އަމިއްލަ ނަފްސަށް އަޅާލައި އޯގާތެރި ވުމަކީ ކޮންމެ މީހަކުވެސް ކުރަން ޖެހޭ ކަމެކެވެ. އެމީހެއްގެ އަމިއްލަ ނަފްސުދެކެ ލޯބިވުމަކީ ކޮންމެ މީހަކުވެސް ކުރަން ޖެހޭ ކަމެކެވެ. އެއީ އުފާވެރި ދިރިއުޅުމަކަށްޓަކައި ވަރަށް މުހިންމު ކަމެކެވެ.

މިފަހަރު މި ހިމަނާލަނީ އަމިއްލަ ނަފްސަށް އަޅާލުމަށްޓަކައި ކުރަން ޖެހޭ ބައެއް ކަންކަމެވެ.

ލިބޭ ކާމިޔާބީތައް ފާހަގަ ކުރުން

އަމިއްލަ ނަފްސަށް އަޅާލުމަށްޓަކައި ކުރަންޖެހޭ އެންމެ މުހިންމު އެއް ކަމަކީ ތިބާއަށް ލިބޭ ކާމިބީތަކާއި ހާސިލް ކުރެވޭ ކަންކަން ފާހަގަ ކުރުމެވެ. މިހެން ހެދުމުން އަމިއްލަ ނަފްސުގެ މައްޗަށް ކުރެވޭ އިތުބާރު ބޮޑުވެ، ތިބާގެ ލަނޑުދަނޑިތައް ހާސިލް ކުރަން ފަސޭހަވެއެވެ.

ތިބާއަށް ހެޔޮއެދޭ މީހުން ގާތް ކުރުން

އަދި ދިރިއުޅުމުގައި ކައިރިކޮށްގެން އުޅޭ މީހުން ހިޔާރު ކުރާއިރު އެމީހުންނަކީ ކޮންކަހަލަ ބައެއްކަން ބަލުމަކީ އަމިއްލަ ނަފްސަށް އަޅާލުމުގެ ގޮތުން ކުރަން ޖެހޭ ކަމެކެވެ. އެގޮތުން ތިބާގެ އެންމެ ގާތުގައި އުޅޭ މީހުންނަކީ ތިބާއަށް ހެޔޮއެދޭ، އަދި ހަސަދަވެރި ނުވާ ބައެއް ކަން ޔަގީންކޮށް، އެފަދަ މީހުން ގާތް ކުރުމަށޤ ކޮންމެ މީހަކުވެސް ސަމާލުވާން ޖެހެއެވެ.

އަމިއްލަ ނަފްސަށް މާފްކުރުން

މިއީވެސް އަމިއްލަ ނަފްސަށް އަޅާލައި އަމިއްލަ ނަފްސުދެކެ ލޯބިވުމަށްޓަކައި ކޮންމެހެން ކުރަން ޖެހޭ ކަމެކެވެ. ކޮންމެ މީހަކަށްވެސް ކުއްތައް ކުރެވޭނެއެވެ. ނަމަވެސް އެކަންކަމާމެދު އަބަދު ހިތާމަ ކުރުމިގެ ބަދަލުގައި އަމިއްލަ ނަފްސަށް މާފުކޮށް، މާޒީގެ ސަފްހާތަކާ ދުރަށް ދިއުމަށް ކޮންމެ މީހަކުވެސް މަސައްކަތް ކުރަން ޖެހެއެވެ.

މަސްދަރު: އީޓައިމްސް