީސާއި ނައިބު ރައީސަށް، ރައީސުލްޖުމްހޫރިއްޔާ އައްޔަންކުރައްވާ ފަރާތްތަކުގެ ނަންތައް މަޖިލީހަށް ހުށަހަޅައި މަޖިލީހުން ފާސްކުރަން ޖެހޭނެއެވެ. އަދި އޭސީސީގެ ރައީސް ނުވަތަ ނައިބު ރައީސް މަގާމުގެ މަސްއޫލިއްޔަތު އަދާނުކުރާ ކަމަށް ކޮމިޝަނުގެ މެންބަރުންގެ އަގުލަބިއްޔަތުން ފާސްކޮށްފި ނަމަ، މަގާމުން އިސްތިއުފާ ދޭން ޖެހޭނެ ކަމަށް ބުނާ މާއްދާ އުނިކުރަން ވެސް ވަނީ އިސްލާހު ހުށަހަޅާފައެވެ.
އެ ސުވާލުގެ ޖަވާބުގައި އުޝާމް ވިދާޅުވީ، އެ އިސްލާހު ގެންނަން ނިންމި މައިގަނޑު ދެ ސަބަބެއް އެބަ އޮތްކަމަށެވެ. އެގޮތުން އެއް ސަބަބަކީ، މިހާރު ގާނޫނުގައި އޮންނަ ގޮތަށް ކޮމިޝަންގެ މެންބަރުންގެ މެދުގައި ނެގޭ ވޯޓަކުން ރައީސަކާއި ނައިބު ރައީސެއް އައްޔަނު ކުރުމުން ގާނޫނުގައި އެ ރައީސުންނާއި ނައިބު ރައީސުންނަށް ކަނޑައަޅާފައި އޮންނަ މަސްއޫލިއްޔަތު އަދާކުރަން ބައެއް ފަހަރު ގޮންޖެހުންތަކާއި ކުރިމަތިވުން ކަމަށް އޭނާ ވިދާޅުވިއެވެ. ޚާއްޞަ ގޮތެއްގައި އެފަދަ ޝަކުވާތައް ވެސް މީގެ ކުރިން ލިބިފައިވާ ކަމަށް އޭނާ ވިދާޅުވިއެވެ.
އޭނާ ވިދާޅުވީ، ފަސް މެންބަރުން ތިބޭ ކޮމިޝަނެއްގައި ތިން މެންބަރުން އެއްކޮޅައަށް އަރައިގެން ކޮމިޝަންގެ ރައީސާއި އިދިކޮޅަށް މަސައްކަތްކޮށްފި ނަމަ ކޮމިޝަން ފަންކްޝަން ނުކުރާ ހާލަތްތައް އައިސްފައި އެބަހުރި ކަމަށެވެ. މިސާލެއްގެގޮތުން ޑިމޮކްރެޓްސް ރަޖިސްޓްރީ ކުރަން އުޅުނުއިރު ކޮމިޝަންތެރޭ ޖެހުނު މައްސަލަތައް އުޝާމް ފާހަގަ ކުރެއްވިއެވެ.
އޭރުން ކޮމިޝަންގެ ރައީސަށް މެންބަރުން ޖަވާބުދާރީ ވެސް ކުރެވޭނެ ކަމަށް އުޝާމް ވިދާޅުވިއެވެ.
އޭގެ އިތުރުން، އިސްލާހު ގެންނަ އަނެއް ސަބަބަކީ، މުއައްސަސާތަކަށް އެއް ގޮތަކަށް ރައީސުންނާއި ނައިބު ރައީސުން އައްޔަން ކުރުމަކީ އެންމެ ރަނގަޅު ގޮތް ކަމަށް ގަބޫލުކުރެވާތީ ކަމަށާއި އެގޮތުން 2021 ވަނަ އަހަރު ސިވިލް ސާވިސް ކޮމިޝަންގެ ރައީސާއި ނައިބު ރައީސް، ރައީސުލްޖުމްހޫރިއްޔާ އައްޔަން ކުރާ ގޮތަށް ބަދަލު ގެނެސްފައިވާކަން އުޝާމް ފާހަގަ ކުރެއްވިއެވެ.
ސަރުކާރުން ގާނޫނަށް ހުށަހަޅާފައިވާ އިސްލާހުގައި ވާގޮތުން، ކޮމިޝަންތަކުގެ ރައީސާއި ނައިބު ރައީސަށް، ރައީސުލްޖުމްހޫރިއްޔާ އައްޔަންކުރައްވާ ފަރާތްތަކުގެ ނަންތައް މަޖިލީހަށް ހުށަހަޅައި މަޖިލީހުން ފާސްކުރަން ޖެހޭނެއެވެ. އަދި އޭސީސީގެ ރައީސް ނުވަތަ ނައިބު ރައީސް މަގާމުގެ މަސްއޫލިއްޔަތު އަދާނުކުރާ ކަމަށް ކޮމިޝަނުގެ މެންބަރުންގެ އަގުލަބިއްޔަތުން ފާސްކޮށްފި ނަމަ، މަގާމުން އިސްތިއުފާ ދޭން ޖެހޭނެ ކަމަށް ބުނާ މާއްދާ އުނިކުރަން ވެސް ވަނީ އިސްލާހު ހުށަހަޅާފައެވެ.
ކިޔުންތެރިންގެ ހިޔާލު