މެއިން ބްލޫބެރީއާއި ތައިމް (Thyme) އަކީ ކާތަކެތި ތައްޔާރުކުރުމުގައި ވަރަށް މަގުބޫލު، ފޮނި އަދި މީރު ރަހަތަކެއް އެކުލެވޭ ފުރިހަމަ ޖޯޑެކެވެ. މެއިންގެ ވަލު ބްލޫބެރީގައި ހުންނަ ގަދަ ފޮނިރަހައާއި، ތައިމްގެ ތާޒާކަމާއި "އާރތީ" ނުވަތަ ފަތުގެ ރަހަ އެކުވުމުން އާދަޔާ ހިލާފު މީރު ރަހައެއް އުފެދެއެވެ.

މެއިންގެ ވަލު ބްލޫބެރީއަކީ އާންމުކޮށް ހައްދާ ބްލޫބެރީއަށްވުރެ ކުޑަ، ނަމަވެސް އޭގެ ރަހަ މާ ގަދަ މޭވާއެއް ކަމުން، ތައިމް ފަދަ ވަސްގަދަ ފަތްތަކާއެކު މި ބޭނުންކުރުމުން ރަހަ ވަރަށް ފުރިހަމައަށް ހިފަހައްޓައިދެއެވެ.

މި ދެ ބާވަތް އެކުލަވައިގެން ތައްޔާރުކުރާ ބައެއް ތަކެތީގެ ތެރޭގައި ހިމެނެނީ:

މަތީ ފަންތީގެ ޖޭމާއި ޕްރިޒާވްސް:

އަތުން ތައްޔާރުކުރާ (Artisanal) ޖޭމް އުފައްދާ ފަރާތްތަކުން، ޗީޒް ބޯޑުތަކާއެކު ބޭނުންކުރަން ހާއްސަކޮށް މި ދެ ބާވަތް ބޭނުންކޮށްގެން ތަފާތު ޖޭމް ތައްޔާރުކުރެއެވެ.

ރަހަ: މިއީ އާންމު ޖޭމަށްވުރެ ތަފާތު، ތައިމްގެ ސަބަބުން ކޮންމެވެސް ވަރަކަށް "ސޭވަރީ" ނުވަތަ ހަވާދުގެ ރަހަ އެކުލެވޭ، ފޮނިކަން ހަމަހަމަ ރަހައެކެވެ.

އެކުގައި ބޭނުންކުރެވިދާނެ ތަކެތި: މިފަދަ ޖޭމްތަކަކީ ކެމެމްބާޓް، ބްރީ، އަދި ގޯޓް ޗީޒް ފަދަ ކްރީމީ ޗީޒްތަކާ ވަރަށް ގުޅޭ އެއްޗެކެވެ. އަދި ޕްރޮޝޫޓޯ ފަދަ މަހުގެ ބާވަތްތަކާއެކުވެސް މިއީ ރަނގަޅު ކެއުމެކެވެ.

މިސާލު: "ބްލޭކް ހިލް ޕްރިޒާވްސް" ފަދަ ބްރޭންޑްތަކުން "ވައިލްޑް ބްލޫބެރީ ވިތް ތައިމް" ޖޭމް އުފައްދައެވެ. އަދި ކުދި ފިހާރަތަކުންވެސް މިފަދަ ޚާއްޞަ ބާވަތްތައް ލިބެން ހުރެއެވެ.

ކޮކްޓެއިލް އަދި މޮކްޓެއިލް:

މި މޭވާއާއި ފަތުގެ ރަހައަކީ ހޫނު މޫސުމުގެ ތާޒާ ބުއިންތައް ތައްޔާރުކުރުމަށް ބުއިންތައް އުފައްދާ މާހިރުން (mixologists) ވަރަށް ގަޔާވާ ރަހައެކެވެ.

ބްލޫބެރީ-ތައިމް ސިމްޕަލް ސިރަޕް: ހަކުރާއި، ފެނާއި، މެއިން ބްލޫބެރީ އަދި ތާޒާ ތައިމް ފަތް ބޭނުންކޮށްގެން މަޑުގިނީގައި ކައްކައިގެން އުފައްދާ މި ސިރަޕަކީ ގަދަ ދަނބު ކުލައެއް ހުންނަ އެއްޗެކެވެ.

