ރާއްޖޭގެ ތަޢުލީމީ ނިޒާމުގައި އުމުރަށްވުރެ ތޫނުފިލި އަދި މަތީ ފަންތީގައި ނަތީޖާ ހޯދާ ކުދިން، އެކުދިންގެ އުމުރާ އެއްވަރުގެ ގްރޭޑްތަކުގައި މަޑުނުކޮށް، އަމަލީ ގާބިލުކަމަށް ބަލައި މަތީ ގްރޭޑްތަކަށް ބަދަލުވެވޭނެ އުސޫލެއް ނުވަތަ މެކޭނިޒަމެއް ގާއިމުކުރުމަށް ދިވެހިރާއްޖޭގެ ހައިކޯޓުން އިއްޔެ ހުކުމްކޮށްފިއެވެ.
މި ހުކުމް އިއްވާފައިވަނީ ކެންގަރޫ ކިޑްސްގައި ކިޔަވަމުންދިޔަ ދަރިވަރަކު ސްކޫލް ނިޒާމުގެ ތެރެއަށް ވަދެފައިވަނިކޮށް، މިނިސްޓްރީ އޮފް އެޑިއުކޭޝަނުން ނެރުނު ސާކިއުލާއެއްގެ ދަށުން އެ ދަރިވަރުގެ ކިޔެވުމަށް ހުރަސްއެޅޭގޮތަށް ނިންމި ނިންމުމަކާ ގުޅިގެން އެ ކުއްޖާގެ ބެލެނިވެރިޔާގެ ފަރާތުން ހުށަހެޅި މައްސަލައެއް ބެލުމަށްފަހުއެވެ. މި މައްސަލައިގައި މައިގަނޑު ގޮތެއްގައި ބަހުސްކުރެވުނީ ކުއްޖާގެ އުމުރާއި އެ ކުއްޖާގެ ތަޢުލީމީ ގާބިލުކަމާ ހުރި ތަފާތުތަކުގެ މައްޗަށެވެ.
ހައިކޯޓުގެ ހުކުމުގައި ފާހަގަކޮށްފައިވަނީ، އެޑިއުކޭޝަން މިނިސްޓްރީން އެ ދަރިވަރުގެ މައްސަލައިގައި ގޮތް ނިންމިއިރު، އެ ކުއްޖާގެ ނަފްސާނީ އަދި އިލްމީ ކުރިއެރުން ހުރި މިންވަރަށާއި، އުމުރަށްވުރެ އެ ކުއްޖާގެ ތަޢުލީމީ ގާބިލުކަން އިތުރުވެފައިވާ މިންވަރަށް އެކަށީގެންވާ ވަރަށް ރިއާޔަތްކޮށްފައި ނެތް ކަމަށެވެ.
ކޯޓުން ބަޔާން ކޮށްފައިވަނީ، ދިވެހިރާއްޖޭގެ ތަޢުލީމީ ގާނޫނާއި ރާއްޖެއިން ބައިވެރިވެފައިވާ ކުޑަކުދިންގެ ހައްގުތަކާބެހޭ ބައިނަލްއަގުވާމީ މުއާހަދާގެ ދަށުން، ކޮންމެ ކުއްޖެއްގެވެސް އަމިއްލަ ހާލަތަށް ބަލައި، އެ ކުއްޖެއްގެ ގާބިލުކަން އެންމެ ފުރިހަމައަށް ބޭނުންކުރެވޭނެ ގޮތަކަށް ތަޢުލީމީ ނިޒާމު ބައްޓަންކުރުމަކީ ދައުލަތުގެ މަސްއޫލިއްޔަތެއް ކަމަށެވެ. އަދި ކުއްޖާގެ ފެންވަރާ ނުގުޅޭ ގްރޭޑެއްގައި ބޭންދުމުގެ ސަބަބުން ކިޔެވުމަށް އޮންނަ ޝައުގުވެރިކަން ގެއްލިގެން ދިޔަނުދީ، ކުއްޖާގެ ހުނަރާ އެއްވަރުގެ އުނގަނައިދިނުމުގެ މާހައުލެއް ފަހިކޮށްދޭންޖެހޭނެ ކަމަށްވެސް ހުކުމުގައިވެއެވެ.
މީގެ އިތުރުން، ހަމައެކަނި ބެލެނިވެރިން ހަދާ އެސެސްމެންޓްތަކަށް ބަރޯސާވުމުގެ ބަދަލުގައި، އުމުރަށްވުރެ މަތީ ފަންތީގައި ތިބޭ ކުދިން ވަޒަންކުރާނެގޮތުގެ އުސޫލުތަކާއި، މިންގަނޑުތަކާއި އިޖުރާއަތްތައް އެޑިއުކޭޝަން މިނިސްޓްރީން އެކުލަވާލަންޖެހޭ ކަމަށް ކޯޓުން ފާހަގަކުރިއެވެ.
