އެމެރިކާގެ އެހީއާއެކު އިސްރާއީލުން ލުބުނާނުގައި ކުރަމުން އައި ހަނގުރާމަ ހުއްޓާލައިފިއެވެ. އިސްރާއީލުން ބުނާ ގޮތުގައި ލުބުނާނަށް އަރައި ހަރަކާތްތެރިވަމުން އައީ ހިޒްބުﷲ ޖަމާއަތް ނައްތާލުމަށެވެ.

ލުބުނާނަށް ދެމުން ދިޔަ ހަމަލާތައް ހުއްޓާލިކަން އިސްރާއީލުން އިއުލާނުކުރި އިރު ލުބުނާނު މިހާރު އޮތީ ބިމާ ހަމަވެފައެވެ. އަދި އެމީހުން ލުބުނާނަށް އެރި ބޭނުންވެސް ނާކާމިޔާބު ވި އިރު ހިޒްބުالله ޖަމާއަތް އަދިވެސް ވަރުގަދަކޮށް އޮތްކަމަށް ރިޕޯޓުތައް ބުނެއެވެ.

އެއްގަމު މަގުންނާއި ވައިގެ މަގުން ލުބުނާނަށް މި ހަމަލާތައް ދޭން ފަށާފައިވަނީ މިދިޔަ އަހަރުގެ އޮކްޓޯބަރު މަހުގެ އަށް ވަނަ ދުވަހުއެވެ. މި ހަމަލާތައް ދެމުން އިސްރާއީލުން ދިޔައީ ލުބުނާނުގެ އެކި ސަރަހައްދުތައް ހުސްކުރުމަށް އަމުރު ކުރަމުންނެވެ.

ރޭ މި ހަމަލާތައް ހުއްޓާލިކަން އިއުލާނު ކޮށްފައިވާއިރު، ރިޕޯޓްތަކުން ބުނާ ގޮތުގައި މި ހަމަލާތައް ހުއްޓާލާފައިވަނީ 60 ދުވަހަށެވެ.

މިދިޔަ އަހަރުގެ އޮކްޓޯބަރު މަހުގެ އަށް ވަނަ ދުވަހުން ފެށިގެން އިއްޔެއާ.ހަމައަށް ނިރުބަވެރި އިސްރާއީލުން ލުބުނާނުގައި ދެމުން އަންނަ ހަމަލާތަކުގައި އެގައުމުގެ 240 ކުޑަކުދިން ހިމެނޭހެން ގާތްގަނޑަކަށް 3،768 މީހުން ވަނީ މަރާލާފައެވެ. އަދި މިހަމަލާތަކުގައި 15،699 މީހުން ވަނީ ޒަހަމްވެފައެވެ.