އަހުޒަމް އަޙްމަދު   13 ޖުލައި 2025 - 12:29
ގެއްލިގެން ހޯދަމުންދިޔަ މުހައްމަދު ޒަކަރިއްޔާ (79އ.) މަރުވެފައި އޮއްވާ މިއަދު ފެނިއްޖެ އެވެ.

ގދ. ގައްދޫން ފުރައިގެން އެ އަތޮޅު ގަމަށް ދަތުރުކުރަނިކޮށް ހަބަރެއް ނުވެގެން ޒަކަރިއްޔާ ހޯދަން ފެށީ މިދިޔަ ބުރާސްފަތި ދުވަހު އެވެ.

ޒަކަރިއްޔާ ހޯދުމުގެ މަސައްކަތް އެމްއެންޑީއެފުން ކުރަމުންދަނިކޮށް ގައްދޫ އާއި ގަމާ ދެމެދުގައި އޮންނަ ކަނޑުއޮޅީގެ 10 މީޓަރު އަޑިން އޭނާ ދަތުރުކުރި ޑިންގީ އިއްޔެ ވަނީ ފެނިފައެވެ. ޒަކަރިއްޔާގެ ހަށިގަނޑު ފެނުނީ މިއަދު އެވެ.

ފުލުހުން ބުނީ ޒަކަރިއްޔާ ފެނުނީ މިއަދު ހެނދުނު ގަމުގެ ގޮނޑުދޮށަށް ލައްގާފައި އޮއްވާ ކަމަށެވެ.

ޒަކަރިއްޔާ ގައްދޫން ޑިންގީއެއްގައި ފުރީ މިދިޔަ ބުރާސްފަތި ދުވަހު ހެނދުނު 9:30 ހާއިރެވެ. އަދި އޭނާ ގެއްލިގެން ފުލުހުންނަށް ރިޕޯޓްކޮށްފައި ވަނީ އެ ދުވަހު ހަވީރުގެ ވަގުތެއްގައެވެ.



ކިޔުންތެރިންގެ ހިޔާލު