ގެވެށި އަނިޔާގެ މައްސަލަ އަކާ ގުޅިިގެން ހިޔާ ފްލެޓުގެ އެޕާޓްމެންޓެއް ބަލާ ފާސްކުރުމުގެ ތެރޭގައި ގިނަ އަދަދެއްގެ ވޭޕް ފްލޭވާ ފުޅިތަކެއް ފެނިއްޖެއެެވެ.

ފުލުހުން ބުނީ ރޭ 21:14 ހާއިރު ފުލުހުންނަށް ރިޕޯޓު ލިބުނު މި މައްސަލަ އާ ގުޅިގެން އެ އެޕާޓްމެންޓް ބަލާ ފާސްކުރަނިކޮށް ފެނިފައިވަނީ 242 ވޭޕް ފްލޭވާ ފުޅި ކަމަށެވެ. އެތަކެތި މިހާރު ފުލުހުންގެ ބެލުމުގެ ދަށަށް ގެނެވިފައިވާ ކަމަށް ފުލުހުން ބުންޏެވެ.

މި މައްސަަލަ ފުލުހުން ދަނީ އިތުރަށް ތަހުގީގުކުރަމުންނެވެ.

ވޭޕް ބޭނުންކުރުމާއި ވިއްކުމާއި ގެންގުޅުމުގެ ކުށްތަކުގައި ކުރި ޖޫރިމަނާގެ އަދަދު މިހާރު ވަނީ 127،000 އަށް އަރައިފަ އެވެ.