ސީރިއާގައި ހިނގަމުންދިޔަ ދާޚިލީ ހަނގުރާމައަށް ދިއުމަށްފަހު، ތުރުކީގައި ތާށިވެފައި ތިބި ދިވެހި އަންހެނަކާއި އޭނާގެ 14 އަހަރުގެ ދަރިފުޅު ރާއްޖެ ގެނެސްފިއެވެ.
މިކަން ހާމަކުރެއްވީ ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން ހޯމް މިނިސްޓަރު އަލީ އިހްސާންއެވެ. މިނިސްޓަރު ވިދާޅުވީ ސީރިއާގެ ދެ ސަރަހައްދެއްގައި ތިބި 60 ވަރަކަށް ދިވެހިން ރާއްޖެއަށް ގެނައުމުގެ މަސައްކަތާއި، އެހެން ބައެއް ގައުމުތަކުގައި ތާށިވެފައި ތިބި ދިވެހިން އަނބުރާ ގެނައުމުގެ މަސައްކަތް ސަރުކާރުން ހުއްޓުމެއްނެތް ކުރަމުންދާ ކަމަށެވެ.
މިނިސްޓަރު އިހްސާން ވިދާޅުވި ގޮތުގައި، މި މަސައްކަތްތައް ކުރަމުން ދަނިކޮށް ރާއްޖޭގެ ތިން ރައްޔިތަކު ތުރުކީއަށްގޮސް އެ ގައުމުގައި ތާށިވެފައިވާ ކަމުގެ މައުލޫމާތު ލިބުނެވެ. އެ މައުލޫމާތު ލިބުމާއެކު އެމީހުން ހޯދައި ރާއްޖެއަށް ގެނައުމުގެ މަސައްކަތް ފެށި ކަމަށާއި، އޭގެ ތެރޭގައި ހިމެނޭ 14 އަހަރުގެ އަންހެން ކުއްޖަކާއި އޭނާގެ މަންމަ މިހާރު ރާއްޖެ ގެނެސްފައިވާ ކަމަށް މިނިސްޓަރު ވިދާޅުވިއެވެ.
މި ދެމައިން މިހާރު ތިބީ ކ. ހިންމަފުށީގައި ހުންނަ ނޭޝަނަލް ރީއިންޓެގްރޭޝަން ސެންޓަރު (އެންއާރުސީ) ގައެވެ. އެ މަރުކަޒުގައި އެމީހުންނަށް ފޯރުކޮށްދޭންޖެހޭ އަސާސީ ޚިދުމަތްތަކާއި، މުޖުތަމައަށް އަނބުރާ ނެރުމުގެ ކުރިން ފުރިހަމަކުރަންޖެހޭ އިޖުރާއަތްތައް ފުރިހަމަކުރަމުންދާ ކަމަށް ހޯމް މިނިސްޓަރު ފާހަގަކުރެއްވިއެވެ.
އޭގެ އިތުރަށް މިނިސްޓަރު ވިދާޅުވީ، މި މީހުން ތުރުކީގައި ތިބިކަން އެނގުނީ އެ ގައުމުގެ ކަމާބެހޭ ފަރާތްތަކުން އެމީހުން ހިފަހައްޓައި، އެކަން ދިވެހި ސަރުކާރަށް އެންގުމުން ކަމަށެވެ.
ހަނގުރާމަތަކުގައި ބައިވެރިވުމަށް ރާއްޖެއިން ދިޔަ ބައެއް މީހުންނާއި، އެފަދަ މީހުންނާއެކު ދިޔަ އާއިލާތަކުގެ ގިނަ ބަޔަކު އަނބުރާ ރާއްޖެ ނާދެވި ހާލުގައި ޖެހިފައިވާކަން މިނިސްޓަރު މިއަދު ފާހަގަކުރެއްވިއެވެ. މީގެ ކުރިންވެސް މިފަދަ ހާލަތްތަކުގައި ތިބި 23 މީހަކު ރާއްޖެ ގެނެސް، އެންއާރުސީ މަރުކަޒުގައި ރިހެބިލިޓޭޓް ކުރުމުގެ މަސައްކަތް ސަރުކާރުން ވަނީ ކޮށްފައެވެ.
އެކި ޤައުމުތަކުގެ ދާޚިލީ ހަނގުރާމައިގައި ބައިވެރިވުމަށްފަހު ރާއްޖެ އެނބުރި އަންނަ މީހުންނާއި، ގެނެވޭ މީހުން ބެއިތިއްބުމަށް ޚާއްސަ ސެންޓަރެއް ޓެރަރިޒަމް މަނާކުރާ ޤާނޫނުގެ ދަށުން ޤާއިމް ކޮށްފައިވަނީ ކ. ހިންމަފުށީގައެވެ.
