މޫސުން ގޯސްވެގެން ކުޅުދުއްފުށީ އެއާޕޯޓަށް ނުޖެއްސުނު ބޯޓެއް އެނބުރި މާލެއަށް އަތުވެއްޖެއެވެ.

މަޢުލޫމާތު ލިބިފައިވާ ގޮތުގައި، މިއަދު ހެނދުނު ވެލާނާ އިންޓަނޭޝަނަލް އެއާޕޯޓުން ހދ. ކުޅުދުއްފުއްޓަށް ދަތުރުކުރި މޯލްޑިވިއަންގެ އޭޓީއާރު 72-600 މަރުކާގެ ފްލައިޓް ނަންބަރު ކިއު2442، ވައިބާރުވުމުގެ ސަބަބުން އެ ރަށަށް ނުޖެެއްސިގެން އެނބުރި އައިސް ޖައްސާފައިވަނީ ވީއައިއޭ އަށެވެ.

މޯލްޑިވިއަންގެ މި ފްލައިޓް ކުޅުދުއްފުށީ އެއާޕޯޓަށް ދާން ފުރީ މިއަދު ހެނދުނު 8:34 ގަ އެވެ. އަދި ހެނދުނު 9:20 ގައި ކުޅުދުއްފުށީ އެއާޕޯޓަށް ޖައްސަން އޮތް އެ ބޯޓަށް އެ އެއާޕޯޓުގައި ނުޖެއްސިގެން ވަރަށް ގިނައިރު މަތީގައި އުދުހެން ޖެހުނެވެ.

އެގޮތުން ދެ ގަޑިއިރެއްހާއިރު އުދުހުމަށްފަހު ބޯޓު ވީއައިއޭގައި ޖައްސާފައިވަނީ މިއަދު ހެނދުނު 11:00 ގައެވެ.

Maldivian flight Q2442 diverts to MLE due to bad weather. White alert is currently issued from Haa Alifu Atoll to Lhaviyani Atoll from 11:45 to 16:00. Numerous white alerts were issued for the northern region of the Maldives in the past 3 days. pic.twitter.com/1UO8Ww9rA2

— AviatorsMaldives (@AviatorsMaldive) June 15, 2025

ވައިބާރުވުމުގެ ސަބަބުން މޯލްޑިވިއަންގެ ބޯޓު އެނބުރި ވީއައިއޭގައި ޖައްސާފައިވާއިރު، މޫސުމާ ބެހޭ އިދާރާއިން ވަނީ މިއަދު ހެނދުނު 11:45 އިން ހަވީރު 4:00 އަށް ކުޅުދުއްފުށި ހިމެނޭ ސަރަޙައްދަށް ވައިޓް އެލަރޓް ނެރެފައެވެ.

އެގޮތުން އެސަރަޙައްދަށް ވިލާގަނޑުގައި 40 މޭލަށް ވައިގަދަވުން އެކަށީގެންވާ ކަމަށް މޫސުމާ ބެހޭ އިދާރާއިން ލަފާކޮށްފައިވެއެވެ.