ބުއިންތައް: މި ސިރަޕަކީ ޖިން އެންޑް ޓޮނިކް، ވައިޓް ވައިން ސްޕްރިޓްޒާސް، ނުވަތަ ރަމް ބޭނުންކޮށްގެން ތައްޔާރުކުރާ މޮހީޓޯ ފަދަ ބުއިންތަކަށް އިތުރު ފުރިހަމަކަމެއް ގެނެސްދޭ ބާވަތެކެވެ.

ތައިމް ފޯ މައިން ބްލޫބެރީގެ ބުއިމެއް 2 މީހަކަށް ތައްޔާރުކުމަށް ބޭނުންވާ ތަކެތި

ބްލޫބެރީ-ތައިމް ސިރަޕް ތައްޔާރުކުރުމަށް:

2 ޖޯޑު ހަކުރު

2 ޖޯޑު ފެން

2 ސައިސަމުސާ ކޯން ސިރަޕް

2 ޖޯޑު ބްލޫބެރީ

5 އާއި 8 އާ ދެމެދުގެ އަދަދަކަށް ތައިމް އިލޮށި (thyme sprigs)

ބުއިން ތައްޔާރުކުރުމަށް:

5 އައުންސް ޖިން (Gin)

2 އައުންސް ތައްޔާރުކުރި ބްލޫބެރީ-ތައިމް ސިރަޕް

1 އައުންސް ލެމަން ޖޫސް (ރީނދޫ ލުނބޯ ހުތް)

1 އައުންސް ލައިމް ޖޫސް (ފެހި ލުނބޯ ހުތް)

ބުއިން އެޅުމަށް ކުޑަ ބިއްލޫރި ތަށި

ގާނިޝް ކުރުމަށް (ޒީނަތްތެރިކުރުމަށް) މަދު ބްލޫބެރީ ކޮޅަކާއި، ބޮޅުކޮށްފައިވާ ލެމަން ތޮށިކޮޅެއް އަދި 2 ތައިމް އިލޮށި

ތައްޔާރުކުރާނެ ގޮތް:

ސިރަޕް ތައްޔާރުކުރުން:

އެންމެ ފުރަތަމަ ތަވައަކަށް ހަކުރާއި، ފެނާއި، ކޯން ސިރަޕް އެޅުމަށްފަހު، މެދު މިންވަރެއްގެ ގިނީގައި ހަކުރުތައް ވިދެންދެން ކައްކާށެވެ. ހަކުރު ވިދުމުން އޭގެ ތެރެއަށް ބްލޫބެރީ އާއި ތައިމް އިތުރުކޮށް، ގިނި މަޑުކޮށްލުމަށްފަހު 10 މިނެޓު ވަންދެން ކައްކާށެވެ. ކައްކާ ނިމުމުން ހިހޫވަންދެން ބަހައްޓާށެވެ. ސިރަޕް ހިހޫވުމުން، ތައިމް އާއި ބްލޫބެރީތަކާ އެކު ބިއްލޫރި ފުޅިއަކަށް ނުވަތަ ކޮންޓޭނަރަކަށް އަޅައި އައިސްއަލަމާރީގައި ރައްކާކުރާށެވެ. ތައިމްގެ ރަހަ ގަދަވާން ބޭނުން ނުވާނަމަ، ސިރަޕް ފުޅިއަށް އަޅާއިރު ތައިމް އިލޮށިތައް ނަގާށެވެ.

ބުއިން ތައްޔާރުކުރުން:

ކޮކްޓެއިލް ޝޭކަރަކަށް ގަނޑުފެން އެޅުމަށްފަހު، އޭގެ ތެރެއަށް ޖިން، ތައްޔާރުކުރި ބްލޫބެރީ-ތައިމް ސިރަޕް އަދި ލުނބޯ ހުތް އަޅައި ރަނގަޅަށް ފިނިވަންދެން ގަދައަށް ތަޅުވައިލާށެވެ. އެއަށްފަހު، ތައްޔާރުކުރި ބުއިން ކުޑަ ބިއްލޫރި ތަަށްޓަކަށް ފުރާނައިލާށެވެ. އެންމެ ފަހު ކަމަކަށް، ބްލޫބެރީ އާއި، ބޮޅުކޮށްފައިވާ ލެމަން ތޮށިކޮޅެއް އަދި ތައިމް އިލޮށި ބޭނުންކޮށްގެން ބުއިން ޒީނަތްތެރިކޮށްލާށެވެ.