ޓެރަރިޒަމް މަނާކުރުމުގެ ޤާނޫނުގެ ދަށުން ޤާއިމުކުރަންޖެހޭ މަރުކަޒުތައް ނޭޝަނަލް ރީއިންޓަގްރޭޝަން ސެންޓަރުގައި ޤާއިމުކޮށް، އެންޓި ޓޯޗަރ ޤާނޫނުގެ 17 ވަނަ މާއްދާގެ ދަށުން، ދައުލަތުގެ ބެލުމުގެ ދަށުގައި މީހުން ބަންދުކުރާ ތަނެއްގެ ގޮތުގައި އެތަން ކަނޑައަޅާ އެކަން އިއުލާން ކޮށްފައިވަނީ 2020 ވަނަ އަހަރުގެ އޮކްޓޯބަރު މަހުގެ 22 ވަނަ ދުވަހުއެވެ.
މިނިސްޓަރު އިހްސާން ވިދާޅުވި ގޮތުގައި، މި މަސައްކަތްތައް ކުރަމުން ދަނިކޮށް ރާއްޖޭގެ ތިން ރައްޔިތަކު ތުރުކީއަށްގޮސް އެ ގައުމުގައި ތާށިވެފައިވާ ކަމުގެ މައުލޫމާތު ލިބުނެވެ. އެ މައުލޫމާތު ލިބުމާއެކު އެމީހުން ހޯދައި ރާއްޖެއަށް ގެނައުމުގެ މަސައްކަތް ފެށި ކަމަށާއި، އޭގެ ތެރޭގައި ހިމެނޭ 14 އަހަރުގެ އަންހެން ކުއްޖަކާއި އޭނާގެ މަންމަ މިހާރު ރާއްޖެ ގެނެސްފައިވާ ކަމަށް މިނިސްޓަރު ވިދާޅުވިއެވެ.
މި ދެމައިން މިހާރު ތިބީ ކ. ހިންމަފުށީގައި ހުންނަ ނޭޝަނަލް ރީއިންޓެގްރޭޝަން ސެންޓަރު (އެންއާރުސީ) ގައެވެ. އެ މަރުކަޒުގައި އެމީހުންނަށް ފޯރުކޮށްދޭންޖެހޭ އަސާސީ ޚިދުމަތްތަކާއި، މުޖުތަމައަށް އަނބުރާ ނެރުމުގެ ކުރިން ފުރިހަމަކުރަންޖެހޭ އިޖުރާއަތްތައް ފުރިހަމަކުރަމުންދާ ކަމަށް ހޯމް މިނިސްޓަރު ފާހަގަކުރެއްވިއެވެ.
އޭގެ އިތުރަށް މިނިސްޓަރު ވިދާޅުވީ، މި މީހުން ތުރުކީގައި ތިބިކަން އެނގުނީ އެ ގައުމުގެ ކަމާބެހޭ ފަރާތްތަކުން އެމީހުން ހިފަހައްޓައި، އެކަން ދިވެހި ސަރުކާރަށް އެންގުމުން ކަމަށެވެ.
ހަނގުރާމަތަކުގައި ބައިވެރިވުމަށް ރާއްޖެއިން ދިޔަ ބައެއް މީހުންނާއި، އެފަދަ މީހުންނާއެކު ދިޔަ އާއިލާތަކުގެ ގިނަ ބަޔަކު އަނބުރާ ރާއްޖެ ނާދެވި ހާލުގައި ޖެހިފައިވާކަން މިނިސްޓަރު މިއަދު ފާހަގަކުރެއްވިއެވެ. މީގެ ކުރިންވެސް މިފަދަ ހާލަތްތަކުގައި ތިބި 23 މީހަކު ރާއްޖެ ގެނެސް، އެންއާރުސީ މަރުކަޒުގައި ރިހެބިލިޓޭޓް ކުރުމުގެ މަސައްކަތް ސަރުކާރުން ވަނީ ކޮށްފައެވެ.
ޓެރަރިޒަމް މަނާކުރުމުގެ ޤާނޫނުގެ ދަށުން ޤާއިމުކުރަންޖެހޭ މަރުކަޒުތައް ނޭޝަނަލް ރީއިންޓަގްރޭޝަން ސެންޓަރުގައި ޤާއިމުކޮށް، އެންޓި ޓޯޗަރ ޤާނޫނުގެ 17 ވަނަ މާއްދާގެ ދަށުން، ދައުލަތުގެ ބެލުމުގެ ދަށުގައި މީހުން ބަންދުކުރާ ތަނެއްގެ ގޮތުގައި އެތަން ކަނޑައަޅާ އެކަން އިއުލާން ކޮށްފައިވަނީ 2020 ވަނަ އަހަރުގެ އޮކްޓޯބަރު މަހުގެ 22 ވަނަ ދުވަހުއެވެ.
ކިޔުންތެރިންގެ ހިޔާލު