އެއްގަމާއި ކަނޑު އުޅަނދުފަހަރުގެ ޖޫރިމަނާ ބަހައިލައިގެން ދެއްކޭ ގޮތަށް އާ ގަވައިދެއް އެކުލަވާލައިފި އެވެ.
"އެއްގަމު އުޅަނދާއި ކަނޑު އުޅަނދުފަހަރާ ގުޅޭގޮތުން ދައްކަންޖެހޭ އަހަރީފީއާއި ޖޫރިމަނާގެ ފައިސާ ބަހައިލައިގެން ދެއްކުމުގެ ގަވާއިދު"ގެ ނަމުގައި ޓްރާންސްޕޯޓް މިނިސްޓްރީން ހެދި މި ގަވައިދު ސަރުކާރުގެ ގެޒެޓުގައި ޝާއިއުކޮށް މިއަދުން ފެށިގެން ވަނީ އަމަލުކުރަން ފަށައިފަ އެވެ.
މިއީ ދައުލަތަށް ދައްކަން ޖެހި ނުދެއްކި ހުރި ފައިސާ އެކީ އެއްފަހަރާ ދައްކަން ދަތިވާ ފަރާތްތަކަށް ލުއިފަސޭހަ ގޮތެއްގައި އެ ފައިސާ ދައުލަތަށް ދެއްކޭނެ މަގު ފަހިކޮށްދިނުމުގެ ގޮތުން އެކުލަވާލި ގަވާއިދެއް ކަމަށް މިނިސްޓްރީން ބުނެފައި ވެއެވެ.
ނަމަވެސް އެ ގަވާއިދުގެ ދަށުން ބަހާލައިގެން ފައިސާ ދެއްކޭނީ ވަކި ޝަރުތުތަކެއް ހަމަވާނަމަ ކަމަށް ގަވައިދުގައި ބުނެފައި ވެއެވެ.
އެ ޝަރުތުތަކުގެ ތެރޭގައި ދައްކަންޖެހި ނުދައްކާހުރި ފައިސާގެ އަދަދު 10،000 ރުފިޔާއަށް ވުރެ މަތިވުމާއި މީގެ ކުރިން ބަހައިލައިގެން ފައިސާ ދެއްކުމުގެ ފުރުޞަތު ލިބި ފައިސާ ދައްކާފައިވާ ފަރާތަކަށްވުން ހިމެނެ އެވެ.
ގަވައިދުގައި އިތުރަށް ބުނެފައިވާ ގޮތުން ބަހައިލައިގެން އިންސްޓޯލްމަންޓަށް ފައިސާ ދެއްކުމުގެ ފުރުސަތު ދޭނީ ކޮމިޓްމަންޓް ފީއެއް ދައްކައިގެން ނެވެ. އަދި 14 ދުވަސް ތެރޭ އެ ފީ ނުދައްކައިފިނަމަ އެކަމަށް އެދޭ ފާރާތުގެ ފޯމު ބާތިލުވާނެ ކަމަށް ވެސް ގަވައިދުގައި ބުނެފައި ވެއެވެ.
މިއީ ދައުލަތަށް ދައްކަން ޖެހި ނުދެއްކި ހުރި ފައިސާ އެކީ އެއްފަހަރާ ދައްކަން ދަތިވާ ފަރާތްތަކަށް ލުއިފަސޭހަ ގޮތެއްގައި އެ ފައިސާ ދައުލަތަށް ދެއްކޭނެ މަގު ފަހިކޮށްދިނުމުގެ ގޮތުން އެކުލަވާލި ގަވާއިދެއް ކަމަށް މިނިސްޓްރީން ބުނެފައި ވެއެވެ.
ނަމަވެސް އެ ގަވާއިދުގެ ދަށުން ބަހާލައިގެން ފައިސާ ދެއްކޭނީ ވަކި ޝަރުތުތަކެއް ހަމަވާނަމަ ކަމަށް ގަވައިދުގައި ބުނެފައި ވެއެވެ.
ގަވައިދުގައި އިތުރަށް ބުނެފައިވާ ގޮތުން ބަހައިލައިގެން އިންސްޓޯލްމަންޓަށް ފައިސާ ދެއްކުމުގެ ފުރުސަތު ދޭނީ ކޮމިޓްމަންޓް ފީއެއް ދައްކައިގެން ނެވެ. އަދި 14 ދުވަސް ތެރޭ އެ ފީ ނުދައްކައިފިނަމަ އެކަމަށް އެދޭ ފާރާތުގެ ފޯމު ބާތިލުވާނެ ކަމަށް ވެސް ގަވައިދުގައި ބުނެފައި ވެއެވެ.
ކިޔުންތެރިންގެ ހިޔާލު