ލުބުނާނުގެ ވެރިރަށް ބެއިރޫތުގެ މެދުތެރޭ ހިސާބަކަށް ނިރުބަވެރި އިސްރާއީލުން ދިން ހަމަލާއެއްގައި 20 މީހުން މަރުވެއްޖެއެވެ.

ލުބުނާނުގެ ދިފާއުގައި ހަރަކާތްތެރިވަމުންދާ ހިޒްބުالله ޖަމާއަތާ ދެކޮޅަށް އިސްރާއީލުން ކުރަމުންދާ ހަނގުރާމައިގައި ދޭ ގިނަ ހަމަލާތައް އަމާޒުވަމުންދަނީ އާންމުންނަށެވެ. އެގޮތުން މިފަހަރުވެސް އިސްރާއިލުން ލުބުނާނުގެ އިރުމަތީ ބައިރޫތުގައި ދިން ހަމަލާތަކުގައި އާންމުންގެ 20 މީހުން މަރުވެ، 60 މީހަކު ޒަހަމްވެފައިވާ ކަމަށް އެގައުމުގެ ޕަބްލިކް ހެލްތު މިނިސްޓްރީން ވަނީ ބުނެފަ އެވެ.

އޮފިޝަލުންނާ ހަވާލަދީ ލުބުނާނުގެ ދައުލަތުގެ މީޑިއާތަކުން ބުނާގޮތުގައި މިފަހަރު އިސްރާއީލުން ދިން ހަމަލާ އަމާޒުވީ ގިނައަދަދަކަށް އާންމުން ދިރިއުޅެމުންދާ އިމާރާތަކަށެވެ.

މި ހަމަލާގައި އިމާރާތް އެއްކޮށް ބިމާ ހަމަވެފައިވާއިރު މީހުން ސަލާމަތް ކުރުމުގައި ހަރަކާތްތެރިވާ ފަރާތްތަކުން ދަނީ ހުއްޓުމެއްނެތި އިމާރާތުގައި ދަށުވެފައި ތިބި މީހުން ހޯދުމުގެ މަސައްކަތް ކުރަމުންނެވެ. އަދި މި ހަމަލާގައި މަރުވި މީހުންގެ އިތުރުވެދާނެ ކަމަށް ބައެއް ފަރާތްތަކުން ދަނީ ބުނަމުންނެވެ.

ނިރުބަވެރި އިސްރާއީލުން ލުބުނާނަށް ހަމަލާތައް ދޭން ފެށިފަހުން 3،670 މީހުން މަރުވެ 15،413 މީހުން ޒަޚަމްވެފައިވެއެވެ.