އުފާވެރި ބާއްޖަވެރި ހަޔާތެއް ބޭނުންވާނަމަ ހަޔާތުގެ ބައިވެރިއާ އަކީ ރަނގަޅު ހެޔޮލަފާ މީހަކަށް ވުމަކީ ވަރަށް މުހިންމު ކަމެކެވެ. ވީމާ ޒަވާޖީ ހަޔާތެއް ފަށައިގަންނައިރު މިކަމަށް ކޮންމެ މީހަކުވެސް ސަމާލުކަން ދޭން ޖެހެއެވެ.

ތިރީގައި މި ހިމަނާލަނީ ރަނގަޅު ބައިވެރިއެއްގެ ކިބައިގައި ހުންނާނެ ބައެއް ސިފަތަކެވެ.

ޖަޒުބާތީ ގުޅުން ވަރުގަދަވުން

ހަޔާތުގެ ބައިވެރިއަކަށް ހިޔާރު ކުރާ މީހާއާއި ތިބާއާ ދެމެދު އޮންނަ ޖަޒުބާތީ ގުޅުން ވަރުގަދަ ވުމަކީ ވަރަށް މުހިންމު ކަމެކެވެ. ދެމީހުންގެ ދެމެދުގައި އޮންނަ ޖަޒުބާތީ ގުޅުން ވަރުގަދަ ވުމުން އެކަކު އަނެކަކާ ހަޔާތުގެ ކޮންމެ ކަމެއްވެސް ފަސޭހަކަމާއެކު ހިއްސާ ކުރެވޭނެއެވެ.

އެކުވެރިކަމުގެ ގުޅުން ވަރުގަދަވުން

ތިބާގެ ހަޔާތުގެ ބައިވެރިޔާއަކީ ތިބާގެ އެންމެ ގާތް އެކުވެރިޔާ ނުވަތަ "ބެސްޓު ފްރެންޑަށް" ވުމަކީވެސް ވަރަށް މުހިންމު ކަމެކެވެ. ބަައިވެރިޔާއާ ތިބާއާ ދެމެދު ގާތް އެކުވެރިކަމުގެ ގުޅުމެއް އޮންނަ ނަމަ އެކަކު އަނެކަކާއެކު ވަގުތު ހޭދަކުރަން ބޭނުންނާ ވަރު އިތުރުވެ، ދެމީހުން އެކަކު އަނެކަަކަށް އިތުބާރު ކުރާވަރުވެސް ބޮޑުވެއެވެ. އަދި ދެމީހުންގެ ގުޅުން ވަރަށް ވަރުގަދަ ވެއެވެ.

ކުރެވޭ ކުށްތަކަށް މަފަށް އެދުން

ބައިވެރިއެއްގެ ގޮތުގައި ހިޔާރު ކުރާ މީހާއަކީ އޭނާއަށް ކުރެވޭ ކުށްތައް ގަބޫލުކޮށް އެއަށް މަފަށް އެދޭ މީހަކަށް ވުމަކީވެސް ވަރަށް މުހިންމު ކަމެކެވެ. އެގޮތުން ކުރެވޭ ކިތައްމެ ކުޑަ ކަމެއްގައިވެސް މާފަށް އެދޭނަމަ ދެމީހުންގެ ދެމެދުގައި ޖެހޭ މައްސަލަތައް މަދުވެ، ގުޅުންވެސް ބަދަހިވެއެވެ.

މަސްދަރު: އީޓައިމްސް