ރަސްމީ ދަތުރުފުޅެއްގައި އެންވަޔަރަމަންޓް މިނިސްޓަރު ތޯރިގް އިބްރާހީމް އެކުވެރި ޢަރަބި އިމާރާތް(ޔޫއޭއީ) އަށް ވަޑައިގެންފިއެވެ.

މީސް މީޑިއާގައި ކުރެއްވި ޕޯސްޓެއްގައި މިނިސްޓްރީން ބުނީ މިނިސްޓަރުގެ މި ދަތުރަކީ 15 ވަނަ އިންޓަނޭޝަނަލް ރިނިއުވަބަލް އެނަޖީ އެޖެންސީ (އައިރީނާ) އެސެމްބްލީގައި ބައިވެރިވެވަޑައިގަތަށް ކުރައްވާ ދަތުރެއް ކަމަށެވެ.

މިނިސްޓްރީން ބުނީ އައިރީނާގެ އެސެމްބްލީގެ 15 ވަނަ ސެޝަން ކުރިއަށް ދާނީ މި މަގުގެ 12 އިން 13 އަށް އަބޫދާބީގައި ކަމަށެވެ. އަދި މި ސެޝަނާ ގުޅޭ އެހެނިހެން ބައްދަލުވުންތަކެއް މާދަމާ ވެސް ކުރިއަށްދާނެ ކަމަށް މިނިސްޓްރީން ބުންޏެވެ.

މި ބައްދަލުވުމުގައި އައިރީނާގެ ކޮންމެ މެންބަރު ޤައުމަކުން އެއް ބޭފުޅަކު ބައިވެރިވެވަޑައިގަންނަވާނެ އެވެ. މިދިޔަ އަހަރު ނިމުނުއިރު އައިރީނާގެ މެންބަރުންގެ ތެރޭގައި 170 ޤައުމެއް ހިމެނެ އެވެ.