ކޮންމެ ދުވަހެއްވެސް ފަށައިގަންނައިރު ހަށިގަނޑަށް އެތެރެކުރެވޭ އެއްޗެހީގެ ސަބަބުން މީހާގެ ބަރުދަނަށް ވަރަށް ބޮަޑެތި ބަދަލުތަކެއް އާދެއެވެ. އެގޮތުން ބަލާއިރު ބަރުދަން ލުއިކުރުމުގައި އެހީވެދޭ އެންމެ ބޮޑު އެކައްޗަކީ ހެނދުނު ބޭނުންކުރާ ތަފާތު އެކިކަހަލަ ބުއިންތަކެެވެ.

މި ބުއިން ތަކަކީ ހަށިގަނޑަށް ފައިދާހުރި އެތައް މާއްދާތަކެއް އެކުލެވޭ އެއްޗެހި ކަމުން މި ބޭނުން ކުރުމުން މީހާގެ މެޓަބޮލިޒަމް ރަނގަޅުވެ ފަސެހަކަމާއެކު ބަރުދަން ލުއިވެއެވެ. މިފަހަރު މި ހިމަނާލަނީ ބަރުދަން ލުއިކުރަން ބޯންްވީ ބައެއް ޝޮޓުތަކެވެ.

ލުނބޯ އަދި މާމުއި ޝޮޓު

މި ތައްޔާރު ކުރުމަށް ބޭނުންވާނީ ލުނބޯ ފަޅިއަކާއި، ފެން އަދި އޭގެ އިތުރުން މާމުއެވެ. މި ތައްޔާރު ކުރުމަށްޓަކައި ތާފެނާ ފެންތައްޓެއްގެ ތެރެއަށް ލުނބޯ ފަޅީގެ ހުތާއި، 1 ސައިސަމުސާ މާމުއި އަޅާފައި ރަނގަޅަށް އެއްކޮށްލާނީއެވެ. މި ބުއިމުން މީހާގެ މެޓަމޮލިޒަމް ރަނގަޅުވެ، ހަށިގަނޑުގައި ހުންނަ ވިހަ މާއްދާތައް ބޭރުވެއެވެ. އަދި މީހާގެ ބަރުދަންވެސް ލުއިވެއެވެ.

ފޮނިތޮށި އަދި މާމުއި ޝޮޓު

މި ތައްޔާރު ކުރުމަށް ބޭނުންވާނީ ފެނާއި، ފޮނިތޮއްޓާއި މާމުއެވެ. މި ތައްޔާރު ކުރުމަށްޓަކައި ތާފެނާ ފެންތައްޓެއްގެ ތެރެއަށް 1 ސައިސަމުސާ ފޮނިތޮއްޓާއި، 1 ސައިސަމުސާ މާމުއި އެޅުމަށްފަހު ރަނގަޅަށް އެއްކޮށްލާނީއެވެ. މި ބުއިމުން ކްރޭވިންގްސްތައް ކުޑަވެ، ލޭގައި ހަކުރު ހުންނަ ވަރު އެއް ހަމައެއްގައި ހިފަހައްޓައިދެއެވެ. އަދި ހަމަ އެހެންމެ މީގެ ސަބަބުން ހަށިގަނޑަށް އިތުރު ހަކަތަ ލިބި، ފަސޭހަކަމާއެކު ހަށިގަނޑުގައި ހުންނަ ސަރުބީވެސް ވިރައެވެ.

ބަރުދަން ލުއިކޮށް ހަށިގަނޑުގެ ބައްޓަން ރީތިކުރަން ބޭނުންވާމަމަ ކޮންމެ ދުވަހަކު ހުސް ބަނޑާހުރެ މިއިން ކޮންމެވެސް އެކައްޗެއް ބޯލަން މުހިންމެވެ. މި ފަދަ ސިއްހަތަށް ފައިދާހުރި ބުއިންތައް ބުއިމުން ފަސޭހަކަމާއެކު ސަރުބީ ވިރި، މިހާ ބޭނުންވާ ބައްޓަމަށްވެސް ފަސޭހަކަމާއެކު ވާސިލް ވާން އެހީވެދޭނެއެވެ.