ރާއްޖޭގައި އާންމުކޮށް ކުދިން އޭ-ލެވެލް ނިންމާ އުމުރަށްވުރެ މާ ހަގު އުމުރުގައި އޭ-ލެވެލް އިމްތިހާން ފުރިހަމަކޮށްފައިވާ ކުދިން ތިބިކަން ފާހަގަކޮށް، ހައިކޯޓުން ބުނީ ބައެއް ކުދިންނަށް އެހެން ކުދިންނަށްވުރެ ހަލުވިކަމާއެކު އުނގެނުމުގެ ގާބިލުކަން ލިބިގެންވާ ކަމަށެވެ. ނަމަވެސް މިހާރު އޮތް ނިޒާމުގެ ތެރޭގައި އެފަދަ ކުދިންނަށް ބޭނުންވާ ލުއިފަސޭހަކަމާއި، ކުއްޖާގެ ގާބިލުކަމަށް ރިއާޔަތްކޮށް ގެންނަންޖެހޭ ބަދަލުތައް ގެނައުމުގެ ފުރުސަތު ހަނިކަން ކޯޓުގެ ހުކުމުގައި ވަނީ ފާހަގަކޮށްފައެވެ.
ހައިކޯޓުގެ ހުކުމުގައި ފާހަގަކޮށްފައިވަނީ، އެޑިއުކޭޝަން މިނިސްޓްރީން އެ ދަރިވަރުގެ މައްސަލައިގައި ގޮތް ނިންމިއިރު، އެ ކުއްޖާގެ ނަފްސާނީ އަދި އިލްމީ ކުރިއެރުން ހުރި މިންވަރަށާއި، އުމުރަށްވުރެ އެ ކުއްޖާގެ ތަޢުލީމީ ގާބިލުކަން އިތުރުވެފައިވާ މިންވަރަށް އެކަށީގެންވާ ވަރަށް ރިއާޔަތްކޮށްފައި ނެތް ކަމަށެވެ.
ކޯޓުން ބަޔާން ކޮށްފައިވަނީ، ދިވެހިރާއްޖޭގެ ތަޢުލީމީ ގާނޫނާއި ރާއްޖެއިން ބައިވެރިވެފައިވާ ކުޑަކުދިންގެ ހައްގުތަކާބެހޭ ބައިނަލްއަގުވާމީ މުއާހަދާގެ ދަށުން، ކޮންމެ ކުއްޖެއްގެވެސް އަމިއްލަ ހާލަތަށް ބަލައި، އެ ކުއްޖެއްގެ ގާބިލުކަން އެންމެ ފުރިހަމައަށް ބޭނުންކުރެވޭނެ ގޮތަކަށް ތަޢުލީމީ ނިޒާމު ބައްޓަންކުރުމަކީ ދައުލަތުގެ މަސްއޫލިއްޔަތެއް ކަމަށެވެ. އަދި ކުއްޖާގެ ފެންވަރާ ނުގުޅޭ ގްރޭޑެއްގައި ބޭންދުމުގެ ސަބަބުން ކިޔެވުމަށް އޮންނަ ޝައުގުވެރިކަން ގެއްލިގެން ދިޔަނުދީ، ކުއްޖާގެ ހުނަރާ އެއްވަރުގެ އުނގަނައިދިނުމުގެ މާހައުލެއް ފަހިކޮށްދޭންޖެހޭނެ ކަމަށްވެސް ހުކުމުގައިވެއެވެ.
ރާއްޖޭގައި އާންމުކޮށް ކުދިން އޭ-ލެވެލް ނިންމާ އުމުރަށްވުރެ މާ ހަގު އުމުރުގައި އޭ-ލެވެލް އިމްތިހާން ފުރިހަމަކޮށްފައިވާ ކުދިން ތިބިކަން ފާހަގަކޮށް، ހައިކޯޓުން ބުނީ ބައެއް ކުދިންނަށް އެހެން ކުދިންނަށްވުރެ ހަލުވިކަމާއެކު އުނގެނުމުގެ ގާބިލުކަން ލިބިގެންވާ ކަމަށެވެ. ނަމަވެސް މިހާރު އޮތް ނިޒާމުގެ ތެރޭގައި އެފަދަ ކުދިންނަށް ބޭނުންވާ ލުއިފަސޭހަކަމާއި، ކުއްޖާގެ ގާބިލުކަމަށް ރިއާޔަތްކޮށް ގެންނަންޖެހޭ ބަދަލުތައް ގެނައުމުގެ ފުރުސަތު ހަނިކަން ކޯޓުގެ ހުކުމުގައި ވަނީ ފާހަގަކޮށްފައެވެ.
ކިޔުންތެރިންގެ ހިޔާލު