މިހާރު ރާއްޖޭގައި އޮތީ ހުދުމުހުތާރު ރަސްކަމަކަށް ވުރެ ވެސް ނުބައި، "ޝަހެންޝާހީ" ވެރިކަމެއް ކަމަށް ވިދާޅުވެ، ކުރީގެ ރައީސް ޔާމީން ޢަބްދުލްޤައްޔޫމް ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ.

ޕީޕަލް ނެޝަނަލް ފްރަންޓް (ޕީއެންއެފް) ގެ ފަރާތުން ހުޅުމާލޭގައި ރޭ ބޭއްވި ލޯކަލް ކައުންސިލް އިންތިޚާބުގެ ކެމްޕެއިން ޖަލްސާގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ، މި ސަރުކާރަކީ ޤާނޫނަށް އިޙްތިރާމް ނުކުރާ، ރައްޔިތުންގެ ޙައްޤުތައް "ކޮޅުފަޔަށް ޖަހަމުންދާ" ވިޔާނުދާ ބައެއް ކަމަށެވެ.

"މިއީ ހުދުމުހުތާރު ރަސްކަމެއް ވެސް ނޫން. އެއަށްވުރެން ވެސް ނުބައި މިއީ ޝަހެންޝާހީ ވެރިކަމެއް. މިހާ ހިސާބަށް ރާއްޖެ އޮތީމާ މިތަން ބަލާކަށް އަޅުގަނޑުމެންނަކަށް ކުޅަދާނައެއް ނޫން،" ރައީސް ޔާމީން ވިދާޅުވިއެވެ.

ސަރުކާރު ހިންގާ ޕީއެންސީއަށް ނިސްބަތްކުރައްވައި "ކޮތަރުބައިގަނޑު" ނުވަތަ "ދޫނިބައިގަނޑު" ގެ ނަމުން މުޚާތަބު ކުރައްވަމުން ޔާމީން ވިދާޅުވީ، ކުރިއަށް އޮތް ކައުންސިލް އިންތިޚާބުގައި އެ ބަޔަކަށް ވޯޓު ދީފިނަމަ، "ކަތިވަޅި ގެއްލި މަރިޔަނބު ވެސް ގެއްލޭނެ" ކަމަށެވެ.

އެމަނިކުފާނު ވިދާޅުވީ މި ސަރުކާރަށް ކައުންސިލްތަކުގެ ބާރު ދީފިނަމަ، ރައްޔިތުންނަށް ލިބޭނެ އެއްވެސް މަންފާއެއް ނެތް ކަމަށާއި، އޭގެ ބަދަލުގައި މިނިވަން ކެންޑިޑޭޓުން ހޮވަން ޖެހޭ ކަމަށެވެ.

ޝަރުޢީ ނިޒާމާ ބެހޭގޮތުން ވާހަކަފުޅު ދައްކަވަމުން ޔާމީން ވިދާޅުވީ، މިއަދު ރާއްޖޭގެ ކޯޓުތަކަށް ރައްޔިތުންގެ އެއްވެސް އިތުބާރެއް ނެތް ކަމަށެވެ. އަދި ފަނޑިޔާރުންނަކީ ސިޔާސީ ނުފޫޒުގެ ދަށުގައި ތިބި ބައެއްގެ ގޮތުގައި ސިފަކުރައްވައި، ސަރުކާރު ޖަވާބުދާރީވާން ޖެހޭ ފަދަ މައްސަލަތައް ކޯޓުތަކުން "ކަފުންކޮށް" ފޮރުވަމުންދާ ކަމަށް އެމަނިކުފާނު ތުހުމަތު ކުރެއްވިއެވެ.

ރައީސް ޔާމިން ވިދާޅުވީ މި ސަރުކާރުގެ ހަމައެކަނި އަމާޒަކީ "ހެޔޮވަރު ދަރުބާރެއް" ބިނާކުރުން ކަމަށާއި، ޑިމޮކްރަސީގެ ހުރިހާ އުޞޫލުތަކެއް މުގުރާލާފައިވާ ކަމަށެވެ. އެހެންކަމުން، ރައްޔިތުންގެ ބާރު އިސްކޮށް، ސަރުކާރު ޖަވާބުދާރީ ކުރުވުމަށްޓަކައި މަޖިލީހާއި ކައުންސިލްތަކުން މި ސަރުކާރަށް ފުރުޞަތު ނުދިނުމަށް އެމަނިކުފާނު ގޮވާލެއްވިއެވެ.

"ރައީސަކު ރައީސްކަން ކުރާއިރު ކެރެންވާނެ ޤާނޫނުތަކަށް ޖާގަދޭން. އޭނައަށް ހެޔޮވަރު ކަފުނެއް ނޫން ޤާނޫނުތައް މަހާލަންވާނީކީ. އޭނައަށް ހެޔޮވަރު ސޫޓެއް ނޫން ހުރިހާ އެއްޗެއް ފަހަންވާނީކީ،" ރައީސް ޔާމީން ވިދާޅުވިއެވެ.