ރާއްޖޭގެ މެޑިކަލް ސްކޫލުގައި ކިޔަަވުމަށް އެތައް ސަތޭކަ ބޭރު ދަރިވަރުން ޝައުގުވެރިކަން ފާާޅުކޮށްފި އެވެ.

ރޭ ޕީއެސްއެމުން ގެނެސްދިން ޕްރޮގްރާމެއްގައި ހަޔާ އެޑިއުކޭޝަންގެ ސްޓޭޓް މިނިސްޓަރު ޑރ. އަބްދުﷲ ނަޒީރު ވިދާޅުވީ މެޑިކަލް ސްކޫލަށް ދިވެހި ދަރިވަރުންގެ ޑިމާންޑްވެސް އެބައޮތް ކަމަށެވެ. އޭގެ އިތުރުން އެ ސްކޫލުގައި ކިޔަވަން ބޭރުގެ ދަރިވަރުން ވެސް ޝައުގުވެރިކަން ފާޅުކޮށްފައިވާކަން ވެސް ނަޒީރު ފާހަގަކުރެއްވި އެވެ.

އެހެން ނަމަވެސް ޖާގައިގެ ދަތިކަމުން އެ ފުރުސަތު އަދި ނުދެވޭ ކަމަށް މިނިސްޓަރު ވިދާޅުވި އެވެ.

މިނިސްޓަރު ވިދާޅުވީ އަންނަ ޖެނުއަރީ އިންޓޭކަށް ވެސް މެޑިކަލް ސްކޫލުގައި ކިޔަވަން ފަށަން އެއް ގައުމުން 500އަަށް ވުރެ ގިނަ ދަރިވަރުން ޝައުގުވެރިކަން ފާާޅުކޮށްފައިވާ ކަމަށެވެ.

އެހެން ނަމަވެސް އެއީ ކޮން ގައުމެއް ކަމެއް ނަޒީރު ވިދާޅެއް ނުވެއެވެ.

އެހެންވެ އަމާޒުހުރީ ޖާގަ ތަނަވަސް މެޑިކަލް ސުކޫލެއް ހުޅުމާލޭގައި ގާއިމުކުރުމަށް ކަމަށް މިނިސްޓަރު ވިދާޅުވި އެވެ.

"އެކަމަށް އަމާޒުކޮށްގެން އިންޓަރނޭޝަނަލް ވިސާ ފަސޭހަކަމާއެކު ލިބޭނެ ގޮތް ފަހިކުރުމާއި، ހެސެޓޯރަލް ޤާނޫނެއް ވުޖޫދު ކުރުމާއި، ފަސޭހަކަމާއެކު އެކޮމޮޑޭޝަން ލިބޭނެގޮތް ފަހިކޮށް ހަމަޖެއްސުމަށްޓަކައި ހުޅުމާލޭގައި ދާނާލެއް އެޅުމާއި، މާލޭގައި 1 ދަނާލު، އަތޮޅުތެރޭގައި 5 ދަނާލު، މީގެ ތެރެއިން 3 ރަށެއްގެ މަސައްކަތް ފަށާނެ ބަޖެޓް ކުރެވިފައި ވަނީ." ނަޒީރު ވިދާޅުވި އެވެ.