ރާއްޖޭގައި ޕެންޝަނާ ގުޅޭގޮތުން އިލްމީ ދިރާސާތައް ކުރަން ދިވެހިރާއްޖޭގެ ޤައުމީ ޔުނިވަރސިޓީއާއި މޯލްޑިވްސް ޕެންޝަން އެޑްމިނިސްޓްރޭޝަން އޮފީހާ ދެމެދު އެއްބަސްވުމެއްގައި ސޮއިކޮށްފިއެވެ.
ޕެންޝަން އޮފީހާއި އެމްއެންޔޫއާ ދެމެދު އެއްބަސްވެވުނީ ރާއްޖޭގައި ޢިމްލީ ދިރާސާތައް ކުރުމާއި ހޭލުންތެރިކުރުމުގެ ޕްރޮގްރާމުތައް ހިންގުމަށެވެ.
އެމްއެންޔޫގައި ބޭއްވި ރަސްމިއްޔާތުގައި މި އެއްބަސްވުމުގައި އެ ޔުނިވަރސިޓީގެ ފަރާތުން ސޮއިކުރެއްވީ ވައިސް ޗާންސެލާ ޑރ. އައިޝަތު ޝެހެނާޒް އާދަމްއެވެ. އަދި ޕެންޝަން އޮފީހުގެ ފަރާތުން ސޮއިކުރެއްވީ މޯލްޑިވްސް ޕެންޝަން އެޑްމިނިސްޓްރޭޝަން އޮފީހުގެ ޗީފް އެގްޒެކެޓިވް އޮފިސަރު ޝުޖާތާ ހަލީމްއެވެ.
މިއަދު ވެވުނު މި އެއްބަސްވުމުގެ ދަށުން ކުރަން ނިންމާފައިވާ ކަންތައްތަކުގެ ތެރޭގައި ޖޮއިންޓް ރިސާރޗް ޕްރޮޖެކްޓްތައް އެކުލަވާލައި ހިންގުމާއި މައުލޫމާތާއި ޑޭޓާ ބަދަލުކުރުމާއި ހޯދުމުގައި އެއްބާރުލުން ދިނުން ހިމެނެއެވެ. އަދި ޕެންޝަނާއި ގުޅޭގޮތުން އާއްމުން ހޭލުންތެރިކުރުމާއި، ޕެންޝަނަށް އާއްމުން އަހުލުވެރިކުރުމަށް ޕްރޮގްރާމުތައް ހިންގުން ހިމެނޭ ކަމަށް އެމްއެންޔޫއިން ބުނެއެވެ.
އެމްއެންޔޫއިން ބުނީ މި އެއްބަސްވުމާއެކު ދެފަރާތުގެ ކުރިއެރުމާއި، މުޖުތަމައަށް ފައިދާހުރި އައު ފުރުސަތުތައް ހޯދުމަށް މަގުފަހިވެގެންދާނެކަމަށެވެ.
އެމްއެންޔޫއިން ބުނީ މި އެއްބަސްވުމާއެކު ދެފަރާތުގެ ކުރިއެރުމާއި، މުޖުތަމައަށް ފައިދާހުރި އައު ފުރުސަތުތައް ހޯދުމަށް މަގުފަހިވެގެންދާނެކަމަށެވެ.
ކިޔުންތެރިންގެ ހިޔާލު